Daerah Kusuih Ibukota Jakarta

Dari Wikipedia baso Minang, ensiklopedia bebas
Lompek ka: navigasi, cari
Jakarta
Daerah Khusus Ibu Kota Jakarta
Batavia
Daerah Kusuih Ibukota Jakarta
(Dari ateh, kiri ka kanan): Pamandangan udaro Jakarta, Koto Tuo Jakarta, Hotel Indonesia, Monumen Nasional, Harmoni, Musajik Istiqlal

Bendera

Lambang
Gala: The Big Durian,[1][2] J-Town [3]
Motto: Jaya Raya
Daerah Kusuih Ibukota Jakarta terletak di Indonesia
Jakarta
Lokasi Jakarta di Indonesia
Koordinat: 6°12′S 106°48′E / 6.2°S 106.8°E / -6.2; 106.8Koordinat: 6°12′S 106°48′E / 6.2°S 106.8°E / -6.2; 106.8
Nagara Indonesia
Provinsi Jakarta
Pamarintahan
 • Type Daerah kusuih
 • Gubernur Joko Widodo (PDIP)
Area
 • Koto 740,28 km2 (28,582 sq mi)
 • Land 662,33 km2 (25,573 sq mi)
 • Water 6.977,5 km2 (26,940 sq mi)
Katinggian -2—50 m. average: 8 m (-6—164 ft. average: 26 ft)
Populasi panduduak (Nov 2011)
 • Koto 10.187.595
 • Kapadatan 15.342/km2 (39.74/sq mi)
 • Metro 28.019.545
 • Metro density 4.383/km2 (11.35/sq mi)
Zona wakatu WIB (UTC+7)
Kode Area +62 21
Plat nomor B
Laman web jakarta.go.id
Jakarta bukan marupoan bagian dari provinsi manapun, malainkan diuruih sacaro langsuang dek pamarintah pusek dan disabuik Daerah Kusuih Ibukota

Jakarta /əˈkɑrtə/,[note 1] sacaro rasmi banamo Daerah Kusuih Ibukota Jakarta (bahaso Indonesia: Daerah Khusus Ibu Kota Jakarta), adolah ibukota dan kota nan paliang gadang di Indonesia.

Talatak di bagia pasisia baraik lauik Pulau Jawa, Jakarta adolah ibu kota parekonomian, kabudayoan dan politik, dan tampek tingga dari 10,187,595 juta urang pado November 2011,[4] kota ko adolah kota bapanduduak paliang banyak di Indonesia dan Asia Tenggara, dan marupoan kota katigobaleh paliang banyak panduduaknyo di dunia. Daerah metropolitan rasmi, nan acok disabuik Jabodetabek (panyingkekan dari Jakarta, Bogor, Depok, Tangerang jo Bekasi), adolah nan kaduo paliang gadang di dunia. Jakarta manjadi kota global manuruik panalitian Globalization and World Cities Study Group and Network (GaWC) pado tahun 2008.[5] dan mamiliaki wilayah darek sagadang 661 square kilometre (255 sq mi). Area ko manjadi tampek tingga labiah dari 28 juta urang.[6]

Pado 2011, Jakarta diuruikkan di paringkek katujuahbaleh di daftar 200 kota nan paliang gadang di dunia. Jakarta alah bakambang jauh labiah maju dibandiangkan kota-kota saroman Kuala Lumpur, Beijing atau Bangkok.[7]

Didirikan pado abaik kaampek, kota ko manjadi palabuahan padagangan nan pantiang untuak Karajaan Sunda. Jakarta kamuadian manjadi ibu kota de facto Hindia Balando (namonyo kutiko itu masih Batavia), dan sampai kini masih manjadi ibu kota Indonesia sajak diproklamasikannyo kamardekaan nagara tu pado 1945.

Kota ko marupoan markas dari Sekretariat ASEAN. Kota ko dilayani oleh Palabuahan Kapa Tabang Internasional Soekarno-Hatta, Palabuahan Kapa Tabang Halim Perdanakusuma dan Palabuahan Tanjung Priok; dan juo dilayani oleh sambuangan kureta api dan kureta komuter, sarato babarapo jalur bus kota.

Panamoan[suntiang | suntiang sumber]

Daerah nan kini dinamokan Jakarta juo mamiliaki babarapo namo lamo nan digunoan oleh entitas-entitas politik nan mamarintah kota ko sabalunnyo: Sunda Kelapa (397–1527), Jayakarta (1527–1619), Batavia (1619–1949), dan Djakarta (1949–1972).

Namonyo nan kini barasa dari kato "Jayakarta". Aka kato ko barasa dari Jawa Kuno dan Sanskerta. "Jayakarta" baarati "kamanangan", "kasamparonoan" atau "kamanangan nan samparono".

