Jambatan Ratapan Ibu
| Jambatan Ratapan Ibu | |
|---|---|
| Malintasi | Batang Agam |
| Daerah | Kota Payakumbuh |
| Panjang total | 40 m (131 ft 3 in) |
| Mulai dibangun | 1818 |
Jambatan Ratapan Ibu adolah sabuah jambatan nan talatak di kota Payakumbuh, Sumatra Barat. Jambatan ko dibangun taun 1840, 8 taun sasudah Balando masuak ka Luak Limopuluah. Balando masuak 1832. Jambatan ko mampunyoi panjang 40 meter jo arsitektur sisuak mode susunan batu sirah satangah lingkaran nan dilakekan jo kapua jo simin jo indak manggunoan tulang basi. Jambatan ko malintasi Batang Agam, maubuangan Pasa Payokumbuah jo Labuah Basilang sarato nagari Aie Tabik.
Tampek basijarah
[suntiang | suntiang sumber]Jambatan tu manjadi tanamo jo basijarah dek karano manjadi tampek eksekusi pajuang-pajuang kamardekaan dek tantara Balando pado zaman panjajahan. Dari catatan sijarah, pajuang-pajuang kamardekaan Indonesia nan tatangkok Balando digiriang manuju jambatan tasabuik, lalu disuruah babarih di bibia jambatan. Salapeh itu, dieksekusi jo tembakan sanjato api, sainggo tubuahnyo lansuang jatuah ka Batang Agam dan dianyuikan aia dareh. Masyarakaik, utamonyo kaum padusi, satiok mancaliak eksekusi itu anyo dapek manangih mancaliak pajuang-pajuang nan ditembaki, lalu mati jo mayiknyo jatuah ka sungai sarato dianyuikan aia. Untuak mangana kajadian itu, mangko jambatan tasabuik dinamoan "Ratapan Ibu". Di sinan juo dibangun sabuah patuang mandeh paruah baya sadang manangih maratok mancaliak kakejaman tantara Balando di areal jambatan tasabuik.