Lompat ke isi

Fiqih

Wikipedia Minangkabau - Lubuak aka tapian ilimu

Fiqih atau fikih nan barasa dari kato Fiqh (/fk/; bahaso Arab: فقه[fɪqh]) adolah panafsiran jo pamahaman manusia pado syarak; dalam kato lain, inyo adolah hukum Islam.[1] Pamahaman fiqih didapek dari apo nan ado di dalam Alquran dan Hadis. Fiqih mangambangkan jo mambangun syarak malalui panafsiran (ijtihad) sumber-sumber syarak dek ulama dan ditagakkan malalui fatwa. Jikok syarak basipaik final dan indak bisa diubah, fiqih basipaik bagantuang dan dapek baubah. Fiqih umumnyo mambahas ibadah, nilai-nilai moral, paraturan sosial, jo sistem politik di dalam Islam. Pado maso kiniko, ado ampek mazhab fiqh dalam aliran Ahlus Sunnah wal Jama'ah, dan tigo lainnyo dalam aliran Syiah. Saurang nan talatiah dalam fiqih disabuik pakiah atau faqih (bantuak jamaknyo fuqaha)[2]

Rujuakan[suntiang | suntiang sumber]

Bibliografi[suntiang | suntiang sumber]