Politik hukum

Wikipedia Minangkabau - Lubuak aka tapian ilimu

Sacaro etimologis, istilah politik hukum marupokan tajamahan bahaso Minang dari istilah hukum Balando rechtspolitiek, nan marupokan gabuangan dari duo kato recht jo kato politiek.Dalam bahaso Minang kato recht ko bararti hukum. Kata hukum sendiri barasal dari bahaso Arab hukm (kato jamaknyo ahkam), nan bararti putusan, katatapan, parintah, kakuasaan, hukuman dan lain-lain. Bakaitan jo istilah ko, alun ado kasapakatan pandapek di kalangan dari ahli hukum tantang apo se batasan dan makna hukum nan sabananyo lai. Ado silang pandapek nan tajadi dek karano sifaiknyo nan kabua (abstrak) dan cakupannyo nan laweh sarato beda suduik pandang para ahli dalam mamandang jo mamahami apo nan disabuik dengan hukum tu sabananyo. Namun, sabagai padoman, sacaro sederhana kito dapek katokan baso hukum ko adolah saparangkek aturan tingkah laku nan balaku dalam masyarakaik.

Panarangan etimologis di ateh tantu indak mamuehan dek karano masih talamapu sederhana, sahinggo dalam banyak hal bisa mambinguangan jo marancukan pamahaman wak jo apo tu politik hukum. Guno malengkapi uraian di ateh paralu wak sajikan definisi-definisi politik hukum nan dirumusaan dek babarapo ahli hukum nan salamo ko alah asam garam bakacimpuang jo perkembangan disiplin ilmu ko, diantaronyo :

a. LJ. van Appeldoorn dalam bukunyo Pangantar Ilmu Hukum manyabuik jo istilah politik parundang-undangan. Politik hukum bararti manatapan tujuan jo isi paraturan parundang-undangan. Panarangan ko tabateh hanyo pado hukum tatulih se.

b. Teuku Muhammad Radhie mangkonsepsikan politik hukum sabagai pernyataan kahandak panguaso nagara mangenai hukum nan berlaku di wilayah suatu nagara jo mangenai arah kama hukum jo handak dikambangan.

c. Abdul Hakim Garuda Nusantara manyatokan baso politik hukum samo jo politik pambangunan hukum nan handak diterapan atau dilaksanakan dek suatu pamarentah suatu nagara.

d. Sunaryati Hartono indak mandefinisikan politik hukum sacaro eksplisif, namun inyo maliek baso politik hukum sabagai sabuah alat (tool) atau sarana jo langkah-langkah nan dapek digunoan pamarentah untuak mancipta'an sistem hukum nasional nan dikandak'i dan untuak mawujudan cito-cito basamo.

e. Moh. Mahfud MD manyabuik'an baso politik hukum adolah legal policy atau garih kabijakan rasmi tantang hukum nan akan diberlakukan baiak dengan hukum baru maupun ko panggantian hukum lamo, dalam rangka mancapai tujuan banegara.

Dari pengertian politik hukum manuruik para ahli hukum di ateh mako dapek disimpulan baso nan dimaksud'an jo politik hukum tu iyolah sarangkaian konsep, asas, kabijakan dasar dan pernyataan kahandak panguaso nagara nan manganduang politik pambentukan hukum, politik panantuan hukum dan politik penerapan sarato panegakan hukum, manyangkuik fungsi limbago dan pembinaan para panegak hukum untuak manantukan arah, bantuak maupun isi hukum nan akan dibantuak, hukum nan balaku di wilayahnyo dan mangenai arah perkembangan hukum nan dibangun sarato untuak mancapai tujuan negara.