Fatimah binti Maimun

Dari Wikipedia baso Minang, ensiklopedia bebas
Lompek ka: navigasi, cari
Makam Fatimah binti Maimun, di desa Leran, Manyar, Gresik. Tutuik makam barupo gaduang tembok pasagi dari batu kapua putiah.

Fatimah binti Maimun bin Hibatullah adolah surang padusi baagamo Islam nan wafaik pado ari Juma'at, 7 Rajab 475 Hijriyah (2 Desember 1082 M).[1][2][3][4] Batu nisannyo ditulih dalam bahaso Arab jo uruf kaligrafi caro Kufi, sarato marupoan nisan kubua Islam tatuo nan ditamuan di Nusantara.[1][2][3] Makam tasabuik barado di desa Leran, Kecamatan Manyar, sakita 5 km arah utara kota Gresik, Jawa Timur.[5]

Tamuan batu nisan tasabuik marupoan salah satu data arkeologis tantang kabaradoan komunitas Muslim patamo di kawasan pantai utara Jawa Timur.[6] Kaligrafi caro Kufi tasabuik manunjukan baso di antaro pandatang di kawasan pantai tu tadapek urang-urang asa Timua Tangah, dan mareka mungkin adolah pedagang, sabauk nisan kubua jo kaligrafi caro Kufi nan sarupo tu ditamuan juo di Phanrang, Champa salatan.[6] Ubuangan padagangan Champa-Jawa Timur marupoan bagian dari jalua padagangan komunitas Muslim pantai pado abaik ka-11 nan mambantang di bagian salatan Cino, India, jo Timua Tangah.[6]

Legenda[suntiang | suntiang sumber]

Sumber tatulih tatuo nan manyabuik legenda manganai surang putri dari Leran iolah Sajarah Banten, nan ditulih taun 1662 atau 1663.[7] Disabuikan baso pado maso Islamisasi Jawa, surang Putri Suwari dari Leran ditunangan jo rajo taakia dari Majapahit.[7]

Moquette manyampaian juo legenda satampek nan dicatatnyo kutiko inyo mangunjuangi Leran, baso makam tasabuik adolah kubua surang putri rajo banamo Putri Dewi Suwari, nan mamainan paran pantiang di awa sijarah Islam di pulau Jawa. Putri tu diubuang-ubuangan jo Maulana Malik Ibrahim (wafaik 822 H/1419 M), surang wali tanamo nan makamnyo tadapek di kota Gresik; antah sabagai bininyo atau muriknyo. Legenda tasabuik indak dapek ditarimo, dek karano ado jarak 400 taun antaro kaduo tokoh tu.[1][2]

Naskah nisan[suntiang | suntiang sumber]

Tulisan pado nisan tadiri dari tujuah barih, barikuik iko adolah bacaan J.P. Moquette nan ditajamahan dek Muh. Yamin, sbb.:[8]

  • Atas nama Tuhan Allah Yang Maha Penyayang dan Maha Pemurah
  • Tiap-tiap makhluk yang hidup di atas bumi itu adalah bersifat fana
  • Tetapi wajah Tuhan-mu yang bersemarak dan gemilang itu tetap kekal adanya
  • Inilah kuburan wanita yang menjadi kurban syahid bernama Fatimah binti Maimun
  • Putera Hibatu'llah yang berpulang pada hari Jumiyad ketika tujuh
  • Sudah berlewat bulan Rajab dan pada tahun 495[9]
  • Yang menjadi kemurahan Tuhan Allah Yang Maha Tinggi
  • Bersama pula Rasulnya Mulia

Barih 1 marupoan basmalah, sadang barih 2-3 marupoan kutipan Surah Ar-Rahman ayaik 25-26, nan umum dalam epitaf umaik Muslim, tarutamo di Masia.[10]

Rujuakan[suntiang | suntiang sumber]

  1. ^ a b c Paul Ravaisse, L'inscription coufique de Léran à Java, TBG, 65, 1925, hlm. 668-703.
  2. ^ a b c J.P. Moquette, De oudste Moehammedaansche inscripte op Java (op de grafsteen te Leran), dalam Verhandelingen van het Eerste Congres voorde Taal-, Land- en Volkenkunde van Java gehouden te Solo, 25-26 December 1919, Weltevreden, 1919 (1921), hlm 291-399.
  3. ^ a b Epigrafi dan Sejarah Nusantara: Pilihan Karangan Louis-Charles Damais, Jakarta, École Française d'Extrême-Orient, 1995, hlm. 298.
  4. ^ M. Habib Mustopo, Kebudayaan Islam di Jawa Timur: kajian beberapa unsur budaya masa peralihan, Jendela, 2001.
  5. ^ Makam Fatimah Binti Maimun, www.eastjava.com, Copyrights © 1998-2012.
  6. ^ a b c Uka Tjandrasasmita, Arkeologi Islam Nusantara, Kepustakaan Populer Gramedia (KPG), Jakarta, 2010, ISBN 978-979-9102-12-6, hlm. 75-76.
  7. ^ a b Hoesein Djajadiningrat, Critische beschouwing van de Sadjarah Banten.
  8. ^ Muhammad Yamin, Tatanegara Madjapahit, Jajasan Prapantja, Djakarta: 1962.
  9. ^ Moquette membaca 495; sedangkan pembacaan oleh Ravaisse adalah 475, demikian pula sesuai pendapat Tjandrasasmita, Damais, Lombard, dll.
  10. ^ Claude Guillot & Ludvik Kalus, Inskripsi Islam tertua di Indonesia, Kepustakaan Populer Gramedia (KPG), Jakarta, 2008, ISBN 10: 979-910103-4, hlm. 21.