Candi
Candi adolah istilah nan marujuak kapado sabuah bangunan agamo tampek ibadaik paninggalan purbakala nan barasa dari peradaban Hindu-Buddha.[1] Bangunan ko dipakai sabagai tampek pamujaan dewa-dewi ataupun mamuliakan Buddha. Tapi, istilah 'candi' indak anyo dipakai dek masyarakaik untuak manyabuik tampek ibadaik sajo, banyak situs-situs purbakala non-religius dari maso Hindu-Buddha Indonesia klasik, baiak sabagai istano (kraton), pamandian, gapura, dan sabagainyo, disabuik juo jo istilah candi.
Candi marupokan bangunan tiruan tampek tingga dewa-dewi nan sabananyo, iyolah Gunuang Mahameru.[2] Dek itu, seni arsitekturnyo dihias jo babagai macam ukiran jo pahatan babantuak pola hieh nan disasuaikan jo alam Gunuang Mahameru.[2] Candi-candi jo pasan nan disampaikan lewaik arsitektur, relief, sarato arca-arcanyo indak panah lapeh dari unsua spiritualitas, dayo cipta, jo katarampilan tukang bangunnyo.[3]
Sabagian candi umpamo Candi Borobudur jo Prambanan dibangun amaik bamego-mego, detail, kayo jo ragam hieh nan mewah, banilai estetika nan tinggi, jo mamakai teknologi arsitektur nan maju pado zamannyo. Bangunan-bangunan ko inggo kini manjadi bukti baitu tingginyo kabudayaan jo paradaban niniak muyang sabuah bangso.[4]
Terminologi
[suntiang | suntiang sumber]"Antaro abaik ka-7 jo ka-15 masehi, ratusan bangunan kaagamoan dibangun dari bahan bata sirah atau batu andesit di pulau Jao, Sumatera, jo Bali. Bangunan iko disabuik candi. Istilah iko juo marujuak kapado babagai bangunan pra-Islam, tamasuak gerbang, jo bahkan pamandian, akan tatapi manifestasi utamonyo tetap adolah bangunan suci kaagamoan." — Soekmono, R. "Candi:Symbol of the Universe". [5]
Istilah "Candi" diduga barasa dari kato “Candika” nan aratinyo namo salah satu parwujudan Dewi Durga sabagai dewi kamatian.[6] Dek itulah, candi acok dikaikan jo monumen tampek pedharmaan untuak mamuliakan rajo anumerta (nan alah maningga) contohnyo candi Kidal untuak mamuliaan Rajo Anusapati.
Panafsiran nan bakambang di lua nagari — tautamo di antaro panutur bahaso Inggirih jo bahaso asiang lainnyo — adolah; istilah candi hanyo marujuak kapado bangunan paninggalan era Hindu-Buddha di Indonesia, sadangkan dalam bahaso Melayu disabuik jo istilah kuil. Sami halnyo jo istilah wat nan dikaikan jo candi di Kamboja dan Thailand. Akan tatapi, dari suduik pandang bahaso Indonesia, istilah 'candi' juo marujuak kapado sado bangunan basijarah Hindu-Buddha di sadoalah dunia; indak hanyo di Nusantara, tapi juo di Kamboja, Myanmar, Thailand, Laos, Vietnam, Sri Lanka, India, joNepal; takah candi Angkor Wat di Kamboja jo candi Khajuraho di India. Istilah candi juo tadanga mirip jo istilah chedi dalam bahasa Thailand nan aratinyo 'stupa'.
Pautan lua
[suntiang | suntiang sumber]- Perpustakaan Nasional Republik Indonesia Archived 2013-11-09 di Wayback Machine. Basis data tantang Candi dari Perpusnas RI
- Yogyes.com Manjalajahi Candi-Candi Saisuak di Yogyakarta
- Borobudur TV Archived 2004-06-08 di Wayback Machine. Basis data jo galeri tantang Candi-candi di Jawa Tangah jo Yogyakarta
Rujuakan
[suntiang | suntiang sumber]- ↑ Jacques Dumarçay, "Candi Sewu: dan arsitektur bangunan agama buda di Jawa Tengah: and buddhist architecture of Central Java", Kepustakaan Populer Gramedia, 2007, 9799100887, 9789799100887.
- ↑ a b Nana Supriatna, "Sejarah", PT Grafindo Media Pratama, 9797586006, 9789797586003.
- ↑ Thomas Wendoris, "Mengenal Candi-candi Nusantara", Pustaka Widyatama, 9796102366, 9789796102365.
- ↑ F. X. Gabriel, "Api nan Apik", BPK Gunung Mulia, 2000, 9799290007, 9789799290007.
- ↑ Soekmono, R. "Candi:Symbol of the Universe", pp.58-59 in Miksic, John, ed. Ancient History Volume 1 of Indonesian Heritage Series Archipelago Press, Singapore (1996) ISBN 978-981-3018-26-6
- ↑ Soekmono, Dr R. (1973). Pengantar Sejarah Kebudayaan Indonesia 2. Yogyakarta, Indonesia: Penerbit Kanisius. pp. 81. ISBN 979-413-290-X.
Daftar pustaka
[suntiang | suntiang sumber]- Soekmono, R. (1995). Jan Fontein. ed. The Javanese Candi: Function and Meaning, Volume 17 from Studies in Asian Art and Archaeology, Vol 17. Leiden: E.J. BRILL. ISBN 9789004102156. https://books.google.com/books?id=7cd2Ha7fT90C.
- Degroot, Véronique (2009). Candi, Space and Landscape: A Study on the Distribution, Orientation and Spatial Organization of Central Javanese Temple Remains. Leiden: Sidestone Press, Issue 38 of Mededelingen van het Rijksmuseum voor Volkenkunde. ISBN 9789088900396. https://books.google.com/books?id=u2HzduME8OcC.
- Sedyawati, Edi; Santiko, Hariani; Djafar, Hasan; Maulana, Ratnaesih; Ramelan, Wiwin Djuwita Sudjana; Ashari, Chaidir (2013) (dalam bahaso id, en). Candi Indonesia: Seri Jawa. Jakarta: Direktorat Jenderal Kebudayaan. ISBN 9786021766934. https://books.google.com/books?id=MsLiCQAAQBAJ.
Bacoan lanjuik
[suntiang | suntiang sumber]- Dumarcay, J. 1986 Temples of Java Kuala Lumpur: Oxford University Press
- Holt, C. 1967 Art in Indonesia Ithaca: Cornell University
- Patt, J.A. 1979 The Uses and Symbolism of Water in Ancient Indonesian Temple Architecture University of California, Berkeley (unublished PhD thesis)
- Prijotomo, J. 1984 Ideas and Forms of Javanese Architecture Yogyakarta: Gadjah Mada University Press
- Degroot, Véronique 2009 Candi, Space and Landscape: A Study on the Distribution, Orientation and Spatial Organization of Central Javanese Temple Remains Leiden: Sidestone Press, Issue 38 of Mededelingen van het Rijksmuseum voor Volkenkunde, Leiden, ISBN 9088900396