Taman Nasional Kerinci Seblat
| Taman Nasional Kerinci Seblat | |
|---|---|
IUCN Kategori II (Taman Nasional) | |
 Bukit Impian, Taman Nasional Kerinci Seblat | |
| Letak TN Kerinci Seblat di Pulau Sumatra | |
| Letak | Sumatra, Indonesia |
| Kota terdekat | Kota Sungai Penuh |
| Koordinat | 2°3′29″S 101°23′23″E / 2.05806°S 101.38972°EKoordinat: 2°3′29″S 101°23′23″E / 2.05806°S 101.38972°E |
| Luas | 1.389.509,867 hektare (13.895,09 km²) |
| Didirikan | 1999 |
| Pihak pengelola | Kementerian Lingkungan Hidup dan Kehutanan |
| Situs web | tnkerinciseblat.or.id |
| Situs Warisan Dunia UNESCO | |
| Bagian dari | Warisan Hutan Hujan Tropis Sumatra |
| Kriteria | Alam: vii, ix, x |
| Referensi | 1167 |
| Pangukuahan | 2004 (Sesi 28th) |
| Tarancam | 2011—sekarang |
Taman Nasional Kerinci Seblat (disngkat TNKS) adolah taman nasional paliang gadang di Sumatra nan mampunyoi luasan salueh 13,750 km². Taman nasional iko talatak pado koordinat antarao 100°31'18"E - 102°44'01"E jo 1°07'13"S - 1°26'14"S. Sacaro administratif wilayah taman nasional ko barado di 14 kabupaten jo 2 kota nan tamasuak dalam 4 provinsi yaitu Sumatra Barat, Jambi, Bengkulu, jo Sumatra Selatan.[1]
DI taman nasional ko ado Pegunungan Bukit Barisan nan mampunyoi wilayah dataran tertinggi di Sumatra, Gunung Kerinci (3.805 m).[2] Taman nasional iko banyak pulo mato aia angek, batan aia nan dareh, gua-gua, aia tajun-aia tajun jo danau kaldera tertinggi di Asia Tenggara, Danau Gunung Tujuh.[3]
Di taman nasional ko banyak tadapek baragam flora jo fauna. Labiah kurang ado 4.000 spesies tumbuhan tumbuh di wilayah taman nasional tamasuak bungo nan paliang gadang di dunia Rafflesia arnoldi, jo bungo tertinggi di dunia, Amorphophallus titanum.[4] Fauna di wilayah taman nasional ko antaro lain harimau sumatra, badak sumatra, gajah sumatra, macan dahan, tapir melayu, beruang madu, jo sakitar 370 spesies buruang.[4][5]
Tamasuak dalam Warisan Hutan Hujan Tropis Sumatra di daftar Situs Warisan Dunia oleh UNESCO, mambuek Taman Nasional Kerinci Seblat juo ditapekan sabagai Situs Warisan Dunia UNESCO.[6] Sarupo Taman Nasional Gunung Leuser dan Taman Nasional Bukit Barisan Selatan.[7] Salain itu, taman nasional iko masuak sabagai Taman Warisan ASEAN sajak 18 Desember 2003.[8]
Sijarah
[suntiang | suntiang sumber]- Tahun 1982, pado Kongres Taman Nasional se-dunia III di Bali, Menteri Pertanian maumumkan status kawasan, nan kini ko manjadi kawasan TNKS, salueh ± 1.424.650 ha sabagai calon Taman Nasional. Kawasan iko pulo marupoan gabungan dari babarapo kawasan hutan, antaro lain cagar alam, suaka margasatwa, hutan lindung, hutan wisata, dan hutan produksi.[9]
- Tahun 1996, salapeh lewat dari proses pengkajian jo panataan nan cukuik panjang, Menteri Kehutanan manatapkan kawasan salueh ± 1.368.000 ha sabagai kawasan Taman Nasional Kerinci Seblat sasuai surek keputusan Menhut No. 192/KptsII/1996.[9]
- Tahun 1999, Menteri Kehutanan jo Perkebunan manatapkan kawasan TNKS salueh ± 1.375.349,867 ha malalui surek keputusan No. 901/Kpts-II/1999.[9]
- Tahun 2004, Menteri Kehutanan manatapkan parubahan fungsi kawasan hutan produksi di Sipurak Hook salueh ± 14.160 Ha manjadi bagian dari kawasan TNKS jo surek keputusan No. 420/Menhut-II/2004, sainggo lueh TNKS manjadi ± 1.389.509,867 ha.[9]
Kawasan
