Musala

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Musala Fatihova

Musala atau mushalla (Arab: مصلىterjemahan: muṣallá) adolah ruang, lapangan, atau bangunan nan tapisah dari musajik, utamonyo dipakai untuak sumbayang (salat) dalam Islam.[1] Namo ruang iko barasa dari kato karajo لى (ṣallā), nan aratinyo "sumbayang". Sacaro khusus, dipakai untuak salat Idulfitri, Iduladha, atau salat janazah sasuai sunnah.

Musala juo marujuak ka ruangan, struktur, atau tampek untuak malakukan salat wajib dan biasonyo disabuik juo jo "ruang sumbayang/ruang salat" nan labiah ketek daripado musajik. Biasonyo dipakai untuak salat wajib limo wakatu atau salat lainnyo nan hanyo bisa dalam jumlah ketek jamaah, tapi indak untuak sumbayang nan bajamaah gadang cando salat jumaik. Musalla cando iko banyak tasuo di tampek-tampek umum sarupo di labuahan udaro, mall, universitas, kantua, atau tampek-tampek umum lainnyo. Ruang ibadaik mode ko banyak tasuo di nagara-nagara mayoritas Muslim. Biasonyo, sabuah musala indak mampunyoi mimbar katik. Musala dalam bantuak struktur tapisah disabuik juo sabagai surau atau langgar.

Caliak juo[suntiang | suntiang sumber]

Rujuakan[suntiang | suntiang sumber]

  1. The Encyclopaedia of Islam. New Edition. Brill, Leiden. Vol. 7, pg. 658; al-mausūʿa al-fiqhiyya. Kuwait 1998. Vol. 38, pg 29