Magnesium

Wikipedia Minangkabau - Lubuak aka tapian ilimu

Magnesium adolah suatu unsua kimia dalam tabel periodik nan mamiliki lambang Mg jo nomor atom 12. Inyo barupo padatan abu-abu mangkilek nan mamiliki kamiripan fisik jo limo unsua lainnyo pado kolom kaduo (golongan 2, atau logam alkali tanah) tabel periodik: sadoalah unsua golongan 2 mamiliki konfigurasi elektron nan samo pado kelopak elektron nan paliang lua jo struktur kristal nan saroman. Magnesium marupoan unsua kasambilan paliang malimpah di alam semesta, biasonyo banyak tacampua pado batuan baku. Magnesium diproduksi dalam panuaan bintang gadang dari panambahan sekuensial tigo inti helium ka inti karbon. Katiko bintang samacam itu maledak sabagai supernova, sabagian gadang magnesium dimuntahan ka medium antarbintang nan dapek didaur ulang ka dalam sistem bintang baru. Magnesium adolah unsua kadalapan nan paliang malimpah dalam kerak bumi jo unsua kaampek nan paliang umum di Bumi (satalah basi, oksigen jo silikon), mambantuak 13% massa planet jo sabagian gadang mantel planet iko. Magnesium adolah unsua paliang malimpah katigo nan talaruik dalam aia lauik, satalah natrium jo klor.[1]

Magnesium tajadi sacaro alami hanyo dalam campuran jo unsua lain, nan salalu mamiliki tingkek oksidasi +2. Unsua bebasnyo (logam) dapek diproduksi sacaro artifisial, jo sangat reaktif (meski di atmosfer, tersalut lapisan tipis oksida nan sabagian maambek reaktivitasnyo ). Logam bebasnyo tabaka jo cahayo putiah nan tarang. Logamnyo kini tautamo diparoleh malalui elektrolisis garam magnesium nan diparoleh dari aia garam (bahaso Inggirih: brine), jo tautamo digunoan sabagai komponen paduan aluminium magnesium, kadang-kadang disabuik magnalium atau magnelium. Magnesium kurang padek dibandiang aluminium, jo paduannyo sangat barago karano campuran antaro bobot ringan jo kakuatan.[1]

Sifek fisika[suntiang | suntiang sumber]

Unsua magnesium adolah logam ringan putiah abu-abu, jo densitas duo pertiga dari densitas aluminium. Inyo manjadi se kusam katiko takanai udaro, walaupun, indak saparti logam alkali tanah lainnyo, indak paralu disimpan di lingkuangan bebas oksigen karano magnesium dilinduangi dek lapisan tipis oksida nan cukuik kedap nan sulik dihilangan. Magnesium mamiliki titiak leleh nan paliang randah (923 K (650 °C)) jo titiak didih nan paliang randah (1,363 K (1,994 °F)) di antaro sadoalah logam alkali tanah.

Magnesium bareaksi jo aia pado suhu kamar, meskipun bareaksi jauah labiah lambek daripado kalsium, logam golongan 2 nan saroman. Katiko tarandam jo aia, gelembung hidrogen tabantuak perlahan di permukaan logam—maskipun jiko dalam bantuak serbuknyo inyo bareaksi labiah capek. Reaksi tajadi labiah capek jo suhu nan labiah tinggi. Reaksi reversibel magnesium jo aia dapek dimanfaaikan untuak manyimpan energi jo manjalanan masin berbasis magnesium.

Magnesium juga bereaksi secara eksotermik dengan kabanyakan asam saparti asam klorida (HCl), maasilkan logam klorida jo gas hidrogen, sarupo jo reaksi HCl jo aluminium, seng, nan banyak logam lainnyo.

Sumber cahaya[suntiang | suntiang sumber]

Katiko tabaka di udaro, magnesium maasilkan cahayo putiah cemerlang nan mancakup panjang galombang ultraviolet nan kuek. Bubuak magnesium (bubuk kilek) digunoan untuak panarangan subjek pado maso-maso mulo fotografi.[2][3] Kamudian, filamen magnesium digunoan padp bola lampu fotografi panggunoan tunggal nan dinyaloan sacaro elektrik. Bubuak magnesium digunoan dalam kambang api jo suar lauik nan paralu cahayo putiah cemerlang. Magnesium digunoan juo untuak berbagai efek teatrikal,[4] saparti patuih,[5] kedipan pistol,[6] jo panampilan supernatural.[7]

Rujuakan[suntiang | suntiang sumber]

  1. a b Ash, Russell (2005). The Top 10 of Everything 2006: The Ultimate Book of Lists. Dk Pub. ISBN 0-7566-1321-3. http://plymouthlibrary.org/faqelements.htm. 
  2. Hannavy, John (2013-12-16) (dalam bahaso en). Encyclopedia of Nineteenth-Century Photography. Routledge. p. 84. ISBN 9781135873271. https://books.google.com/books?id=Kd5cAgAAQBAJ. 
  3. (dalam bahaso en) Scientific American: Supplement. 48. Munn and Company. 1 Januari 1899. p. 20035. https://books.google.com/books?id=H3E3AQAAMAAJ. 
  4. Inc, Nielsen Business Media (1974-02-09) (dalam bahaso en). Billboard. Nielsen Business Media, Inc.. p. 20. https://books.google.com/books?id=1ycEAAAAMBAJ. 
  5. Altman, Rick (2007-01-01) (dalam bahaso en). Silent Film Sound. Columbia University Press. p. 41. ISBN 9780231116633. https://books.google.com/books?id=MUA3uwBCf6YC. 
  6. Lindsay, David (2005-05-01) (dalam bahaso en). Madness in the Making: The Triumphant Rise & Untimely Fall of America's Show Inventors. iUniverse. p. 210. ISBN 9780595347667. https://books.google.com/books?id=OxBEOLcnrIkC. 
  7. McCormick, John; Pratasik, Bennie (2005-08-04) (dalam bahaso en). Popular Puppet Theatre in Europe, 1800-1914. Cambridge University Press. p. 106. ISBN 9780521616157. https://books.google.com/books?id=ikl0yx0WbAIC.