Jakarta dijualaki Durian Gadang, sajinih buah lokal Indonesia nan baduri dan babaun khas.[1] Alasan juluakan ko antaro lain karano Jakarta dipandang sabagai padanan Indonesia untuak the Big Apple.[8]

Sajarah[suntiang | suntiang sumber]

Prasasti Tugu dari abaik kalimo nan ditamuan di daerah Tugu, Jakarta Utara.

Maso pra-kolonial[suntiang | suntiang sumber]

Daerah nan kini disabuik Jakarta adolah bagian dari Karajaan Tarumanagara, sabuah karajaan Sunda, nan marupoan salah satu karajaan Hindu nan paliang tuo di Indonesia.[9] Satalah kajatuahan Tarumanagara, wilayah-wilayahnyo, tamasuak daerah Jakarta, manjadi bagian dari Karajaan Sunda. Dari abaik katujuah inggo awal abaik katigobaleh, daerah ko manjadi palabuahan nan pantiang untuak karajaan dan banyak dipangaruahi dek Karajaan Sriwijaya. Manuruik catatan Cino, Chu-fan-chi, nan ditulih kiro-kiro pado taun 1200, Chou Ju-kua malaporan baso pado awal abaik katigobaleh, Sriwijaya masih mamarintah Sumatra, Samananjuang Malayu dan bagian baraik Jawa. Catatan ko juo malaporan baso palabuahan Sunda sabagai palabuahan nan "strategis dan bakambang pesat", manjadi pusek padagangan lado itam dari Sunda nan tanamo dek mutunyo. Panduduak daerah ko bakarajo di bidang agrikultur dan rumah-rumahnyo dibangun dari kayu.[10] Palabuahan ko disabuik Sunda Kelapa, dan pado abaik kaampekbaleh, palabuahan ko alah manjadi pusek padagangan utamo dari karajaan Sunda.

Ampek kapa Portugis dari Malaka tibo di Sunda Kelapa pado 1513, kutiko Portugis sadang mancari jalur manuju pulau-pulau pangasia lado itam.[11] Karajaan Sunda mambuek sabuah pajanjian basakutu jo urang-orang Portugis dan mambuliahan mereka mambangun sabuah palabuahan pado 1522, dalam rangko batahan dari ancaman Kasultanan Demak dari Jawa Tangah.[12] Pado 1527, Fatahillah, saurang palimo parang Demak manyarang dan manakluakkan Sunda Kelapa, dan mangusia urang-urang Portugis. Sunda Kelapa diganti namonyo manjadi Jayakarta,[12] dan manjadi wilayah kakuasoan Kasultanan Banten.

Malalui hubuangan jo Pangeran Jayawikarta dari Kasultanan Banten, kapa-kapa Balando tibo di Jayakarta pado tahun 1596. Pado 1602, Parusaoan India Timua Inggirih mangirim rombongan nan dipimpin Sir James Lancaster, mambuang sauah di Aceh dan balaia ka Banten, dimano mereka diagiah izin untuak mambangun sabuah kantua dagang. Wilayah ko kamudian manjadi pusek padagangan Inggirih di Indonesia inggo 1682.[13]

Jayawikarta diduga mampunyoi hubuangan dagang jo padagang-padagang Inggirih nan manjadi rival Balando, jo caro maagiah izin pambangunan rumah-rumah di muko bangunan-bangunan Balando pado 1615.[14]

Era kolonial[suntiang | suntiang sumber]

Stadhuis Batavia, kantua Gubernur Jenderal VOC di daerah Kota Tua Jakarta. Bangunan ko kini manjadi Museum Sajarah Jakarta
Batavia dibangun di ateh lahan nan kini manjadi Jakarta. Karya Andries Beeckman c. 1656

Kutiko ubuangan antaro Pangeran Jayawikarta dan urang-urang Balando mamburuak, parajurik Jayawikarta manyarang benteng Balando. Pasukan Jayawikarta nan dibantu Inggirih dikalahkan dek Balando, sabagian karano tibonyo Jan Pieterszoon Coen (J.P. Coen). Balado mambaka benteng Inggirih dan mamaso Inggirih untuak mundur ka kapa-kapanyo. Kamanangan ko mampakuek kakuasaan Balando ateh kota ko dan pado taun 1619, Balando mangganti namo Jayakarta manjadi Batavia.

