Lompat ke isi

Palangki, IV Nagari, Sijunjung

Wikipedia Minangkabau - Lubuak aka tapian ilimu
(Dialiahkan dari Palangki)
Palangki
Nagari
Nagara Indonesia
ProvinsiSumatera Barat
KabupatenSijunjung
KecamatanIV Nagari
Kodepos27561
Laweh13,4 km²
Panduduak3.803 jiwa
Rumah Gadang Nan Panjang Suku Kalumpang Nagari Palangki, Kabupaten Sijunjung, Sumatera Barat
Search Wikimedia Commons Ado kategori tantang Palangki di Wikimedia Commons

Palangki marupokan salah satu nagari nan barado dalam wilayah Kacamatan IV Nagari, Kabupaten Sijunjung, Krovinsi Sumatra Barat, Indonesia. Sacaro administrasi Nagari Palangki mampunyoi lueh wilayah 13,4 km² nan tadiri dari 5 (limo) jorong yaitu Tanjung Udani, Ranah Tibarau, Tambang Ameh, Pantai Cermin jo Lintas Harapan. Jarak dari kantua Wali Nagari ka ibukota Kacamatan adolah 200 M, ka Ibukota Kabupaten adolah 7 Km dan ka Ibukota Provinsi adolah 110 Km[1]

Kondisi Geografis

[suntiang | suntiang sumber]

Nagari Palangki barado pado katinggian sekitar 164 meter dari permukaan lauik jo rato-rato curah hujan 26 hari/mm/bulan dan mampunyoi suhu bakisa antaro 26°C - 32°C. Nagari Palangki dilalui dek Jalan Lintas Sumatera nan mambantang dari arah barat ka arah timur sapanjang labiah kurang 6 Km. Wilayah Nagari Palangki dilalui dek batang aia gadang yaitu Batang Palangki. Batang Palangki ko digunoan sabagai sumber iduk untuak pengairan sawah, bahan material untuak bangunan sarato juo menganduang bahan tambang sarupo ameh[2][3]

Bateh Wilayah

[suntiang | suntiang sumber]

Salanjuiknyo bateh-bateh wilayah nagari Palangki adolah sabagai barikuik:

Utara Muaro
Selatan Koto Baru
Barat Muaro Bodi
Timur Kandang Baru

Sosial jo Budayo

[suntiang | suntiang sumber]

Data pado tahun 2018 manunjuakan panduduak nagari Palangki bajumlah 3.803 jiwa nan tadiri dari 1.898 Laki-laki jo 1.905 Padusi.Nagari Palangki mayoritas marupoan suku bangsa Minangkabau nan menganut sistem kekerabatan Matrilinial. Sacaro adaik dinagari Palangki ado 11 Suku(klan)/Marga yaitu Chaniago Ateh, Chaniago Bawuo, Malayu Ateh, Malayu Bawuo, Piliang, Mandailiang, Gontiang, Kalumpang, Patopang Godang, Patopang Lado dan Patopang Kutianyie. Tadapek 1 unit bangunan Balai Adaik XVI Koto sabagai tampek musyawarah bagi Niniak Mamak pamangku adaik di nagari Palangki dan juo nagari di XVI Koto. Salain itu, kini ko masih ado 63 Rumah Gadang nan manjadi ciri khas rumah dari suku bangso Minangkabau .[3]

Kesenian tradisional nan ad diantaronyo Salawek Dulang, Basaluang, Silek Podang, Bailau jo Tari Mandulang Ameh. Untuak tampek pamakaman umum/ pandam pakuburan bagi masyarakaik nan maningga dunia ado di Bukit Lereing Capo.[3][2] Untuak sarana ibadah ado sabuah musajik yaitu Musajik Syuhada' Palangki nan menjadi Ikon Nagari yang barado di tapi Jalan Lintas Sumatera.[4] [5]Di nagari Palangki juo ado 17 unit Surau/Musala, dan pado saat kini ko ado 9 TPA/TPSA nan masih aktif.[2]

Pendidikan

[suntiang | suntiang sumber]

Dinagari Palangki ado Taman Kanak-kanak (TK) sabanyak 3 unit yaitu TK Aisyiah, TK Pertiwi jo TK Ar-Rahman. Sekolah Dasar (SD) sabanyak 4 unit yaitu SDN 1 Palangki, SDN 6 Palangki, SDN 13 Palangki dan SDIT Ar-Rahman Palangki. Sekolah Menengah Pertama (SMP) sabanyak 2 unit yaitu MTsN 1 Sijunjung jo SMPIT Ar-Rahman sarato 1 unit Sekolah Menengah Atas (SMA) yaitu MAN 1 Sijunjung.[3]

Potensi Nagari

[suntiang | suntiang sumber]

