Taman Nasional Bunaken
Taman Nasional Bunaken adolah taman lauik nan barado di Sulawesi Utara, Indonesia. Taman iko talatak di Segitiga Terumbu Karang, manjadi habitat dek 390 spesies tarumbu karang[1] sarato jo babagai spesies ikan, moluska, reptil jo mamalia laut. Taman Nasional Bunaken marupoan pawakilan ekosistem lauik Indonesia, maliputi padang rumput laut, terumbu karang jo ekosistem pantai.[2]
Taman nasional iko didirian pado taun 1991 nan maliputi wilayah salueh 890.650 km². 97% dari taman nasional iko marupoan habitat lauik, samantaro 3% sisonyo marupoan daratan, maliputi limo pulau: Bunaken, Manado Tua, Mantehage, Naen jo Siladen.[1]
Flora jo fauna[suntiang | suntiang sumber]
Taman Nasional Bunaken punyo ekosistem tarumbu karang nan sangaik kayo. Tadapek sakitar 390 spesies tarumbu karang di wilayah iko.[1] Spesies alga nan dapek ditamui di Taman Nasional Bunaken adolah Caulerpa, Halimeda jo Padina, samantaro spesies rumpuik lauik nan banyak ditamui adolah Thalassia hemprichii, Enhallus acoroides, jo Thalassaodendron ciliatum. Taman Nasional Bunaken mampunyoi babagai spesies ikan, mamalia laut, reptil, burung, moluska jo mangrove. Sekitar 90 spesies ikan tingga di perairan wilayah iko.[2]
Di daratan, pulau iko kayo akan Arecaceae, sagu, woka, silar jo kelapa. Salain itu, Taman Nasional Bunaken mampunyoi spesies binantang nan tingga di daratan, sarupo rusa jo kuskus. Hutan mangrove di taman ko manjadi habitat dek kapitiang, lobster, moluska sarato jo buruang lauik.[2]
Kagiatan manusia[suntiang | suntiang sumber]
Di wilayah iko, tadapek 22 desa dengan jumlah panduduak sakitar 35.000 jiwa. Kabanyakan dari panduduak ko bakarajo sabagai nalayan atau patani karambia, ubi jala, pisang jo rumpuik lauik untuak diekspor, samantaro sabagian lainnyo bakarajo sabagai pamandu, bakarajo di cottage dan nakhoda kapal.[3]
Pariwisata di wilayah iko taruih dikambangkan. Antaro taun 2003 hinggo 2006, jumlah pangunjung di Taman Nasional Bunaken mancapai 32.000 hinggo 39.000 jiwa, dengan 8-10.000 di antaranyo marupakan turis asiang.[3]
Konservasi jo ancaman[suntiang | suntiang sumber]
Taman Nasional Bunaken sacaro resmi didirian pada taun 1991 dan marupoan salah ciek taman lauik partamo Indonesia. Pado taun 2005, Indonesia mandaftarkan taman nasional iko kapado UNESCO untuak dimasuakan kadalam Situs Warisan Dunia.[4] Meskipun punyo status taman nasional dan mandapek pandanaan nan cukuik, taman iko mangalami degradasi ketek akibaik panambangan tarumbu karang, karusakan akibaik jangkar, panggunaan bom jo sianida katiko manyalam untuak manangkok ikan. World Wildlife Fund (WWF) maagia bantuan konservasi sabagai bagian dari "Sulu Sulawesi Marine Eco-region Action Plan". Konservasi meliputi patroli, yang berhasil mangurangi panggunoan bom dalam manangkok ikan.[5]
Rujuakan[suntiang | suntiang sumber]
- ↑ a b c E. Turak and L. DeVantie: Reef-building corals of Bunaken National Park: Rapid ecological assessment of biodiversity and status, Diakses pado 16-November-2019
- ↑ a b c Indonesia Ministry of Forestry: Bunaken National Park Archived 2010-02-10 di Wayback Machine., Diakses pado 16-November-2019
- ↑ a b WWF: Bunaken NP fact sheet Archived 2011-07-27 di Wayback Machine., Diakses pado 16-November-2009
- ↑ UNESCO: Bunaken NP, Diakses pado 16-November-2019
- ↑ WWF: Bunaken Archived 2010-01-02 di Wayback Machine., Diakses pado 16-November-2019
Pranala lua[suntiang | suntiang sumber]
Caliak panduan wisata Taman Nasional Bunaken di Wikivoyage
- Keindahan Surga di Taman Nasional Bunaken Archived 2015-01-02 di Wayback Machine.
- Dewan Pengelolaan Taman Nasional Bunaken
- Reef Rehabilitation Project on Bunaken Archived 2007-12-16 di Wayback Machine. by Seacology