Surau

Dari Wikipedia baso Minang, ensiklopedia bebas
Loncat ke navigasi Loncat ke pencarian
Di Minangkabau, latak musajik biasonyo badampiangan jo surau. Lokasi foto diambiak di Padang Lua, Banuhampu, Agam sakitar tahun 1900-an.
Surau di Johor, Malaysia.

Di beberapa daerah di Sumatra dan Semenanjung Malaya, surau marujuak ka bangunan tampek ibadah umaik Islam. Fungsinyo ampiang samo takah musajik yakni sabagai pusat kagiatan kaagamoan masyarakaik jo pandidikan dasa keislaman. Akan tetapi, dek bangunannyo relatif labiah ketek dari musajik, surau biasonyo indak digunoan untuak palaksanaan salat Jumat jo salat Ied. Di Minangkabau, surau kabanyakan labiah dikhususkan subagai lembaga pandidikan dikaranoan lataknyo nan badampiangan jo musajik.

Istilah surau alah dikenal di Minangkabau jauh sabalun kadatangan Islam.[1] A.A. Navis mangecekan, surau marupoaan tampek bakumpuanyo anak laki-laki nan alah akil baligh untuk lalok di malam hari[lower-alpha 1] jo manekuni bamacam ilimu jo katarampilan.[2][3] Fungsi iko indah barubah sasudah Islam datang, tetapi diperluas manjadi tampek ibadah jo penyebaran ilomu keislaman.[4] Manuruik cendekiawan Islam Azyumardi Azra, kedudukan surau di Minangkabau sarupo takah pasantren di Jawa. Tapi, sasudah kemerdekaan, eksistensi surau di Minangkabau baransua suruik dek lembaga pendidikan Islam di Indonesia harus tunduak pado aturan pemerintah.[5]

Di Malaysia, beda fungsi antaro surau jo musajik indak begitu jaleh. Untuak tujuan administratif, surau dibedaan manjadi surau gadang jo surau ketek. Meskipun fungsinyo ampiang samo jo musajik di Indonesia, surau gadang biasanyo mampunyai fungsionaris kaagamoan labiah langkok. Akan tetapi, surau gadang pado umumnyo indak dimukasuikan sabagai lambaga pandidikan Islam. Sabaliaknyo, surau ketek biasonyo difungsian pulo sabagai tampek maagiah palajaran dasar agama.

Catatan kaki[suntiang | suntiang sumber]

Keterangan
  1. Menurut ketentuan adat di Minangkabau, laki-laki dianggap memalukan bila masih tidur di rumah orang tua mereka atau istri yang ia ceraikan sehingga mereka diharuskan tidur di surau.
Daftar pustaka
  1. Dobbin, Cristine (1971). Islam Revivalism In Minangkabau At The Turn Of The 19th Century. Cambrage university Press. Hal. 120.
  2. Sidi, Gazalba (1982). Masjid Pusat Ibadah dan Kebudayaan Islam. Jakarta: Ummirda. Hal. 314.
  3. Dobbin, Cristine (1992). Kebangkitan Islam Dalam Ekonomi Petani yang Sedang Berubah: Sumatra Tengah 1784-1847. Terj. Lilian D. Tedjasukandhana. Jakarta: INIS. Hal. 142.
  4. Azra, Azyumardi (1985). Surau Di Tengah Krisis: Pesantren Dalam Prespektif Masyarakat. Jakarta: PM3. Hal. 156.
  5. Azra, Azyumardi (1999). Pemikiran Islam Tradisi dan Modernitas Menuju Milinium Baru. Ciputat: Logos.