Lompat ke isi

Payokumbuah

Wikipedia Minangkabau - Lubuak aka tapian ilimu
(Dialiahkan dari Payakumbuh)
Untuak namo kecamatan, caliak Payakumbuh, Lima Puluh Kota.
Payokumbuah
كوتو ڤايوكومبواه
Ngalau Indah
Musajik Gadang Balai Nan DuoGaduang DPRD Kota Payakumbuh
Tugu AdipuraGunuang Sago
Pasimpangan jalanPasawahan
Dari ateh, kida ka suokː Ngalau Indah, Musajik Gadang Balai Nan Duo, Kantua DPRD Kota Payakumbuh, Tugu di Jalan Soekarno-Hatta yang kini menjadi Tugu Adipura, Gunuang Sago, Pasimpangan jalan Tugu Adipura, dan pasawahan.
Lambang rasmi Payokumbuah
Lambang
Julukan: Koto Kuliner
Koto Galamai
Letak Payakumbuh di Sumatera Barat
Letak Payakumbuh di Sumatera Barat
Payokumbuah di Indonesia
Payokumbuah
Payokumbuah
Letak Payakumbuh di Indonesia
Koordinat: 0°13′50.19″S 100°37′53.83″E / 0.2306083°S 100.6316194°E / -0.2306083; 100.6316194
NegaraIndonesia
ProvinsiSumatera Barat
AdministratifKecamatan: 5
Kelurahan: 47
Hari jadi17 Desember 1970
Pamarintahan
 • Wali KotaRiza Falepi
 • Wakil Wali KotaErwin Yunaz
 • Ketua DPRDYB. Datuk Parmato Alam
Laweh
 • Total80,43 km2 (31,05 sq mi)
Katinggian514 m (1,686 ft)
Panduduak (2021)
 • Total141.171
 • Kapadatan1,800/km2 (4,500/sq mi)
 • AgamoIslam 98,82%
Kristen 1,09%
- Protestan 0,59%
- Katolik 0,50%
Buddha 0,09%[1]
Zona wakatuWIB (UTC+7)
Kode wilayah+62 752
IPM (2020)▼ 78,90
Tinggi [2]
DAU (2020)Rp 465.684.926.000,-[3]
Situs webpayakumbuhkota.go.id

Payokumbuah (atau Pikumbuah, disingkek manjadi PYK) adolah salah satu koto nan talatak di provinsi Sumatera Barat, Indonesia.

Baragam panghargaan alah diraiah dek Pamarintah Kota Payakumbuh sajak babarapo taun taakhia. Dengan patumbuahan ekonomi 6,38 %, dan maningkek manjadi 6,79% pado taun 2011, Payakumbuh marupokan salah satu daerah Jo patumbuahan ekonomi tatinggi di Sumatera Barat. Inovasi dalam bidang sanitasi, pangalolaan sarok, pasa tradisional sihaik, pambinaan padagang kaki limo, jo drainase pakotaan mambaok kota iko maraih pangaragoan Inovasi Managemen Pakotaan (IMP) pado 2012, Indonesia Green Regional Award (IGRA), Kota Sihaik Wistara, jo saderet pangaragoaan lainnyo.

Kota Payakumbuh tadiri dari 5 kecamatan, iyolah Payakumbuh Utara, Payakumbuh Barat, Payakumbuh Timur, Payakumbuh Selatan, dan tarakia Lamposi Tigo Nagari.

Geografi

[suntiang | suntiang sumber]
Gunuang Sago di selatan Payakumbuh

Kota Payakumbuh talatak di daerah dataran tinggi nan marupokan bagian dari Bukik Barisan. Talatak pado hamparan kaki Gunuang Sago, bantangan alam kota ko mamiliki katinggian nan babeda-beda. Topografi daerah kota ko tadiri dari pabukitan jo rato-rato katinggian 514 m di ateh pamukoan lauik. Wilayahnyo dilalui dek babarapo sungai, iyolah Batang Agam, Batang Lampasi, jo Batang Sinamo, Batang Sikali, Batang Pulau, Sungai Baih, Sungai Talang. Suhu udaronyo rato-rato bakisar antaro 26 °C jo kalembapan udaro antaro 45–50%.