Paluang-paluang padagangan di kota ko mambuek banyak imigran tatarik datang, kusuihnyo padagang-padagang Cino. Panambahan jumlah panduduak nan tibo-tibo mambuek barek baban pamarintah kota. Katagangan mamuncak kutiko pamarentah mancubo mambatehi migrasi urang-urang Cino jo caro deportasi. Palawanan pacah dan 5,000 urang Cino dibantai dek pamarentah Balando dan panduduak pribumi pado 9 Oktober 1740, dan taun salanjuiknyo, banyak urang Cino mamiliah pindah ka Glodok nan talatak di lua tembok kota.[15] Kota ko mulai bakambang ka arah salatan sasudah wabah panyakik taun 1835 dan 1870, mamaso banyak urang untuak pindah labiah ka arah salatan dari palabuahan. Koningsplein, kini banamo Medan Merdeka salasai dibangun pado 1818, taman parumahan Menteng mulai dibangun pado 1913,[16] dan Kebayoran Baru adolah kawasan parumahan taakhia nan dibangun Balando.[15] Pado 1930, Batavia alah punyo labiah dari satangah juta panduduak,[17] tamasuak 37,067 urang Eropa.[18]

Era kamardekaan[suntiang | suntiang sumber]

Sasudah parang, kaum republikan Indonesia mamutuihan untuak maninggakan Jakarta nan dikuasai pasukan Sakutu dan manjadikan Yogyakarta sabagai ibu kota nagara nan baru. Pado 1950, satalah kamardekaan sapanuahnyo dirabuik, ibu kota nagara dibaliakkan ka kota ko.[15] Presiden partamo Indonesia, Soekarno, bacito-cito untuak manjadian Jakarta sabuah kota internasional gadang dan mamarintahkan proyek-proyek pambangunan nan dibiayai dek pemerintah untuak mamasuakkan unsur-unsur nasionalis dan arsitektur modern.[19][20] Proyek-proyeknyo tamasuak jalan layang, bundaran gadang di Jalan MH Thamrin-Sudirman, Monumen Nasional, Hotel Indonesia, pusek balanjo dan gedung parlemen nan baru. Pado Oktober 1965, Jakarta manjadi saksi sabuah usao kudeta nan mambunuah anam urang jenderal tinggi militer, mamicu pambarasiahan massal urang-urang kuminih, tamasuak banyak urang Cino,[21] dan bamulonyo era Orde Baru di bawah Soeharto. Sabuah monumen dibangun di tampek mayik jenderal-jenderal tu dibuang.

Pado 1966, Jakarta dinyatoan sabagai "daerah kusuih ibukota" (daerah khusus ibukota), dan mandapek status satingkek provinsi.[22] Letnan Jenderal Ali Sadikin manjadi gubernur dari patangahan 60-an inggo 1977; inyo mamaloki sajumlah jalan jo jambatan, mandukuang pakambangan seni jo budayo, mambangun rumah-rumah sakik jo sakolah-sakolah. Inyo juo manertibkan area-area kumuah untuak proyek-proyek pambangunan modern,[23][24] dan barusao mangapuihan becak dan malarang padagang kaki limo. Sadikin juo barusao untuak mangandalikan jumlah papindahan dari lua Jakarta untuak mancagah kalabiahan jumlah panduduak dan paningkekan jumlah urang miskin.[25] Investasi dari lua nagari alah mangubah wajah kota ko salamo maso pamarintahan Sadikin dan pangganti-panggantinyo.[26]

Ladakan ekonomi ko baakhia pado maso krisis 1997, mambuek Jakarta sabagai pusek pagarakan anti-pamarentah. Sasudah 32 bakuaso, dukuangan pado presiden Soeharto mulai manurun. Katagangan mamuncak kutiko ampek mahasiswa Universitas Trisakti ditembak mati dek aparat kaamanan; karusuahan ampek hari di Jakarta mambunuah labiah dari 1,200 urang dan marusak 6,000 bangunan.[27] Banyak parusuah mangincar urang Cino Indonesia.[28] Soeharto akhianyo mundur dari jabatan presiden, dan Jakarta batahan sabagai pusek krusial dari pagarakan demokrasi di Indonesia.[29] Bom dan sarangan teroris tajadi hampia tiok taun di kota ko antaro 2000 inggo 2005,[15] dan ciek bom lai pado taun 2009.[30]

Pamarentahan[suntiang | suntiang sumber]

Kotamadya jo kabupaten di Jakarta[suntiang | suntiang sumber]

Peta kotamadya di Jakarta. Tiok kotamadya tadiri ateh babarapo kecamatan.

Sacaro rasmi, Jakarta bukanlah sabuah kota, tapi sabuah provinsi nan bastatus istimewa sabagai ibu kota nagara. Provinsi ko dipimpin oleh surang gubernur, bukannyo walikota, dan dibagi manjadi babarapo kotamadya dan kabupaten. Sabagai provinsi, namo rasmi Jakarta adolah Daerah Khusus Ibukota Jakarta ("Daerah Kusuih Ibukota Jakarta"), disingkek DKI Jakarta.

