Luak Limo Puluah

Luak Limo Puluah marupokan salah satu kawasan konfederasi dari babarapo nagari dalam budayo Alam Minangkabau. Basamo jo Luak Agam sarato Luak Tanah Data tanamo subagai Luak Nan Tigo.

Kawasan Luak Limo Puluah disabuik juo jo luak nan bongsu dalam tradisi masyarakaik Minangkabau.

Wilayah

Manuruik Tambo, nagari-nagari nan ado di Luak Limopuluah tadiri dari limo bagian, yakni:

• Sandi

Dari Bukik Sikabau Hilia sampai ka Muaro Mudiak, dari Nasi Randam sampai ka Padang Samuik. Nagarinyo adolah Koto nan Gadang jo Koto nan Ampek.

• Luak

Dari Mungo Mudiak sampai ka Limbukan, Mungo, Koto Kaciak, Andaleh, Tanjuang Kubu, Banda Tunggang, Sungai Kamuyang, Aua Kuniang, Tanjuang Patai, Gadih Angik, Padang Karambia, Limau Kapeh, jo Aia Tabik Nan Limo Suku.

• Lareh

Dari Bukik Cubadak sampai Padang Balimbiang, nagarinyo iolah Ampalu, Halaban, Labuah Gunuang, Tanjuang Gadang.

• Ranah

Dari Gantiang, Koto Laweh, Suliki, Sungai Rimbang, Tiakar, Balai Mansiro, Talago, Balai Kubang, Taeh, Simalanggang, Piobang, Sungai Baringin, Gurun, Luak Batingkok, Torantang, Sari Lamak, Padang Laweh.

• Hulu

Dari Padang Laweh, Sungai Patai, Suliki, Gunuang Sago, Labuah Gunuang, Balai Koto Tinggi

Ujuang Darek Kapalo Rantaunya

• Kapua Nan IX
• VI Koto Pangkalan (Koto Alam, Mangilang, Gunuang Malintang, Pangkalan, Tanjuang Balik, Tanjuang Pauah)
• V Koto (Kuok, Salo, Bangkinang, Aia Tirih, Rumbio)
• Taratak Buluah