Bijayendrawarman

Dari Wikipedia baso Minang, ensiklopedia bebas
Lompek ka: navigasi, cari

Bijayendrawarman adolah namo salah surang yuwaraja (rajo mudo/pangeran) dari Karajaan Malayupura, nan bakuaso pado abaik ka-14 di daerah Pasaman, Sumatera Barat.[1][2] Namo Bijayendrawarman disabuik dalam Batu basurek Lubuak Layang, nan ditamuan di Pancahan, Rao, Pasaman.[1] Dikatoan baso inyo mandirian sabuah stupa, di suatu tampek nan dinamoan Parwatapuri.[1][2]

Kok diliek sacaro paleografi, bantuak tulisan pado batu basurek tu sarupo jo tulisan lainnyo nan dikaluaan salamo pamarentahan Rajo Adityawarman.[1] Iko aratinyo ado duo yuwaraja di maso nan samo; yaitu Ananggawarman nan disabuik dalam Batu basurek Saruaso II,[3][4] sarato Bijayendrawarman nan kamungkinan adolah anak pulo dari Rajo Adityawarman.[1][5] Tampek kakuasoan Bijayendrawarman nan talatak di wilayah perbatasan karajaan (Pasaman), buliah jadi manunjuakan baso inyo adolah anak nan mudo, nan diangkek jadi panguaso untuak daerah tu.[1]

Kamungkinan nan lain adolah Bijayendrawarman baubuangan jo Akarendrawarman, yaitu panguaso karajaan sabalun Rajo Adityawarman.[1]

Caliak pulo[suntiang | suntiang sumber]

Rujuakan[suntiang | suntiang sumber]

  1. ^ a b c d e f g Kozok, Uli (2015). A 14th Century Malay Code of Laws: The Nitisarasamuccaya. Institute of Southeast Asian Studies. p. 39. ISBN 9814459747, 9789814459747. https://books.google.co.id/books?id=35lqBgAAQBAJ&pg=PA39&dq=bijayendrawarman&hl=id&sa=X&ved=0ahUKEwj4sOmlvcrOAhULPo8KHcxCDD4QuwUIHzAA#v=onepage&q=bijayendrawarman&f=false. 
  2. ^ a b Abidin, Mas'oed (2005). Ensiklopedi Minangkabau. Pusat Pengkajian Islam dan Minangkabau. p. 90. ISBN 9793797231, 9789793797236. https://books.google.co.id/books?id=VJFuAAAAMAAJ&q=bijayendrawarman&dq=bijayendrawarman&hl=id&sa=X&ved=0ahUKEwj4sOmlvcrOAhULPo8KHcxCDD4Q6AEIITAB. 
  3. ^ Andaya, Leonard Y. (2008). Leaves of the Same Tree: Trade and Ethnicity in the Straits of Melaka. ed. berilustrasi. University of Hawaii Press. p. 87-88. ISBN 0824831896, 9780824831899. https://books.google.co.id/books?id=w7AqZR1ZUZgC&pg=PA88&dq=Ananggawarman&hl=id&sa=X&ved=0ahUKEwinoP_ah-3NAhXLMo8KHeQ4AeoQuwUIMzAC#v=onepage&q=Ananggawarman&f=false. 
  4. ^ Schnitger, F. M. (1937). The Archaeology of Hindoo Sumatra. Leiden: Brill Archive. p. 13. https://books.google.co.id/books?id=YbsUAAAAIAAJ&pg=PA13&dq=Ananggawarman&hl=id&sa=X&ved=0ahUKEwinoP_ah-3NAhXLMo8KHeQ4AeoQuwUIXzAK#v=onepage&q=Ananggawarman&f=false. 
  5. ^ Kalpataru, Masalah 9. Lembaga Purbakala dan Peninggalan Nasional, Pusat Penelitian Purbakala dan Peninggalan Nasional (Indonesia). 15 Juni 1990. p. 229. https://books.google.co.id/books?id=eE4aAAAAIAAJ&q=bijayendrawarman&dq=bijayendrawarman&hl=id&sa=X&ved=0ahUKEwj4sOmlvcrOAhULPo8KHcxCDD4Q6AEIJDAC.