Jakarta dibagi manjadi limo kota atau kotamadya, nan dipimpin dek surang wali kota dan ciek kabupaten, nan dipimpin dek bupati. Pado Agustus 2007, provinsi ko manyalanggarokan pamiliahan umum partamo untuak mamiliah gubernur, karano sabalunnyo gubernur dipiliah dek Dewan Pawakilan Rakyaik Daerah. Pamiliahan ko marupokan bagian dari program desentralisasi kakuasaan nan maagiah jalan bagi pamiliahan kapalo daerah langsuang di sadoalah kabupaten jo kota di Indonesia.[31]

Kota-kota di Jakarta adolah:

  • Jakarta Pusat adolah kota nan paliang ketek dan tampek duduak bagi banyak fasilitas pamarentahan provinsi. Kota ko didominasi dek taman-taman gadang dan bangunan paninggalan kolonial Balando. Tando tanahnyo antaro lain Monumen Nasional, Musajik Istiqlal, Katedral Jakarta dan museum-museum.[32]
  • Jakarta Barat didominasi dek industri skala ketek nan taseba di saluruah panjuru kota. Tando tanahnyo antaro lain kawasan Pecinan Jakarta bangunan-bangunan tuo paninggalan Balando. Jakarta Barat juo maliputi sabagian Kota Tuo Jakarta.[33]
  • Jakarta Selatan, aslinyo dirancang sabagai sabuah kota satelit nan tapisah, tapi kini alah manjadi tampek bagi pusek-pusek balanjo modern dan kompleks parumahan elit. Daerah ko bafungsi sabagai panyangga aia untuak Jakarta,[34] tapi kini daerah hijau alah mulai diancam dek proyek pambangunan baru. Sabagian gadang distrik bisnis Jakarta talatak di kota ko, yaitu di Setia Budi nan babateh jo daerah Tanah Abang/Sudirman di Jakarta Pusat.
  • Jakarta Timur didominasi oleh kawasan industri dan pabrik.[35] Di kota ko talatak Taman Mini Indonesia Indah dan Palabuahan Kapa Tabang Halim Perdanakusuma.
  • Jakarta Utara adolah satu-satunyo kota di Jakarta nan mamiliaki area lauik, babateh jo Lauik Jawa. Kota ko mamiliaki Palabuahan Tanjug Priok. Industri skala gadang dan manangah dikonsentrasikan di kota ko, tapi juo punyoi sabagian daerah Kota Tuo Jakarta. Di kota ko juo talatak Taman Impian Jaya Ancol, kini kompleks hiburan tapadu paliang gadang di Asia Tenggara.[36]

Satu-satunyo kabupaten di Jakarta adolah:

  • Kepulauan Seribu, dulunyo marupokan bagian dari Jakarta Utara, adolah himpunan dari 105 pulau ketek di Lauik Jawa. Kabupaten ko banyak dikunjuangi untuak pariwisata maritim saroman mandayuang, baranang dan lain-lain. Moda transportasi utamo di kabupaten ko adolah kapa bot atau feri ketek.[37]

Kapalo pamarentahan[suntiang | suntiang sumber]

Pado Septemmber 1945, bantuak pamarentahan kota Jakarta diubah dari pamarentahan Djakarta Toku-Betsu Shi nan dibantuak Japang manjadi model Indonesia. Pamarentahan partamo dikatuai dek surang wali kota inggo 1960, kutiko jabatan wali kota diganti manjadi gubernur. Wali kota taakhia Jakarta adolah Sudiro, nan diganti dek Dr Sumarno sabagai Gubernur Jakarta nan partamo.[38]

Geografi dan iklim[suntiang | suntiang sumber]

Geografi[suntiang | suntiang sumber]

Jakarta talatak di pasisia baraik lauik Pulau Jawa, di muaro Sungai Ciliwung di Teluk Jakarta, nan marupoan taluak ketek dari Lauik Jawa. Sacaro rasmi, laweh daerah Daerah Kusuih Ibu Kota Jakarta adolah 662 km2 (256 sq mi) bagian darek dan 6,977 km2 (3 sq mi) kawasan lauik.[39] Kepulauan Seribu, nan sacaro rasmi marupokan bagian dari Jakarta, talatak di Teluk Jakarta, bagian utaro dari daratan utamo.

Jakarta talatak pado dataran randah dan data, bakisa dari -2 m (−7 kaki) inggo 50 m (164 kaki) dan tinggi rato-ratonyo 8 m (26 kaki) di ateh pamukaan lauik; 40% bagian darek Jakarta, utamonyo di bagian utaro, talatak di bawah pamukaan lauik,[40] samantaro bagian salatannyo babukik-bukik. Sungai mangalia dari tanah tinggi Puncak ka bagian salatan kota, malintehi kota ka arah utaro manuju Lauik Jawa; salah satu sungai nan paliang gadang adolah Sungai Ciliwung nan mambalah Jakarta Barat jo Jakarta Timur. Sungai-sungai lain antaro lain Sungai Pesanggarahan jo Sungai Sunter.

