Karajaan Indopuro

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Karajaan Indopuro (bahaso Indonesia: Inderapura) marupoan sabuah karajaan nan barado di wilayah kabupaten Pasisia Salatan, provinsi Sumatera Baraik kini, babatehsan jo provinsi Bangkahulu dan Jambi. Sacaro rasmi karajaan ko parnah manjadi bawahan (vazal) dari Karajaan Pagaruyuang. Walaupun pado prakteknyo karajaan ko tagak surang sarato bebas maatua urusan dalam dan lua nagarinyo. Karajaan ko pado maso jayonyo maliputi wilayah pantai barat Andaleh (bahaso Indonesia: Andalas) (kini Sumatera) mulai dari Padang di utara sampai Sungai Hurai di selatan. Panghasilan paliang utamo Indopuro adolah lado kaciang junjuang (bahaso Indonesia: lada), dan manggaleh ameh.