Payakumbuh bajarak sakitar 30 km dari Kota Bukittinggi atau 120 km dari Kota Padang dan 188 km dari Kota Pekanbaru. Wilayah administratif kota ko dikaliliangi dek Kabupaten Lima Puluh Kota. Jo laweh wilayah 80,43 km² atau samo jo 0,19% dari laweh wilayah Sumatera Barat, Payokumbuah marupokan kota talaweh katigo di Sumatera Barat. Kota ko panah manjadi kota talaweh pado taun 1970, sabalun paluasan wilayah administratif Kota Padang jo Kota Sawahlunto. Kota Sawahlunto nan pado taun 1970 marupokan kota nan paliang ketek jo laweh 6,3 km² dipalaweh manja­di 273,45 km² atau maningkek sabanyak 43,4 kali dari saba­lunnyo, samantaro Kota Padang dipa­laweh manjadi 694,96 km² dan sakaligus manjadi kota nan talaweh di Sumatera Barat. Paluasan ko manya­babkan Sawahlunto manjadi kota talaweh kadua jo Paya­kumbuh turun man­jadi talaweh katigo di Sumatera Barat.

Sijarah

[suntiang | suntiang sumber]
Pamandangan jalan di Payakumbuh di akhia abaik ka-19

Kota Payakumbuh tarutamo pusek kotanyo dibangun dek Pamarintah Kolonial Hindia Balando. Sajak katalibatan Balando dalam Parang Pidari, kawasan ko bakambang manjadi depot atau kawasan gudang panyimpanan dari hasil tanam kopi dan taruih bakambang manjadi salah satu daerah administrasi distrik pamarintahan kolonial Hindia Balando kutiko ko.[4]

Manuruik tambo satampek, dari salah satu kawasan di dalam kota ko ado suatu nagari tatuo iyolah nagari Aie Tabik dan pado taun 1840, Balando mambangun jambatan batu untuak mangubuangkan kawasan tasabuik jo pusek kota kini.[5] Jambatan itu kini tanamo juo jo namo Jambatan Ratapan Ibu.

Payakumbuh sajak zaman sabalun kamardekaan alah manjadi pusek palayanan pamarintahan, padagangan, jo pandidikan tarutamo bagi Luhak Limo Puluah. Pado zaman pamarintahan Balando, Payakumbuh adolah tampek kadudukan asisten residen nan manguasoi wila­yah Luhak Limo Puluah, dan pado zaman pamarintahan Japang, Payakumbuh manjadi pusek kadudukan pamarintah Luhak Limo Puluah.

Pamarintahan

[suntiang | suntiang sumber]
Rumah assistent-resident Payakumbuh di sakitar tahun 1900

Kota Payakumbuh sabagai pamarintah daerah manuruik Undang-undang Nomor 8 Taun 1956 tanggal 19 Maret 1956, nan manatapkan kota ko sabagai kota kecil.[6] Kudian ditindaklanjuti dek Peraturan Menteri Dalam Nagari Nomor 8 taun 1970 tanggal 17 Desember 1970 manatapkan kota ko manjadi daerah otonom pamarintah daerah tingkek II Kotamadya Payakumbuh. Salanjuiknyo wilayah administrasi pamarintahan tadiri ateh 3 wilayah kecamatan jo 73 kelurahan nan barasa dari 7 jorong nan ado di 7 kanagarian nan ado sangkek itu, jo pambagian kecamatan Payakumbuh Barat jo 31 Kelurahan, kecamatan Payakumbuh Timur jo 14 kelurahan sarato kecamatan Payakumbuh Utara jo 28 kelurahan.

Sabalun taun 1970, Payakumbuh adolah bagian dari Kabupaten Lima­ Pu­luh Kota nan sakaligus ibu kota kabupaten tasabuik.

Pado taun 2008, sasuai jo pakambangannyo mako dilakukan pangambangan wilayah kecamatan, sainggo kota Payakumbuh mamiliki 5 wilayah kecamatan, jo 8 kanagarian sarato 76 wilayah kelurahan. Pado taun 2014 jo 2016 tajadi panggabuangan babarapo kelurahan nan wilayahnyo ketek jo saketek panduduak, sainggo jumlah kelurahan manyusuik manjadi 48 kelurahan.