Sadoalah sungai ko, disatukan jo musim hujan dan sistem drainase nan buruak dan acok tasumbek, mambuek Jakarta rawan dilando banjia. Jakarta tabanam sakitar 5 inggo 10 sentimeter tiok taun, bahkan labiah dari 20 sentimeter di daerah utaro. Untuak mambantu mancagah bancano banjia nan tibo ampia tiok taun, Balando maagiah sakitar $4 juta untuak studi kalayakan pambangunan tanggul di Teluk Jakarta. Cincin tanggul akan dilengkapi jo sistem pompa dan daerah retensi untuak manahan amuakan aia lauik. Proyek ko akan dibangun pado 2025.[41]

Pamandangan Jakarta Pusat dari manaro pamantau di Monas

Iklim[suntiang | suntiang sumber]

Jakarta mamiliaki iklim musim tropis (Am)[42] manuruik klasifikasi iklim Köppen. Walaupun talatak realtif dakek dari khatulistiwa, kota ko punyo musim hujan dan musim kariang nan lain bana. Musim hujan di Jakarta malando sabagian gadang wakatu sapanjang tahun, balansuang sapanjang November inggo Juni. Ampek bulan sisonyo adolah musim kariang. Talatak di bagian baraik pulau Jawa, musim hujan di Jakarta mancapai puncaknyo pado bulan Januari jo ratoan curah hujan 389 millimetre (15.3 in), dan titiak tarandah musim kariang adolah pado September, dengan ratoan 30 mm (1.2 in).

Data iklim Jakarta
Bulan Jan Peb Mar Apr Mai Jun Jul Agt Sep Okt Nov Des Tahun
Rata-rata tertinggi °C (°F) 29.9
(85.8)
30.3
(86.5)
31.5
(88.7)
32.5
(90.5)
32.5
(90.5)
31.4
(88.5)
32.3
(90.1)
32.0
(89.6)
33.0
(91.4)
32.7
(90.9)
31.3
(88.3)
32.0
(89.6)
31.8
(89.2)
Rata-rata terendah °C (°F) 24.2
(75.6)
24.3
(75.7)
25.2
(77.4)
25.1
(77.2)
25.4
(77.7)
24.8
(76.6)
25.1
(77.2)
24.9
(76.8)
25.5
(77.9)
25.5
(77.9)
24.9
(76.8)
24.9
(76.8)
25.0
(77)
Presipitasi mm (inci) 384.7
(15.146)
309.8
(12.197)
100.3
(3.949)
257.8
(10.15)
133.4
(5.252)
83.1
(3.272)
30.8
(1.213)
34.2
(1.346)
29.0
(1.142)
33.1
(1.303)
175.0
(6.89)
84.0
(3.307)
1.655,2
(65,165)
Rata-rata hari berhujan 26 20 15 18 13 17 5 24 6 9 22 12 187
Sumber: World Meteorological Organisation [43]

Budayo[suntiang | suntiang sumber]

Keong Emas, dibuek pado 1970 dek pamarentahan Orde Baru, adolah sabuah teater IMAX nan talatak di Taman Mini Indonesia Indah, Jakarta Timur.

Sabagai ibu kota ekonomi jo politik Indonesia, Jakarta alah manarik banyak imigran domestik nan mambao masuak bahaso, dialek, makanan jo adaik nan balain-lain pulo.

Urang Betawi (Orang Betawi, atau "warga Batavia") adoah katurunan urang-urang nan tingga di dalam dan sakita Batavia lamo dan diakui sabagai sabuah suku banso nan barasa dari abaik ka-18 inggo ka-19. Urang Betawi kabanyakannyo adolah katurunan dari suku-suku banso Asia Tenggara nan tibo di Batavia untuak mamanuahi kaparaluan buruah kasa, tamasuak urang-urang dari palosok Indonesia.[44] Bahaso jo budayo Betawi hampia samo jo bahaso nan dipakai dek urang Sunda atau urang Jawa. Bahaso ko kabanyakan badasa pado bahaso Malayu Kuno dialek timua dan dipakayo dek kato-kato pinjaman dari bahaso Balando, Portugih, Sunda, Jawa, Cino jo Arab. Kini, dialek Jakarta (bahasa Jakarta), dipakai sacarao laweh dek urang-urang Jakarta, dan kabanyakannyo badasa pado bahaso Betawi nan dimodernkan.

Kasanian Betawi indak talalu populer di Jakarta, karano banyak urang Betawi alah bapindah ka pinggiran kota, digantian dek imigran-imigran. Kini di Jakarta labiah mudah untuak manamuan upacaro baralek baadaik Jawa atau Minang dibandiang baralek baadaik Betawi di Jakarta. Labiah mudah untuak manamuan gamelan asa Jawa dibandiang gambang kromong, sajinih musik nan mancampua budayo Betawi jo Cino, atau tanjidor, campuran musik Betawi jo Portugih, atau juo marawis, campuran musik Betawi jo Arab. Walau baitu, babarapo festival saroman Festival Jalan Jaksa atau Festival Kemang kini alah bausao untuak manampilan dan malestarikan budayo-budayo Betawi, jo caro mangundang artis-artis tradisional untuak tampil.[44]

Pantai Festival di Taman Impian Jaya Ancol, Jakarta Utara.

