Taman Nasional Way Kambas

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Taman Nasional Way Kambas adolah taman nasional nan diparuntuakan untuak malinduangi gajah nan barado di daerah Lampung tapeknyo di Kecamatan Labuhan Ratu, Lampung Timur, Indonesia. Salain di Way Kambas, sakolah gajah (Pusat Latihan Gajah) bisa juo ditamui di Minas, Riau. Gajah Sumatra (Elephas maximus sumatranus) nan hiduik di kawasan iko samakin bakurang jumlahnyo. Taman Nasional Way Kambas dibangun pado taun 1985 nan marupoan sakolah gajah partamo di Indonesia. Tampek ko partamo nyo banamo Pusat Latihan Gajah (PLG) namun samanjak babarapo tahun tarakhir ko namonyo barubah manjadi Pusat Konservasi Gajah (PKG) nan diharapkan dapek manjadi pusat konservasi gajah dalam penjinakan, pelatihan, perkembangbiakan jo konservasi. Hinggo kini ko PKG ko alah malatiah sakitar 300 ikua gajah nan alah diseba k saluruah panjuru Tanah Air. Di Way Kambas tadapek pulo International Rhino Foundation yang batugas manjago spesies badak bia indak tarancam punah.[1][2]

Flora jo Fauna[suntiang | suntiang sumber]

Gajah di Way Kambas

Di Taman Nasional Way Kambas iko tadapek hewan nan hampia punah di antaronyo Badak sumatera, Gajah Sumatra, Harimau sumatera, Mentok Rimba, Buaya sepit. Untuak tanaman banyak ditamuan Api-api, Pidada, Nipah, pandan. Di bagian pasisia Taman Nasional Way Kambas nan barawa acok juo ditamuan babagai jinih buruang antaro lain Bangau Tongtong, Sempidan Biru, Kuau raja, Burung Pependang Timur, dan beberapa burung lainnya.[2]

Rujuakan[suntiang | suntiang sumber]

  1. "TNWK" (PDF). Diakses tanggal 16 November 2019. 
  2. a b "Homepage - UNEP-WCMC". UNEP-WCMC's official website - Homepage. Diakses tanggal 2019-11-17. 

Pranala lua[suntiang | suntiang sumber]