Adopun wilayah kecamatan nan baru tu adolah kecamatan Lamposi Tigo Nagari, nan tadiri dari 6 kelurahan dalam kanagarian Sungai Durian, Lamposi jo Koto Panjang. Kecamatan Payakumbuh Selatan, nan tadiri dari 6 kelurahan dalam 2 kanagarian iyolah Limbukan jo Aur Kuning. Kecamatan Payakumbuh Barat tadiri dari 18 kelurahan dalam Kanagarian Koto Nan IV. Kecamatan Payakumbuh Timur tadiri dari 9 kelurahan dalam 3 kanagarian, iyolah Aie Tabik, Payobasuang jo Tiakar. Kecamatan Payakumbuh Utara tadiri dari 9 kelurahan dalam Kanagarian Koto Nan Godang.[7]

Daftar Wali Kota

[suntiang | suntiang sumber]
!Artikel utamo untuak bagian ko adolah: Daftar Wali Kota Payakumbuh

Barikuik adolah Daftar Wali Kota Payakumbuh, Sumatera Barat, Indonesia dari maso ka maso.

No Wali Kota[8] Mulai manjabaik Akhia menjabaik Prd. Wakil Wali Kota Ket.
1
Drs.
Soetan Oesman[9]
23 November 1970
24 Februari 1973
1
—
Pejabat Wali Kota
24 Februari 1973
24 Juni 1978
Wali Kota Definitif
2
Drs.
Masri M.S.[10][11][12]
1978
1983
2
3
Drs. H.
Muzahar Muchtar[13]
1983
1988
3
4
Drs. H.
Muchtiar Muchtar[14][15]
20 Juli 1988
1993
4
6
Drs. H.
Fahmi Rasyad
SH
1993
1998
5
6
Drs. H.
Darlis Ilyas
SH[16]
1998
29 Mei 2002[17]
6
Dicopot.
—
Drs.
Yulrizal Baharin
29 Mei 2002[17]
23 September 2002
7
Capt. H.
Josrizal Zain
SE. MM
23 September 2002
23 September 2007
7
Ir.
Benny Mukhtar (2002—2005)
23 September 2007
23 September 2012
8
H.
Syamsul Bahri
SH
8
H.
Riza Falepi
ST. MT
23 September 2012
23 September 2017
9
Drs. H.
Suwandel Muchtar
MM
23 September 2017
Petahana
10
H.
Erwin Yunaz
SE, MM
[18]

Dewan Perwakilan

[suntiang | suntiang sumber]
!Artikel utamo untuak bagian ko adolah: Dewan Perwakilan Rakyat Daerah Kota Payakumbuh

Barikuik iko adolah komposisi anggota DPRD Kota Payakumbuh dalam duo periode terakhir.[19][20]

Partai Politik Jumlah Kurisi dalam Periode
2014-2019 2019-2024
 PKB  0 ▲ 1
 GERINDRA  3 ▲ 4
 PDIP  2 ▼ 1
 GOLKAR  3 Steady 3
 NASDEM  2 Steady 2
 PKS  3 ▲ 5
 PPP  3 Steady 3
 PAN  3 ▼ 2
 HANURA  1 ▼ 0
 DEMOKRAT  3 Steady 3
 PBB  2 ▼ 1
Jumlah Anggota 25 Steady 25
Jumlah Partai 10 Steady 10

Kecamatan

[suntiang | suntiang sumber]
!Artikel utamo untuak bagian ko adolah: Daftar kecamatan dan kelurahan di Kota Payakumbuh

Kota Payakumbuh mamiliki 5 kecamatan jo 47 kelurahan. Laweh wilayahnyo mancapai 85,22 km² jo panduduak 129.751 jiwa (2017) nan jo sebaran 1.522 jiwa/km².[21][22]

Daftar kecamatan dan kelurahan di Kota Payakumbuh, adolah sabagai barikuik:

Kode
Kemendagri		 Kecamatan Jumlah
Kelurahan		 Status Daftar
Kelurahan
13.76.04 Lamposi Tigo Nagori 6 Kelurahan
13.76.01 Payakumbuh Barat 17 Kelurahan
13.76.05 Payakumbuh Selatan 6 Kelurahan
13.76.03 Payakumbuh Timur 9 Kelurahan
13.76.02 Payakumbuh Utara 9 Kelurahan
TOTAL 47

Panduduak

[suntiang | suntiang sumber]

Kota ko didominasi dek etnis Minangkabau, namun ado juo etnis Tionghoa, Tamil, Malayu, Jawa, jo Batak, jo jumlah angkatan karajo 50.492 urang nan sakitar 3.483 urang diantaronyo marupokan pangangguran. Pado taun 1943 etnis Tionghoa di kota ko panah mancapai 2.000 jiwa dari 10.000 jiwa total populasi maso itu.[23]

Dari segi jumlah pandu­duak, pado taun 1970 Paya­kumbuh ado pado paringkek katigo sasudah Padang jo Bukittinggi. Akan tetapi pabedaan jumlah panduduak Payakumbuh jo Bukit­tinggi relatif kaciak iyolah anyo 784 urang. Pado taun 2009 atau 40 taun kudian, jumlah panduduak Payakumbuh maningkek jauah manjadi 106 726 jiwa. Akan tetapi masih tatap ado pado paringkek katigo sasudah Bukittinggi jo pabedaan jumlah 894 urang.

Walaupun baitu, pa­ning­kekan jumlah panduduak ko maningkekan status Kota Payakumbuh dari kota kaciak (jumlah panduduak < 100.000 urang), manjadi kota mana­ngah (jumlah panduduak > 100.000 urang)

Pandidikan

[suntiang | suntiang sumber]

Pado taun 1954 di Paya­kum­buh didirian paguruan tinggi patanian nan maru­pokan paguruan tinggi nagari nan tatuo di lua Jawa. PTN ikolah nan kudian bakam­bang manjadi Universitas Andalas. Pado taun 1960-an batagak pulo salah satu fakul­tas dari IAIN Imam Bonjol.

Pandidikan formal SD atau MI nagari jo swasta SMP atau MTs nagari jo swasta SMA nagari jo swasta MA nagari jo swasta SMK nagari jo swasta Paguruan tinggi
Jumlah satuan 75 20 11 5 12 2
Data sikolah di kota PayakumbuhSumber:[24]

Kasehatan

[suntiang | suntiang sumber]

Untuak maningkekan taraf kasehatan, pamarintah kota Payakumbuh alah mambangun sabuah rumah sakit nan banamo Rumah Sakik Umum Daerah Dr. Adnaan WD sarato juo mandirikan 6 buah puskesmas jo 23 puskesmas pambantu.[25]

Salain itu di kota ko juo ado sabuah rumah sakik swasta nan banama Rumah Sakik Yarsi.

Parubuangan

[suntiang | suntiang sumber]
Stasiun kareta api Payakumbuh di sakitar tahun 1900
Lokomotif gerigi tipe B malintasi jambatan Payakumbuh

Kota ko tamasuak kota pangubuang antaro kota Padang jo kota Pekanbaru, dari kota ko dapek juo tarubuang ka jalur linteh tangah Sumatera tanpa musti malalui kota Bukittinggi. Terminal Koto Nan Ampek marupokan terminal angkutan darek nan ado di kota ko. Sabagai pusek pelayanan, Payakumbuh dulu juo mam­pu­nyoi lapangan tabang, iyolah Lapangan Tabang Piobang.

Kini alah dibangun jalan lingka lua bagian utara (10,45 km) jo selatan (15,34 km) nan disabuik Payakumbuh Bypass untuak mamudahan akses transportasi jo indak harus malalui pusek kota dan untuak mandorong patumbuahan ekonominyo. Pambangunan jalan ko barasa dari dana pinjaman pamarintah pusek kapado Bank Pambangunan Asia (ADB).[26]

Parekonomian

[suntiang | suntiang sumber]

Kota Payakumbuh sabagai kota pasinggahan, manjadikan sektor jaso jo padagangan manjadi sektor andalan. Namun sektor lain sarupo patanian, taranak jo parikanan masih manjanjikan bagi masyarakaik kota ko[27] karano didukuang dek kondisi tanahnyo juo masih subur.