Kawasan nagari Palangki mamiliki sumber dayo lahan pertanian, pakabunan jo peternakan. Komoditas unggulan maliputi: gatah, kakao jo peternakan jawi disampiang itu tanaman padi, palawija, jaguang, Kacang tempe dengan caro samusim, sedangkan tanaman holtikultura ado rambutan lansek/duku jo durian, cimangko serta manggis[2]. Jawi manjadi komoditas potensial karano ado pasar taranak palangki nan menjadi tampek pamasarannya.[6] Nagari Palangki di lalui dek sungai Batang Palangki sahinggo banyak tadapek panambangan ameh.[7]Salain itu ado juo potensi kasiak aia jo migas.[8]Potensi pariwisata nan ado adolah wisata alam Tabek Silocen jo pamandian Menara Air Resort Palangki.[9][10]

Galeri

[suntiang | suntiang sumber]
  • Kurak kariak adolah suatu istilah untuak karajo menombang ameh dek masyarakaik Palangki Kabupaten Sijunjung
    Kurak kariak adolah suatu istilah untuak karajo menombang ameh dek masyarakaik Palangki Kabupaten Sijunjung
  • Surau Godang Palangki Pado tahun 1900-1970
    Surau Godang Palangki Pado tahun 1900-1970
  • Balai Gadang XVI Koto Nagari Palangki
    Balai Gadang XVI Koto Nagari Palangki
  • Palantikan Walinagari Palangki pado tahun 1975
    Palantikan Walinagari Palangki pado tahun 1975
  • Tabek Silocen adolah salah satu objek wisata alam nan pernah ado di nagari Palangki
    Tabek Silocen adolah salah satu objek wisata alam nan pernah ado di nagari Palangki
  • Batagak Gala di Nagari Muaro Bodi
    Batagak Gala di Nagari Muaro Bodi
  • Manjalang Bako merupokan sabuah tradisi parnikahan di Nagari Palangki dek pasangan yang baru menikah. Manjalang Bako dilakuan jo maantaan makanan karumah bako. Bako adolah keluarga dari pihak ayah
    Manjalang Bako merupokan sabuah tradisi parnikahan di Nagari Palangki dek pasangan yang baru menikah. Manjalang Bako dilakuan jo maantaan makanan karumah bako. Bako adolah keluarga dari pihak ayah
  • Pacu Drum adolah salah satu lomba kemeriahan HUT RI di Nagari Palangki
    Pacu Drum adolah salah satu lomba kemeriahan HUT RI di Nagari Palangki

Rujuakan

[suntiang | suntiang sumber]
  1. ↑ "Nagari Palangki, IV Nagari, Kabupaten Sijunjung". Langgam.id (dalam bahasa Indonesia). 2020-04-10. Diakses tanggal 2020-11-29. 
  2. ↑ a b c d "Sekilas Nagari Palangki". Blog tidak resmi Nagari Palangki. Diakses tanggal 2020-07-10. 
  3. ↑ a b c d Profil Nagari Palangki Tahun 2018. Pemerintahan Nagari Palangki. 29 Oktober 2018. 
  4. ↑ IDalamat.com. "Masjid Syuhada' Palangki - Sijunjung, Sumatera Barat". IDalamat.com (dalam bahasa Indonesia). Diakses tanggal 2020-07-10. 
  5. ↑ "Profil Masjid Syuhada' | Profil Masjid / Musholla". Dream.co.id (dalam bahasa Inggris). Diakses tanggal 2020-07-10. 
  6. ↑ "Pemkab Sediakan Pasar Ternak Representatif". Posmetro Padang (dalam bahasa Inggris). 2018-12-21. Diarsipkan dari versi asli tanggal 2020-07-10. Diakses tanggal 2020-07-10. 
  7. ↑ Agency, ANTARA News. "Sawah Produktif Jadi Tambang Emas". Antara News Sumbar. Diakses tanggal 2020-07-10. 
  8. ↑ "Sektor Pertambangan". www.sumbarprov.go.id. Diarsipkan dari versi asli tanggal 2020-02-18. Diakses tanggal 2020-07-10. 
  9. ↑ "Menara Air Resort Palangki, Tujuan Wisata Baru di Akhir Pekan Telah Dibuka". Minang Kini (dalam bahasa Indonesia). 2020-01-04. Diarsipkan dari versi asli tanggal 2020-07-10. Diakses tanggal 2020-07-10. 
  10. ↑ "Melirik Wisata Menara Air Resort Palangki, di Kecamatan IV Nagari Kabupaten Sijunjung". Diakses tanggal 2020-08-01. 

Pranala lua

[suntiang | suntiang sumber]
  Artikel batopik nagari di Indonesia ko baru babantuak rancangan. Sanak dapek mambantu Wikipedia mangambangannyo.
Diambiak dari "https://min.wikipedia.org/w/index.php?title=Palangki,_IV_Nagari,_Sijunjung&oldid=3153847"