Sajak baabaik-abaik nan lampau, alah ado komunitas Cino Indonesia di Jakarta. Urang Cino di Indonesia sacaro tradisional tingga di sakita daerah parumahan lamo, sarupo Pinangsia, Pluit atau Glodok. Komunitas ko juo dapek ditamui di area Chinatown di Senen jo Jatinegara. Ado kurang labiah 6% urang Cino di Jakarta.[45] Budayo Cino alah juo mampangaruahi budayo Betawi, saroman tanamonyo kue jo manisan Cino, kambang api, inggo baralek baadaik Betawi nan manampilan pangaruah budayo Cino jo Arab.

Jakarta punyo banyak pusek kasanian, sarupo tampek konser klasik Aula Simfonia Jakarta di Kemayoran, Taman Ismail Marzuki (TIM) di Cikini, Gedung Kesenian Jakarta dakek Pasar Baru, Balai Sarbini di daerah Plaza Semanggi, Bentara Budaya Jakarta di Palmerah, Pasar Seni di Ancol, jo panampilan kasanian tradisional Indonesia di paviliun-paviliun sajumlah provinsi nan talatak di daerah Taman Mini Indonesia Indah. Musik tradisional dapek ditamuan di hotel-hotal bintang limo, tamasuak pasambahan wayang jo gamelan. Pasambahan wayang orang dari Jawa dapek ditonton di teater Wayang Orang Bharata dakek terminal bus Senen. Sabagai ibu kota dan kota tagadang, Jakarta alah mangasiakan banyak talenta musik nasional.

Jakarta adolah tuan rumah dari babarapo festival atau pameranbudayo jo kasanian nan prestisius, sarupo Jakarta International Film Festival (JiFFest), Jakarta International Java Jazz Festival, Jakarta Fashion Week, Jakarta Fashion & Food Festival (JFFF), Jakarta Fair,jo Indonesia Creative Products. Jakarta Arts and Crafts Flona Jakarta adolah pameran flora jo fauna nan diadoan sakali sataun di taman Lapangan Banteng, mamamerkan bungo-bungoan, tumbuah-tumbuahan, caro parawatan tanaman jo hewan paliaroan. Jakarta Fair diadoan sakali sataun dari patangahan Juni inggo patangahan Juli untuak marayoan ulang tahun provinsi ko dan sabagian gadang tapusek untuak kagiatan padagangan. Walau baitu, pameran ko juo manampilan hiburan jo kasanian, tamasuak patunjuakan budayo dan lagu-lagu nan dibaokan dek grup musik lokal.

Musium[suntiang | suntiang sumber]

Musium Nasional Indonesia di Jakarta Pusat

Musium-musium di Jakarta kabanyakan tadapek di sakuliliang area Medan Merdeka di Jakarta Pusat, Kota Tua Jakarta jo Taman Mini Indonesia Indah.

Ado banyak gaduang-gaduang bakeh pamarintahan kolonial Balando di area Kota Tuo. Babarapo diantaronyo kini manjadi musium, saroman Musium Sajarah Jakarta (sabalunnyo balai kota Batavia), Musium Wayang (sabalunnyo Garejo Batavia), Musium Kasanian jo Karamik (sabalunnyo pangadilan tinggi Batavia), Musium Maritim (sabalunnyo gudang palabuahan Sunda Kelapa), Musium Bank Indonesia (sabalunnyo gaduang De Javasche Bank), jo Musium Bank Mandiri (sabalunnyo gaduang Nederlandsche Handels Maatschappij).

Babarapo musium talatak di daerah Medan Merdeka, Jakarta Pusat, antaro lain: Musium Nasional Indonesia (juo tanamo jo sebutan Gedung Gajah), Monas, Musium Islam Istiqlal di Musajik Istiqlal jo Musium Katedral Jakarta nan talatak di lantai duo katedral tu. Musium lain tamasuaklah Musium Taman Prasasti jo Musium Tekstil di daerah Tanah Abang.

Daerah rekreasi kaluargo Taman Mini Indonesia Indah di Jakarta Timur juo mamiliaki ampek baleh musium, tamasuak Musium Indonesia, Musium Purna Bhakti Pertiwi, Musium Asmat, Musium Islam Bayt al-Qur'an, Musium Pusaka jo babarapo musium batema sains saroman Pusek Informasi Teknologi jo Panalitian, Musium Fauna Indonesia Komodo, Musium Saranggo, Musium Minyak jo Gas, sarato Musium Transportasi.

Musium lain nan tadapek di provinsi ko antaro lain Musium Militer Satria Mandala, Musium Sumpah Pemuda, jo Lubang Buaya.

Kuliner[suntiang | suntiang sumber]

Gado-gado adolah makanan nan tanamo di Jakarta.