Untuak manjadikan kota ko sabagai sentra padagangan salain jo maningkekan pasa-pasa tradisional nan ado salamo ko, pamarintah satampek basamo masyarakaiknyo mancubo mambangun sistem pagudangan untuak mandukuang aktivitas padagangan nan modern. Kini kota Payakumbuh alah mamiliki sabuah pasa modern nan talatak di jantuang kotanyo.[28]

Samantaro industri-industri nan ado di kota ko baru baskala ketek, namun alah mampu baproduksi untuak mamanuahi pamintaan pasa lua nagari, diantaronyo sulaman bordir jo songkok/peci. Salain itu industri makanan tradisional manjadi industri andalan nan bakambang di kota ko[29], dapek tasuo dari pusek kota inggo ka pinggia kota, sarupo di Lamposi nan tanamo sabagai Kampuang Randang.[30]

Pariwisata

[suntiang | suntiang sumber]
Masajik Gadang Balai Nan Duo

Kota Payakumbuh tanamo mampunyoi makanan khas di antaronyo botiah (batiah) jo galamai, salain itu ado juo makanan khas lainnyo sarupo bareh randang, kipang, randang baluik, randang talua, jo martabak mesir. Di Nagari Tiakar tanamo makanan khasnyo banamo paniaram, iyolah kue dari bareh katan nan dicampua gulo saka.

Babarapo kawasan wisata di kota ko antaro lain Ngalau Indah, Ngalau Sompik, Puncak Simarajo, Panorama Ampangan, jo sabagainyo. Salain itu patunjukan Pacu Itiak marupokan tradisi nan satiok tahunnyo diadokan pado nagari-nagari nan ado dalam kota ko juo manjadi salah satu atraksi pariwisata di kota ko.

Babarapo objek wisata di sakitar kota Payakumbuh adolah:

Olahraga jo Budayo

[suntiang | suntiang sumber]

Masyarakaikkota ko mampunyoi klub sipak bola nan banamo Persepak Payakumbuh nan bamarkas di Stadion Kapten Tantawi.

Olahraga pacu kudo juo marupokan patunjukan nan paliang dituju dek masyarakaik kota ko, dan biaso satiok tahunnyo diadokan di galanggang pacuan kudo nan banamo Kubu Gadang nan kini manjadi bagian dari kompleks GOR M. Yamin.

Kota Payakumbuh mampunyoi babarapo patunjukan tradisional, di antaronyo tarian-tarian daerah nan bacampua jo gerakan silek sarato diiriangi jo nyanyian nan biaso ditampikan pado alek-alek adaik atau pagelaran seni nan banamo randai.[31] Salah satu kalompok randai nan tanamo diantaronyo dari daerah Padang Alai, nan banamo Randai Cindua Mato.

Masyarakaik kota Payakumbuh juo tanamo jo alaik musik jinih Talempong, nan biaso ditampilkan dalam alek-alek adat, alek pakawinan, jo lain sabagainyo. Salain itu alaik musik lain nan masih tasuo di kota ko adolah Saluang, iyolah sajinih alaik musik tiup atau ampia sarupo jo suliang.

Seni

[suntiang | suntiang sumber]

