Bahaso Mandailing
| Mandailing | |
|---|---|
| Saro Mandailing | |
| Ditutuakan di | Indonesia |
| Rantau | Sumatera Utara bagian Selatan |
| Etnis | Urang Mandailing |
| Jumalah panutua | 1,1 Juta (2000 census)[1] |
| Rumpun bahaso | Austronesia
|
| Sistim panulihan | Latin, Mandailing |
| Kode-kode bahaso | |
| ISO 639-3 | btm |
Bahaso Mandailing atau bahaso Batak Mandailing marupokan bahaso nan ado di Provinsi Sumatera Utara bagian selatan, Sumatera Barat jo Riau bagian utara dek urang Mandailing.[2] Bahaso ko masih bakarabaik jo bahaso Angkola, bahkan dek sabagian ahli bahaso manyabuiknyo sabagai bahaso Angkola-Mandailing dek kamiripannyo.[3] Labiah jauah lai, pangguno bahaso Mandailing masih dapek saliang mangecek jo panutua bahaso Toba dek kamiripannyo.[4] Katigo bahaso ko dikalompokan sabagai bahaso Batak. Panutua bahaso ko manganggap bahasonyo paliang aluih dibandiang Angkola jo Toba.[5][6]
Bahaso Mandailing mayoritas pamakaiannyo di Kabupaten Mandailing Natal (acok disabuik sabagai bahaso Mandailing Julu atau Mandailing Godang), Padang Lawas jo Padang Lawas Utara (tanamo sabagai bahaso Mandailing Padang Bolak), Sumatera Utara.[7] Sadangkan di lua Sumut, bahaso Mandailing dipakai di Kabupaten Pasaman jo Pasaman Barat, Sumatera Barat, sarato Kabupaten Rokan Hulu, Riau, nan punyo dialeknyo surang.[8][9][10][11]
Fonologi
[suntiang | suntiang sumber]| Muko | Tangah | Bulakang | |
|---|---|---|---|
| Tinggi ateh | i | u | |
| Tinggi bawah | ə | ||
| Manangah ateh | E | o | |
| Manangah bawah | E | ||
| Randah | a |
Fonem vokal dalam bahaso Mandailing ado 6, iyolah a, i u, e, E, jo o. Sadoalah fonem vokal dapek ado di sadoalah posisi. Bahaso Mandailing pun lai tau jo bunyi diftong nan bajumlah duo. Diftong nan ado dalam baso Mandailing iyolah [ay] jo [aw].[12] Misalnyo:
[ay]
- pingai = putiah
- andai = mandeh
[aw]
- hanau = anau
- basau = makiak
Pabandiangan jo bahaso lain
[suntiang | suntiang sumber]
Bahaso Mandailing marupokan bahaso nan tamasuak dalam rumpun bahaso Batak sainggo mampunyoi kamiripan jo bahaso Batak nan lain. Kamiripan bahaso Mandailing tarutamo jo bahaso Angkola, nan dek sabagian ahli bahaso dianggap sabagai bahaso nan samo namun babeda dialek. Kudian bahaso Mandailing mampunyoi kamiripan jo bahaso Toba, nan samo-samo tagolong dalam kalompok bahaso Batak selatan.[4]
| No | Minang | Toba | Mandailing |
|---|---|---|---|
| 1 | Minum | minum | minum |
| 2 | Muluik | baba | baba |
| 3 | Rumah | bagas | bagas |
| 4 | Ciek | sada | sada |
| 5 | Panjang | gajjang | ginjang |
| 6 | Paneh | las | milas |
| 7 | Tikam | tikkam | tiham |
| 8 | Tipis | tipis | nipis |
| 9 | Manokok | manuktuk | manoktok |
| 10 | Bilo? | addigan | andigan |
Rujuakan
[suntiang | suntiang sumber]- ↑ Mandailing pado Ethnologue (18th ed., 2015)
- ↑ Medan makna aktivitas tangan dalam bahasa Mandailing Badan Bahasa Kemdikbud.go.id
- ↑ Nasution, Desy Silvia Riska. 2018. Analisis Fonem Bahasa Mandailing Archived 2019-11-06 di Wayback Machine.. Medan: Universitas Muhammadiyah Sumatera Utara.
- ↑ a b Tampubolon, E. (2018). KEKERABATAN BAHASA BATAK TOBA DAN BAHASA BATAK MANDAILING. Arkhais-Jurnal Ilmu Bahasa dan Sastra Indonesia, 9(2), 103-110.
- ↑ Hutabarat, F. M., Ermanto, E., & Juita, N. (2013). Kekerabatan Bahasa Batak Toba Dengan Bahasa Batak Mandailing Archived 2019-11-06 di Wayback Machine.. Bahasa dan Sastra, 2(1), 59-71.
- ↑ Haharap, T. R., Tambunan, E. E., & Sibuea, E. R. (2017). ANALISIS KEKERABATAN BAHASA BATAK MANDAILING, ANGKOLA DAN PADANG BOLAK Archived 2019-11-06 di Wayback Machine.. Jurnal LPPM, 8(1), 33-38.
- ↑ Haharap, T. R., Tambunan, E. E., & Sibuea, E. R. (2017). ANALISIS KEKERABATAN BAHASA BATAK MANDAILING, ANGKOLA DAN PADANG BOLAK Archived 2019-11-06 di Wayback Machine.. Jurnal LPPM, 8(1), 33-38.
- ↑ Nasution, Desy Silvia Riska. 2018. Analisis Fonem Bahasa Mandailing Archived 2019-11-06 di Wayback Machine.. Medan: Universitas Muhammadiyah Sumatera Utara.
- ↑ Erviantina, D. (2013). Orang Mandailing Di Jorong Pasar Rao Nagari Tarung-Tarung Kecamatan Rao Kabupaten Pasaman. Jurnal Sosiologi dan Antropologi, 1(01).
- ↑ Hermita, L., Agustina, A., & Nasution, M. I. (2014). Tindak Tutur Direktif Pedagang Pakaian Dalam Bahasa Mandailing Di Pasar Ujung Gading Kabupaten Pasaman Barat Archived 2019-11-06 di Wayback Machine.. Bahasa dan Sastra, 2(2), 62-73.
- ↑ Rahma, Y. (2018). variasi Leksikal Bahasa Mandailing di Kabupaten Pasaman: Tinjauan Dialektologi (Doctoral dissertation, Universitas Andalas).
- ↑ Nasution, Desy Silvia Riska. 2018. Analisis Fonem Bahasa Mandailing Archived 2019-11-06 di Wayback Machine.. Medan: Universitas Muhammadiyah Sumatera Utara.