Jakarta mamiliaki baragam makanan dan minuman nan tasadio di ratusan pusek makan di provinsi ko, mulai dari lapak kaki limo di jalanan inggo restoran maha babintang limo. Salah satu masakan nan paliang populer antaro lain soto Betawi, nan manganduangi santan jo dagiang sapi. Namun baito, karano Jakarta dianggap sabagai tampek bacampuanyo suku-suku di Indonesia, banyak masakan tradisional dari suku lain nan mudah ditamui di Jakarta. Contohnyo, masakan Padang dari Minangkabau jo masakan Jawa nan murah di warung tegal (warteg) di pinggia jalan. Kuliner lain nan tasadio antaro lain masakan Cino, Japang, Korea, Thai, India, Amerika, Parancih inggo Timua Tangah. [46] Masakan nan populer lainnyo antaro lain kerak telor, gado-gado, sate, nasi goreng jo kue cucur.

Ekonomi, pamarintahan jo infrastruktur[suntiang | suntiang sumber]

Ekonomi[suntiang | suntiang sumber]

Daerah bisnis Rasuna Said di Kuningan

Parekonomian Jakarta sangek bagantuang pado sektor kauangan, padagangan jo manufaktur. Industri di Jakarta tamasuaklah elektronik, otomotif, pamasinan jo manufaktur sains biomedik.

Patumbuahan ekonomi Jakarta pado taun 2007 adolah 6.44%, labiah banyak dari 5.95% pado taun sabalunnyo. Pakambangan nan paliang signifikan tamasuaklah di bidang paubuangan jo angkutan (15.25%), konstruksi (7.81%) jo padagangan, sarato hotel jo restoran (6.88%).[38] Pado 2007, GRP (Gross Regional Domestic Product) mancapai Rp. 566 triliun (labiah kurang $US 56 milya). Panyumbang nan paliang gadang untuak GDRP ko adolah sektor kauangan, kapamalikian jo bisnis (29%); padagangan, hotel jo restoran (20%), jo sektor industri manufaktur (16%).[38] Pado 2007, kanaikan GRDP pakapita di DKI Jakarta adolah sagadang 11.6%.[38]

Pamarintahan[suntiang | suntiang sumber]

Paraturan taun 2007 malarang untuak maagiah sumbangan pado pangamih, pangamen jo padagang jalanan, malarang pamukiman indak sah di pinggia sungai atau jalan tol, sarato malarang maludah atau maisok rokok di transportasi umum. Urang-urang nan mambarasiahan kaco oto tanpa pamintaan/izin atau mamintak pitih dari maarahan aruih lalu-linteh juo akan dikanaian dando. Salah satu kritik nan padeh tahadok paraturan ko baalasan baso paraturan ko sulik ditarapkan jo labiah candaruang pado manulak kanyatoan adonyo kamiskinan di antaro panduduak.[47]

Maniru gagasan nan ditarapkan di Orchard Road, Singapura, pado 2011, pamarintah provinsi mambatehi parkir di Jalan Hayam Wuruk jo Jalan Gajah Mada di Jakarta Pusat. Pamarintah juo manyatoan akan manggusur padagang indak sah jo pangamih di kaduo jalan tu.[48] Dalam palaksanaannyo, larangan-larangan ko hampia indak pernah barasia.

Demografi[suntiang | suntiang sumber]

Taun Populasi
1870 65,000
1875 99,100
1880 102,900
1883 97,000
1886 100,500
1890 105,100
1895 114,600
1901 115,900
1905 138,600
1918 234,700
Taun Populasi
1920 253,800
1925 290,400
1928 311,000
1930 435,184
1940 533,000
1945 600,000
1950 1,733,600
1959 2,814,000
1961 2,906,533
1971 4,546,492
Taun/tanggal Populasi
31 Oktober 1980 6,503,449
31 Oktober 1990 8,259,639
30 Juni 2000 8,384,853
1 Januari 2005 8,540,306
1 Januari 2006 7,512,323
Juni 2007 7,552,444
2010 9,588,198
Kabaragaman etnik di Jakarta manuruik sensus 2000[49]
etnik paratuih
Jawa
  
35.16%
Betawi
  
27.65%
Sunda
  
15.27%
Cino
  
5.53%
Batak
  
3.61%
Minangkabau
  
3.18%
Malayu
  
1.62%
Agamo di Jakarta manuruik sensus 2010[6]
agamo paratuih
Islam
  
85.36%
Protestan
  
7.54%
Katolik
  
3.15%
Buddha
  
3.13%
Hindu
  
0.21%
Konfusianisme
  
0.06%

Sensus 2010 maituang panduduak Jakarta 9.58 juta urang, jauah di ateh pakiroan pamarintah .[50] Laweh wilayah Jakarta adolah 662.33 km2, mangasiakan kapadekan populasi 14,464 urang/km2 dan manjadikan provinsi ko sabagai wilayah urban tapadek kasambilan di dunia.[51] Galombang hijrah urang-urang dari palosok nagara manjadikan program Keluarga Berencana indak efekif.[38]

Populasi wilayah Jabodetabek adolah 28,019,545 urang.[52]

Monumen jo bangunan tanamo[suntiang | suntiang sumber]

Patuang Arjuna Wijaya di Medan Merdeka.
Musajik Istiqlal jo Katedral di lata bulakangnyo.