Rujuakan

[suntiang | suntiang sumber]
  1. ↑ "Visualisasi Data Kependuduakan - Kementerian Dalam Negeri 2020" (visual). www.dukcapil.kemendagri.go.id. Diakses tanggal 30 Juli 2021. 
  2. ↑ "Metode Baru Indeks Pembangunan 2019-2020". www.bps.go.id. Diakses tanggal 30 Juli 2021. 
  3. ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 30 Juli 2021.  [pranala nonaktif permanen]
  4. ↑ Abdullah, Taufik, (2009), Schools and Politics: The Kaum Muda Movement in West Sumatra (1927-1933), Equinox Publishing, ISBN 978-602-8397-50-6.
  5. ↑ Reimar Schefold, P. Nas, Gaudenz Domenig, (2004), Indonesian Houses: Tradition and transformation in vernacular architecture, Vol. 1, Illustrated, ISBN 978-9971-69-292-6.
  6. ↑ http://www.legalitas.org Undang-undang Nomor 8 tahun 1956 (diakses pada 27 Juni 2010)
  7. ↑ http://www.payakumbuhkota.go.id Archived 2010-04-20 di Wayback Machine. Profil Archived 2016-03-08 di Wayback Machine. (diakses pada 27 Juni 2010)
  8. ↑ https://beritasumbar.com/49-tahun-kota-payakumbuh/
  9. ↑ http://docplayer.info/57928317-Ffi-40tahun-kotapayaicumbuh-plj-taifipribidi-dari-soetan-oesman-hingga-josrizal-zain-il-t-s-il-star-i-bin-stimin-j-9-t-j-4-d-ii-it-i-t-sl.html
  10. ↑ https://majalah.tempo.co/read/kota/72244/wali-kota-baru-kotor-dan-panas
  11. ↑ https://www.impiannews.com/2020/04/drs-masri-ms-walikotamadya-kedua.html
  12. ↑ https://www.impiannews.com/2019/06/masri-ms-mantan-walikota-payakumbuh-ke.html
  13. ↑ https://www.impiannews.com/2020/04/drs-muzahar-muchtar-walikotamadya.html
  14. ↑ http://www.impiannews.com/2020/04/drs-muchtiar-muchtar-walikotamadya.html
  15. ↑ https://www.topsumbar.co.id/mantan-walikota-payakumbuh-muchtiar-muchtar-berpulang-kepangkuan-illahi/
  16. ↑ "archive copy". Diarsipkan dari versi asli tanggal 2023-09-06. Diakses tanggal 2021-10-12. 
  17. ↑ a b https://liputan6.com/news/read/34984/wali-kota-payakumbuh-dipecat
  18. ↑ Khumaini, Anwar (24 September 2017). PAW, ed. "Riza Falepi-Erwin Yunaz dilantik, Gubernur Sumbar apresiasi Suwandel Muchtar". Merdeka. Diakses tanggal 10 Januari 2018. 
  19. ↑ "Perolehan Kursi DPRD Kota Payakumbuh 2014-2019". Diarsipkan dari versi asli tanggal 2020-06-27. Diakses tanggal 2021-10-12. 
  20. ↑ Perolehan Kursi DPRD Kota Payakumbuh 2019-2024
  21. ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 29 Desember 2018. Diakses tanggal 3 Oktober 2019. 
  22. ↑ "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli (PDF) tanggal 25 Oktober 2019. Diakses tanggal 15 Januari 2020. 
  23. ↑ Yoon-wah Wong, (1988), Essays on Chinese literature: a comparative approach, NUS Press, ISBN 978-9971-69-109-7.
  24. ↑ nisn.jardiknas.org Rekap Data[pranala nonaktif permanen]
  25. ↑ http://www.depkes.go.id Archived 2010-07-20 di Wayback Machine. Profil Kesehatan Kota Payakumbuh Archived 2010-07-14 di Wayback Machine. (diakses pada 3 Juli 2010)
  26. ↑ payakumbuhkota.go.id Infrastruktur Archived 2010-04-02 di Wayback Machine.
  27. ↑ http://www.cps-sss.org kota Payakumbuh Archived 2010-07-02 di Wayback Machine. (diakses pada 27 Juni 2010)
  28. ↑ payakumbuhkota.go.id Perdagangan Archived 2010-04-02 di Wayback Machine. (diakses pada 3 Juli 2010)
  29. ↑ Potensi Komoditi Industri Kecil dan Menengah Kota Payakumbuh Provinsi Sumatera Barat Tahun 2014 Archived 2019-02-26 di Wayback Machine.. Pemprov Sumatera Barat
  30. ↑ Pemko Payakumbuh Tingkatkan Kualitas Produksi Kampung Rendang. kumparan.com
  31. ↑ Phillips, Nigel, (1981), Sijobang: sung narrative poetry of West Sumatra, Cambridge University Press, ISBN 978-0-521-23737-6.

Pautan lua

[suntiang | suntiang sumber]
Search Wikimedia Commons Ado kategori tantang Payokumbuah di Wikimedia Commons
Diambiak dari "https://min.wikipedia.org/w/index.php?title=Payokumbuah&oldid=3149320"