Myanmar

Dari Wikipedia baso Minang, ensiklopedia bebas
Lompek ka: navigasi, cari
ဴပည္ေထာင္စုဴမန္မာနုိင္ငံေတာ္
Pyi-daung-zu Myan-ma Naing-ngan-daw
MottoGabar Majay Bamar
Lagu kabangsaanKaba Ma Kyei
Ibu koto Naypyidaw
Koto tagadang Yangon
Bahaso rasmi Myanmar
Pamarintahan Sistem presidensial
 -  Presiden Thein Sein
 -  Wakil Presiden Tin Aung Myint Oo
Sai Mauk Kham
Kamardekaan
 -  Dari Baritania Raya 4 Januari 1948 
Laweh
 -  Total 678,500 km2 (39)
 -  Aia (%) 3,06%
Panduduak
 -  Pakiroan 2010 60.280.000 (24)
 -  Sensus 1983 33.234.000 
 -  Kapadekan 73,9/km2 (119)
PDB (KKB) Pakiroan 2012
 -  Total US$102,622 miliar 
 -  Per kapita US$1,612 
Mato uang Kyat (MMK)
Zona wakatu (UTC+6:30)
Lajua kamudi suok
Ranah Internet .mm
Kode telepon 95


Republik Pasatuan Myanmar (juo tanamo subagai Birma, disabuik "Burma" di dunia Barat) adolah sabuah nagara di Asia Tenggara. Nagara salaweh 680 ribu km² iko alah diparintah dek pamarintahan militer sajak kudeta tahun 1988. Nagara iko adolah nagara bakambang dan punyo populasi labiah dari 50 juta jiwa. Ibu kota nagara iko sabalunnyo talatak di Yangon sabalun dipindahan dek pamarintahan junta militer ka Naypyidaw pado tangga 7 November 2005.

Pado 1988, tajadi galombang demonstrasi gadang manantang pamarintahan junta militer. Galombang demonstrasi iko barakhia jo tindak kakarehan nan dipabuek tentara tahadok para demonstran. Labiah dari 3000 urang tabunuah.

Pado pamiliahan 1990 partai pro-demokrasi pimpinan Aung San Suu Kyi mamanangi 82 persen suaro namun hasia pemilu iko indak diakui rezim militer nan bakuaso.

Parubahan namo[suntiang | suntiang sumber]

Parubahan namo dari Burma manjadi Myanmar dilakukan dek pamarintahan junta militer pado tangga 18 Juni 1989. Junta militer mangubah namo Burma manjadi Myanmar supayo etnis non-Burma maraso manjadi bagian dari nagara. Walaupun baitu, parubahan namo iko indak sapanuahnyo diadopsi dek dunia internasional, utamonyo di nagara-nagara persemakmuran Inggirih.

Sabagian nagara Eropa sarupo Inggirih jo Irlandia nan indak mangakui legitimasi kakuasoan junta militer tetap manggunokan "Burma" untuak marujuak kapado nagara tasabuik.

PBB, nan mangakui hak nagara untuak manantuan namo nagaranyo, manggunokan Myanmar, baitu pulo jo Parancih dan Jerman. Di Jerman, kamantarian lua nagari mamakai Myanmar, tetapi hampia saluruh media Jerman mamakai "Burma".

Pamarintah AS, nan indak mangakui legitimasi kakuasoan junta militer tetap mamakai "Burma" tetapi mayoritas media gadang co The New York Times, CNN, jo Associated Press manggunokan Myanmar.

Pamarintah junta juo mangubah namo Rangoon manjadi Yangon. Pado tangga 7 November 2005, pamarintah mambangun ibu kota baru, banamo Naypyidaw.

Parubahan lagu keabangsaan jo bendera[suntiang | suntiang sumber]

Parubahan lagu kabangsaan jo bendera dilakukan pamarintah junta pado tangga 21 Oktober 2010.

Kalompok Etnis di Myanmar[suntiang | suntiang sumber]

  • Bamar/Birma. Duo pertigo dari total warga Myanmar. Baagamo Buddha, mauni sabagian gadang wilayah nagara kecuali pakampuangan.
  • Karen. Suku nan baagamo Buddha, Kristen atau paduannyo. Mampajuangkan otonomi salamo 60 tahun. Mauni pagunuangan dakek pabatehan jo Thailand.
  • Kayah. Etnis nan baagamo Buddha nan bakarabaik jo etnis Thai.
  • Arakan. Juga disabuik Rakhine, umumnyo baagamo Buddha jo tingga di pabukikan di Myanmar barat.
  • Mon. Etnis nan baagama Buddha nan mauni kawasan selatan dakek pabatehan Thailand.
  • Kachin. Kabanyakan baagamo Kristen. Mareka juo tasebar di Cino jo India.
  • Chin. Kabanyakan baagamo Kristen, mauni dakek pabatehan India.
  • Rohingya. Etnis nan baagamo Islam nan tingga di utara Rakhine, banyak nan alah mangungsi ka Bangladesh atau Thailand.

Caliak pulo[suntiang | suntiang sumber]

Pautan lua[suntiang | suntiang sumber]

Rujuakan[suntiang | suntiang sumber]

Templat:ASEAN Templat:Administratif Myanmar