Puaso

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Puaso adolah tindakan basarayo untuak bapantang dari makanan, minuman, atau kaduanyo, babuek buruak sarato dari sagalo hal nan mambatalan puaso untuak periode wakatu tatantu[1]. Puaso mutlak (sabana puaso) biasonyo didefinisikan sabagai bapantang dari sadoalah makanan jo minuman untuak periode tatantu, biasonyo salamo ciek ari (24 jam), atau bahari-hari. Puaso lain mungkin hanyo mambatasi sabagian, mambatasi makanan tatentu atau zat tatantu. Praktik puaso dapek maalangi aktivitas seksual dan lainnyo sarato makanan. Puaso, acok dilakukan dalam rangka manunaikan ibadah, juo dilakukan di lua tuntutan ibadah untuak maningkekan kualitas iduik spiritual sasaurang nan malakukannyo. Hal samacam ko acok ditamukan dalam diri biarowan atau rahib. Inti dari mukasuik dan tujuan puaso itu adolah panahanan diri dari kainginan untuak mancapai sabuah tujuan.

Dampak kasehatan[suntiang | suntiang sumber]

Urusan Medis[suntiang | suntiang sumber]

Puaso acok dilakukan sabalun pambadahan atau prosedur nan mamaraluan anestesi umum (bius umum) karano risiko aspirasi paru dari isi paruik (lambuang) sasudah diagiah bius (muntah atau taisok muntahan ka paru, barisiko maancam nyao).[2][3][4] Sabagai tambahan, pamaresoan (tes) medis tatantu, misanyo pareso kolesterol atau gulo darah (glukosa darah), paralu puaso babarapo jam sabalunnyo supayo ambang bateh dapek ditantuan. Pado pamaresoan kadar lamak tubuah (lipid panel), kagagalan dalam bapuaso salamo 12 jam sabalunnyo mambuek hasianyo bias dek tajadi paningkekan trigiserida.[5]

Kanker[suntiang | suntiang sumber]

Masyarakaik Kanker Amerika (America Cancer Society) mangatokan baso bapuaso atau pantang kalori indak paguno untuak mambuek cegak dari kanker.[6]

Kasehatan mental[suntiang | suntiang sumber]

Pado sabuah tinjauan (review), bapuaso maningkekan kawaspadaan, suasana hati, sarato managah tajadinyo depresi.[7]

Mangurangi barek badan[suntiang | suntiang sumber]

Bapuaso salamo kurang dari 24 jam (puaso nan dijarangkan atau indak panuah) manunjuakan hasia nan efektif untuak mangurangi barek badan pado urang jo obesitas sarato mamiaro massa tubuah nan ideal (lean body mass).[8][9][10]

Puaso jo agamo[suntiang | suntiang sumber]

Puaso acok dilakukan dalam rangka manjalankan ibadah dalam suatu agamo. Ado babarapo agamo di dunia nan mampunyoi parintah untuak bapuaso manuruik caro tiok agamonyo surang. Parintah bapuaso ado dalam agamo Islam, Kristen, Yahudi, jo Baha'i.

Puaso dalam Yahudi[suntiang | suntiang sumber]

Dalam Yahudi, puaso bamukasuik untuak manahan diri kasadoalahannyo dari makanan jo minuman, tamasuak aia. Bahkan manggundar gigi diharamkan pado puaso ari rayo Yom Kippur jo Tisha B'Av, tapi dibuliahan pado puaso hari ketek. Umaik Yahudi bapuaso sampai hari ka anam pado satu tahun. Jo pangacualian Yom Kippur, puaso indak dibuliahan pado ari Sabat.

Puaso dalam Islam[suntiang | suntiang sumber]

Dalam Islam, puaso (disabuik juo Shaum) nan basipaik wajib dilakukan pado bulan Ramadhan salamo sabulan panuah sarato ditutuik jo Ari Rayo Idul Fitri. Puaso dilakukan jo manahan diri dari makan jo minum sarato dari sagalo pabuatan nan dapek mambatalan puaso mulai dari tabik fajar inggo tabanamnyo matoari jo niaik sasuai parintah dalam kitab suci Alquran. Puaso juo batujuan untuak mananaman sikap untuak saliang babagi ka sasamo, karano sawakatu bapuaso, umaik muslim turuik marasoan baa urang nan indak mampu kapayahan mandapek makan.

Rujuakan[suntiang | suntiang sumber]

  1. Kamus Besar Bahasa Indonesia
  2. "Do You Need to Starve Before Surgery? – ABC News". Abcnews.go.com. 25 Maret 2009. http://abcnews.go.com/Health/WomensHealth/story?id=7161746&page=1. Diakses pado 18 Oktober 2010. 
  3. Norman, Dr (17 April 2003). "Fasting before surgery – Health & Wellbeing". Abc.net.au. http://www.abc.net.au/health/minutes/stories/2004/06/17/1137544.htm. Diakses pado 18 Oktober 2010. 
  4. "Anesthesia Information (full edition) | From Yes They're Fake!". Yestheyrefake.net. 1 Januari 1994. Diarsipan dari nan asli pada 12 Nopember 2010. https://web.archive.org/web/20101112015650/http://www.yestheyrefake.net/anesthesia_full.htm. Diakses pado 18 Oktober 2010. 
  5. "Lowering High TRIGLYCERIDES and Raising HDL Naturally – Full of Health Inc". Reducetriglycerides.com. http://www.reducetriglycerides.com/lower_triglycerides_print.htm. Diakses pado 18 Oktober 2010. 
  6. Russell J, Rovere A, ed (2009). "Fasting". American Cancer Society Complete Guide to Complementary and Alternative Cancer Therapies (edisi ke-2nd). American Cancer Society. ISBN 9780944235713. 
  7. Fond, G; MacGregor, A; Leboyer, M; Michalsen, A (2013). "Fasting in mood disorders: Neurobiology and effectiveness. A review of the literature". Psychiatry Research 209 (3): 253–8. doi:10.1016/j.psychres.2012.12.018. PMID 23332541. http://www.hal.inserm.fr/inserm-00789122/document. 
  8. Whitney, Eleanor Noss; Rolfes, Sharon Rady (27 July 2012) (dalam bahaso en). Understanding Nutrition. Cengage Learning. ISBN 978-1133587521. https://books.google.de/books?id=Mib1CAAAQBAJ&pg=SA7-PA21. Diakses pado 22 Januari 2017. 
  9. Shils, Maurice Edward; Shike, Moshe (2006) (dalam bahaso en). Modern Nutrition in Health and Disease. Lippincott Williams & Wilkins. ISBN 9780781741330. https://books.google.de/books?id=S5oCjZZZ1ggC&pg=PA734. Diakses pado 22 Januari 2017. 
  10. Anton, Stephen D; Moehl, Keelin; Donahoo, William T; Marosi, Krisztina; Lee, Stephanie A; Mainous, Arch G; Leeuwenburgh, Christiaan; Mattson, Mark P (2017). "Flipping the Metabolic Switch: Understanding and Applying the Health Benefits of Fasting". Obesity 26 (2): 254–268. doi:10.1002/oby.22065. PMID 29086496.