[suntiang | suntiang sumber]Kawasan Taman Nasional Kerinci Seblat marupoan gabungan dari 17 kelompok hutan nan sadonyo marupoan bagian hutan lindung register tahun 1921 – 1926 sarato cagar alam jo suaka margasatwa nan ditapek an dalam kurun wakatu 1978 -1981. Cakupan dari taman nasional iko yaitu dari Jambi, Sumatera Barat, Bengkulu, inggo Sumatera Selatan. Dek itu pulo, karagaman topografi jo ekosistem manjadian taman nasional iko mampunyoi bantang alam nan elok.[10]
- Cagar Alam: Indrapura (sebagian), Danau Gunung Tujuh jo Bukit Tapan[11]
- Hutan Lindung: Sangir Ulu, Batang Tebo, Batang sangir, Batang Bungo, Batang Merangin Timur jo Gunung Sumbing Masurai[12]
- Suaka Marga Satwa: Batang Merangin Barat – Manjunto Hulu[13]
- Hutan Lindung: Bayang, Batanghari, Kambang, Sangir jo Jujuhan[1]
- Cagar Alam: Indrapura (sebagian)[1]
- Suaka Marga Satwa: Bukit Kayu Embun jo Bukit Gedang Seblat[14]
- Hutan Lindung: Bukit Reges jo Hulu Sulap[15]
Saain itu, kawasan taman nasional iko juo barasa dari hutan produksi nan dialiah fungsian manjadi hutan konservasi jo manjadi satu kesatuan kawasan nan padu. Bagian terakhir hutan produksi nan masuak dalam kawasan taman nasional ini adolah Hutan Produksi Sipurak Hook.[15]
Rujuakan
[suntiang | suntiang sumber]- ↑ a b c "Kerinci Seblat". ksdae.menlhk.go.id. Diarsipkan dari versi asli tanggal 2022-01-20. Diakses tanggal 2021-06-05.
- ↑ "Taman Nasional Kerinci Seblat: Riwayatmu Ini - TFCA Sumatera". tfcasumatera.org. Diakses tanggal 2021-06-05.
- ↑ "Menyusuri Danau Tertinggi di Asia Tenggara, Gunung Tujuh". 21 Juni 2019. Diarsipkan dari versi asli tanggal 2022-05-21. Diakses tanggal 05-06-2021.
- ↑ a b "Flora". Taman Nasional Kerinci Seblat (dalam bahasa Inggris). Diarsipkan dari versi asli tanggal 2023-04-14. Diakses tanggal 2021-06-05.
- ↑ "PROVINSI JAMBI". web.jambiprov.go.id. Diarsipkan dari versi asli tanggal 2021-06-05. Diakses tanggal 2021-06-05.
- ↑ "Taman Nasional Indonesia | 7 Taman Nasional di Indonesia yang Masuk Situs Warisan UNESCO" (dalam bahasa Indonesia). Diarsipkan dari versi asli tanggal 2021-06-05. Diakses tanggal 2021-06-05.
- ↑ "Taman Nasional". sumutprov.go.id. Diakses tanggal 2021-06-05.
- ↑ antaranews.com. "Infografik TN Kerinci Seblat, warisan dunia di tanah Suwarnadwipa". Antara News. Diakses tanggal 2021-06-05.
- ↑ a b c d Karyadi, Hadinata, Dian Indah Pratiwi, Emi Hayati Danis, Diah Pamulasari Suyanto, Hendrayadi (2018). Kerinci Seblat, Warisan Dunia di Tanah Sumatra. Kota Sungai Penuh Provinsi Jambi. pp. 7. http://ksdae.menlhk.go.id/assets/publikasi/BUKU%20KERINCI%20INDO.pdf.
- ↑ ".:: Direktorat Jenderal Tata Ruang - Kementerian ATR/BPN ::". tataruang.atrbpn.go.id. Diarsipkan dari versi asli tanggal 2021-06-05. Diakses tanggal 2021-06-05.
- ↑ KSDAE, Datin. "Bukit Tapan, Rumah Bagi Satwa Liar - Ditjen Konservasi Sumber Daya Alam dan Ekosistem". ksdae.menlhk.go.id. Diakses tanggal 2021-06-05.
- ↑ Unja, Mapala Siginjai. "Gunung Masurai, Keindahan yang tersembunyi – MAPALA SIGINJAI UNJA" (dalam bahasa Indonesia). Diakses tanggal 2021-06-05.
- ↑ "BKSDA Jambi | Cagar Alam". www.bksdajambi.com. Diarsipkan dari versi asli tanggal 2023-05-31. Diakses tanggal 2021-06-05.
- ↑ "Yuk, Kenalan dengan Wisata Renah Kayu Embun". detikTravel (dalam bahasa Indonesia). Diakses tanggal 2021-06-05.
- ↑ a b c adminweb. "SEJARAH KAWASAN". Taman Nasional Kerinci Seblat (dalam bahasa Inggris). Diarsipkan dari versi asli tanggal 2023-06-02. Diakses tanggal 2021-06-05.