Harimau sumatera

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Harimau sumatera adolah jinih kuciang gadang di muko bumi. Harimau sumatera (Panthera tingris Sumatrae) marupoan ciek dari anam sub-spesies harimau nan masih batahan iduik hinggo kini. Harimau sumatera mampunyoi tubuah nan paliang ketek dibandiang kasado sub-spesies harimau nan masih iduik kini. Manuruik data pado taun 2004, jumlah populasi harimau sumatera di alam bebas hanyo sakitar 400 individu sajo.[1]

Ciri-ciri fisik[suntiang | suntiang sumber]

  • Harimau sumatera mampunyoi tubuh nan kabanyakan paliang ketek dibandiang sadoalah sub-spesies harimau nan iduik kini.
  • Jantan nan alah gadang mampunyoi tinggih 60 cm jo panjang dari kapalo hinggo kaki mancapai 250 cm jo barek hinggo 140 kg. sadangkan harimau batino mampunyoi panjang rato-rato 198 cm jo barek hinggo 91 cm.
  • Rono kulik harimau sumatera adolah nan paliang galok dari sadoalah harimau, mulai dari kuniang kasirah-sirahan inggo oranye tuo.[1]

Ancaman[suntiang | suntiang sumber]

Harimau sumatera bahadapan jo duo ancaman untuak batahan iduik dari kailangan tampek tingga dek tingginyo laju deforestasi sarato tarancam dek padagang ilegal nan manjual bali bagian-bagian tubuhnyo jo harago tinggi di pasa talarang untuak ubek-ubek tradisional, pariasan, jimek, jo dekorasi. Di alam lia, harimau sumatera hanyo dapek di tamuan di Pulau Sumatera, Indonesia. Laporan taun 2008 nan dikaluaan dek TRAFFIC program karajo samo WWF jo lembaga Konservasi Dunia, IUCN, untuak mamantau padagang satwa lia untuak manamukan adonyo pasa ilegal nan bakambang subur dan manjadi pasa domestik tabukak di Sumatra nan mampadagangkan bagian-bagian tubuah harimau.

Dalam studi TRAFFIC maungkapkan baso paliang saketek 50 harimau sumatera alah diburu satiok taunnyo dalam kurun wakatu 1998-2002. Populasi harimau sumatera nan hanyo sakitar 400 ikua tasiso di dalam blok-blok hutan dataran randah, lahan gambuik, jo hutan hujan pagunuangan. Sabagian gadang kawasan iko tarancam pambukaan hutan untuak lahan batani jo bakabun komersial, juo parambahan dek aktivitas pambalakan jo pambangunan.

Provinsi Riau marupokan rumah untuak sapatigo dari sadoalah populasi harimau sumatera. Sayangnyo, sakalipun indak dilinduangi sacaro hukum, populasi harimau taruih manurun hinggo 70 % dalam saparampek abaik di alam lia Profinsi Riau.[1]

Upayo palinduangan[suntiang | suntiang sumber]

WWF Indonesia bakarajo samo jo Pamarintah Indonesia, industri nan maancam habitat harimau, organisasi konvervasi lainnyo sarato masyarakaik lokal untuak manyalamaikan harimau sumatera dari kapunahan. Pado taun 2004, Pamarintahan Indonesia mandeklarasikan kawasan pantiang, Tesso Nilo, sabagai Taman Nasional untuak mamastian maso nan ka datang aman untuak kabaradoan harimau sumatera. Taun 2010 pado KTT Harimau di St.Petersburg, Indonesia jo 12 nagara lainnyo nan malinduangi harimau bakotmimen dalam sabuah tujuan konservasi spesies untuak manambah kalipatan jumlah harimau sampai pado akhir 2022. WWF juo manurunan tim patroli antipaburuan jo unit nan bakarajo untuak mangurangi konflik manusia-harimau di panduduak satampek.[1]

Rujuakan[suntiang | suntiang sumber]

  1. a b c d "Harimau Sumatera | WWF Indonesia". https://www.wwf.or.id/program/spesies/harimau_sumatera/. Diakses pado 17 Nopember 2019.