Matrilineal

Dari Wikipedia baso Minang, ensiklopedia bebas
Lompek ka: navigasi, cari

Matrilineal adolah suatu adaik masyarakaik nan mangatur alua katurunan barasa dari pihak ibu. Kato iko acok bana disamoan jo matriarkhat atau matriarkhi. Matrilineal barasa dari duo kato, mater dan linea (Bahaso Latin), mater baarti "ibu" sadangkan linea baarti "garih". Jadi, "matrilineal" baarti mangikuik "garih katurunan nan ditariak dari pihak ibu".

Samentaro itu matriarkhat barasal dari duo kato, mater nan baarti "ibu" dan archein (Bahaso Yunani) nan baarti "mamarintah". Jadi, "matriarkhi" baarti "kakuasaan barado ditangan ibu atau dipihak (Padusi)".

Panganuik adaik matrilineal adolah:

  • suku Minangkabau di propinsi Sumatra Barat
  • suku Navajo, sabagian gadang suku Pueblo jo suku Crow nan kasadoalahnyo adolah panduduak asli di Amerika Serikat
  • suku Indian di Apache Barat
  • suku Khasi di Meghalaya, India Timua Lauik
  • suku Nakhi di propinsi Sichuan dan Yunnan, Tiongkok
  • dan suku-suku ketek nan ado di kapulauan Asia Pasifik

Lawan dari matrilineal adolah patrilineal yaitu suatu adaik masyarakaik nan manyatoaan alua katurunan barasa dari pihak ayah. Panganuik adaik patrilineal nan ado di Indonesia contohnyo adolah suku Batak, suku Rejang, dan suku Gayo.

Adaik patrilineal labiah umum dianuik kalompok masyarakaik dunia dibandiangan matrilineal nan labiah jarang panganuiknyo.