Randai
Randai adolah pasambahan tradisional khas suku Minangkabau nan barupo papaduan antaro seni bela diri nan biaso disabuik silek samo tarian, dendang sarato seni paran atau lakon. Randai biasonyo ditunjuakan di upacara tradisi jo acara khas, jo kisah panjang mungkin mamakan wakatu babarapo malam.[1] Inyo ditarian sabagai teater, dalam bulatan untuak mancapai pasamaan jo panggabuangan antaro panonton jo palakon.[2] Dalam Randai, kisah disampaikan malalui lakonan jo nyanyian, jo kabanyakannyo basandian lagenda Minangkabau jo carito rakyat.[1]
Randai mampunyoi sijarah panjang dalam masarakaik Minangkabau. Randai barasa awal abaik ka-20 asia gabuangan seni bela diri satampek, pancaritoan jo tradisi patunjuakan lain.[3]
Randai marupoan suatu bantuak kasenian nan dimain dek babarapo urang sacaro bakalompok.Randai iko dimain dek pamain utamo nan batugeh sabagai tukang carito. Pamain utamo ko buliah bajumlah surang, duo, tigo atau labiah, bagantuang pado carito nan dibawa. Dalam patunjuakan pamain utamo dikaliliangi dek pamain-pamain lain nan batujuan untuak manjadikan alek manjadi rami.
Pado wakatu awal Randai adolah media untuak menyampaian kaba atau carito rakyaik malalui gurindam atau sair nan didendang basamo galombang (tari) nan baasa dari garak-garik silek Minangkabau. Dalam randai tadapek carito nan dibaok sarupo carito Cindua Mato, Malin Deman, Anggun Nan Tongga, jo carito rakyaik lain lai. Randai batujuan maibua masarakaik, jo biasonya diadoan pado wakau pesta rakyaik atau ari rayo Idul Fitri. Namun maso inyo bakambang, Randai juo maambiak jo manggabuangan gayo watak-watak jo dialog dalam sandiwara-sandiwara, sarupo kalompok Dardanela. Laki-laki biasonyo mamainan paranan kaduo-duo watak laki-laki jo padusi carito, tapi sajak taun 1960-an padusi juo turuik ikuik sarato.[1]
Sijarah
[suntiang | suntiang sumber]Ado tigo teori tantang asa mulo randai. Teori partamo manyabuik baso asa mulo randai dari tari jo lagu. Pandukuang teori ko manyabuik baso asa mulonyo dari tari ilau, dari Solok. Tari ilau mulonyo ditarikan dek padusi dalam galombang tari jo nyanyian-nyanyian ratok. Samantaro katiko ditarikan jo laki-laki mangko barubah manjadi randai. Namun, indak ado panjalehan labiah lanjuik soal tari ilau nan ditarikan padusi dek tarian laki-laki nan labiah bakambang.[4]
Rujuakan
[suntiang | suntiang sumber]- ↑ a b c Pauka, Kirstin (1998). "The Daughters Take Over? Female Performers in Randai Theatre". The Drama Review. 42 (1): 113–121. doi:10.1162/105420498760308706.
- ↑ Pauka, Kirstin (2003). "Umbuik Mudo and the Magic Flute: A Randai Dance-Drama". Asian Theatre Journal. 20 (2).
- ↑ Cohen, Matthew Isaac (2003). "Look at the Clouds: Migration and West Sumatran 'Popular' Theatre". New Theatre Quarterly. 19 (3): 214–229. doi:10.1017/S0266464X03000125.
- ↑ Paula 1998, hlm. 16-17.
Daftar pustaka
[suntiang | suntiang sumber]- Pauka, Kirstin (1998). Theater and martial arts in West Sumatra : Randai and silek of the Minangkabau. Ohio: Ohio University Press. ISBN 9780896802056.
