Taman Nasional Bukit Tiga Puluh
Taman Nasional Bukit Tiga Puluh (disabuik pulo Bukit Tigapuluh) adaloh taman nasional nan talatak di Sumatra, Indonesia. Taman Nasional Bukit Tiga Puluh talatak pado lintasan provinsi dan kabupaten, yaitu di Kabupaten Indragiri Hulu dan Kabupaten Indragiri Hilir di provinsi Riau, jo Kabupaten Tebo jo Kabupaten Tanjung Jabung Barat di provinsi Jambi. [1][2]Taman Nasional Bukit Tiga Puluh ditapek an sabagai kawasan taman nasional malalui Surek Keputusan Menteri Kehutanan Nomor 539/KPTS-II/1995. [3]
Taman iko mampunyoi luasan kiro-kiro 143.143 hektare jo sacaro ekologi, Taman Nasional Bukit Tiga Puluh marupoan kawasan nan mampunyoi ekosistem hutan tropis dataran rendah, sainggo mampunyai keanekaragaman hayati nan tinggi jo ampia adoh sado spesies flora dan fauna di Pulau Sumatera, tadapek di kawasan taman nasional ko. Taman Nasional Bukit Tiga Puluh marupoan tampek bagi spesies nan tarancam sarupo orang utan sumatra, harimau sumatra, gajah sumatra, badak sumatra, tapir asia, beruang madu jo babagai spesies burung nan ampia punah. Taman Nasional Bukit Tiga Puluh juo manjadi tampek tingga Orang Rimba dan Talang Mamak.
Kawasan Taman Nasional Bukit Tiga Puluh tabagi manjadi 20 kawasan prioritas global untuak konservasi harimau dek ahli spesies pado taun 2006 juo dijadian daerah untuak malinduangi untuak kagiatan malapehan baliak orang utan sumatra.[4]
Ekosistem
[suntiang | suntiang sumber]Taman Nasional Bukit Tiga Puluh mampunyou topografi jo ekosistem hutan hujan tropika dataran rendah. Iklim di sakitanyo salalu basah, tanah kariang jo katinggian di bawah 1.000 mdpl. Penyebaran vegetasi di Taman Nasional Bukit Tiga Puluh tamasuak dalam zona vegetasi Indonesia bagian barat. Pohon-pohon nan tumbuah sabagian besar marupoan Diterocarpaceae. Tipe ekosistemnyo tabagi baliak badasaran perbedaan struktur tegakan, komposisi jinij jo fisiognomi. Taman Nasional Bukit Tiga Puluh mampunyoi hutan primer, hutan linduang jo hutan sekunder. Hutan primer ko masih alami atawa alun paranah ditabang kayunyo. Sabagian banyak flora tamasuak dalam jinih maranti. Sadangkan hutan terganggu marupoan kawasan hutan alam nan alah malami panebangan kayu. Di hutan terganggu, flora nan tumbuah adolah Euphorbiaceae. Pado hutan sekunder anyo tumbuah belukar di sekitar peladangan musiman. Flora nan tumbuah di hutan sekunder ko anyo jinih tanaman pioner sarupo resam jo paku lainnyo. Salain itu, ado pulo kabun karet nan dimiliki dek masyarakaik nan mananam jinij tanaman utamo barupo karet.[5]
Ancaman
[suntiang | suntiang sumber]Taman Nasional Bukit Tiga Puluh kini ko maadok i ancaman dari penebangan kayu ilegal jo pananaman kelapa sawit di dalam kawasan.[6] Manyusuiknyo habitat kawasan iko, mambuek paningkatan konflik antaro manusia jo gajah sumatra 4 kali lipek salama 10 tahun terakhir. Manuruik Frankfurt Zoological Society, 346 konflik pado taun 2018 mangakibek an 9.161 pohon karet jo sawit, 2.475 batang tanaman jo pondok rusak, sarato kamatian saikua gajah, tajadi sairiang manyusuiknyo tutupan hutan hujan dataran rendah ekosistem Bukit Tigapuluh ini. Hutan Taman Nasional Bukit Tiga Puluh ko punyo 84.042 ha area penyangga barupo tutupan hutan alam pado 2009, jo marosoknyo tasisa 34.814 ha sajo. Pada 1980an, ado sakita 400 ekor gajah nan iduik juo tak sampai 150 ikua tasiso 3 dekade kemudian.[7]
Rujuakan
[suntiang | suntiang sumber]- ↑ Haryono, Moh. (2012). "Model Pengembangan Pengelolaan Taman Nasional Bukit Tiga Puluh Secara Terintegrasi". Jurnal Penelitian Hutan dan Konservasi Alam. 9 (1): 34. Diarsipkan dari versi asli tanggal 2022-05-27. Diakses tanggal 2022-05-27.
- ↑ "Surga Yang Tersembunyi di Taman Nasional Bukit Tiga Puluh Riau". ruangriau.com (dalam bahasa Inggris). Diakses tanggal 2022-05-27.
- ↑ Prititania, Farha Shera. "KERAGAMAN JENIS HAYATI DAN PENGELOLAAN KAWASAN DI RESOR GRANIT, TAMAN NASIONAL BUKIT TIGAPULUH, RIAU (Biodiversity and Region Management in Granit Resort Bukit Tigapuluh National Park, Riau" (dalam bahasa Inggris).
- ↑ "Bukit Tiga Puluh | WWF Indonesia". www.wwf.or.id. Diarsipkan dari versi asli tanggal 2020-06-21. Diakses tanggal 2020-06-20.
- ↑ "Taman Nasional Bukit Tiga Puluh - TFCA Sumatera". tfcasumatera.org. Diakses tanggal 2021-06-16.
- ↑ "Salinan arsip". Diarsipkan dari versi asli tanggal 2009-06-25. Diakses tanggal 2010-02-28.
- ↑ "Habitat Gajah Terus Susut", Kompas, 10 Juni 2019, hlm.16
Pranala luar
[suntiang | suntiang sumber]- Harimau Sumatra: Bukit Tigapuluh NP Archived 2009-06-25 di Wayback Machine.