Sabagian gadang dari monumen jo bangunan-bangunan tanamo di Jakarta dibangun pado maso pamarentahan Soekarno tahun 1960an dan disalasaian dek pamarintahan Soeharto, samantaro nan lain ado nan marupoan warisan dari pamarentahan Hindia Balando. Di dakek Monumen Nasional tadapek sabuah patuang Arjuna Wijaya dari Mahabharata jo aia pancuanyo. Labiah jauah ka salatan ado Monumen Selamat Datang nan tagak di tangah aia pancua Bundaran Hotel Indonesia. Monumen lainnyo adolah Musajik Istiqlal, Katedral Jakarta jo Garejo Imanuel. Batavia Stadhuis di Kota Tua juo marupoan salah satu bangunan nan tanamo. Bangunan Wisma 46 di Jakarta Pusat kini ko adolah bangunan nan paliang tinggi di Jakarta dan Indonesia.

Babarapo patuang jo monumen di Jakarta batema nasionalistik, saroman Monumen Pembebasan Irian Barat. Babarapo pahlawan punyo patuang di Jakarta, sarupo patuang Diponegoro jo Kartini di Medan Merdeka, patuang Sudirman jo Thamrin di bundaran-bundaran kota, dan juo patuang Sukarno jo Hatta di Monumen Proklamasi, sarato di pintu masuak Palabuahan Kapa Tabang Internasional Soekarno-Hatta di Cengkareng.

Palancongan[suntiang | suntiang sumber]

Kabanyakan pangunjuang nan ka Jakarta adolah palancong domestik dari saluruah panjuru Indonesia. Jakarta baparan subagai tampek transit untuak palancong asiang dalam pajalanan manuju destinasi pariwisata unggulan di Indonesia saroman Bali jo Yogyakarta. Salain monumen-monumen, gaba-gaba tanah jo museum sakita Medan Merdeka jo Kota Tua, tampek palancongan di Jakarta tamasuaklah Taman Mini Indonesia Indah, Kabun Binatang Ragunan, Sunda Kelapa jo Taman Impian Jaya Ancol di Teluk Jakarta, tamasuak Dunia Fantasi, Sea World, Atlantis Water Adventure, jo Gelanggang Samudra.

Palancongan manyumbang pandapatan nan indak saketek utuak provinsi ko. Pado taun 2012, sektor palancongan manyumbang sakitar Rp. 2,6 triliun (US$268.5 juta) pado pandapatan asli daerah sajumlah Rp 17,83 triliun, paningkatan sakitar 17,9 paratuih babandiang taun 2011. [53]

Pabalanjoan[suntiang | suntiang sumber]

Jakarta adolah salah satu pusek pabalanjoan di Indonesia dan salah satu tampek nan paliang rancak di Asia Tenggara. Provinsi ko mampunyoi babarapo mal pabalanjoan jo pasa tradisional. "Jakarta Great Sale" diadoan tiok taun pado bulan Juni jo Juli untuak marayoan ulang taun provinsi ko, diikuti dek 73 pusek pabalanjoan pado 2012.[54] Provinsi ko dipanuahi dek puluahan merek internasional jo arago nan murah.

Mall saroman Plaza Indonesia, Plaza Senayan jo Senayan City manyadioan merek-merek nan maha salangik aragonyo. Mall Taman Anggrek, Pondok Indah Mall, Mal Kelapa Gading, jo Central Park Jakarta juo manyadioan merek-merek tanamo sarupo Topshop atau Zara [55]

Pasa swalayan nan tanamo dari Inggirih, Debenhams, mampunyoi tigo cabang di provinsi ko, yaitu di Senayan City, Supermall Karawaci jo Lippo Mall Kemang Village. Toko internasional Sogo dari Japang mambukak sakitar anam cabang di mall-mall provinsi ko. Toko Seibu talatak di Grand Indonesia Shopping Town, dan toko mewah baarago salangik dari Parancih, Galeries Lafayette nio mambukak toko partamonyo di Asia Tenggara, di Pacific Place Jakarta.

Merek-merek tanamo nan mewah samaha patuih aragonyo sarupo Louis Vuitton, Bulgari, Chanel, Gucci, Christian Louboutin, Balenciaga, jo Giorgio Armani bisa ditamui sacaro mudah di pusek-pusek pabalanjoan barang mewah Jakarta.

Koridor Satrio-Casablanca, jalanan supanjang 3,5 km adolah pusek pabalanjoan jalanan (shopping belt) baru di Jakarta.[56]

Pasa tradisional di Jakarta tamasuaklah Blok M, Tanah Abang, Senen, Pasar Baru, Glodok, Mangga Dua, Cempaka Mas, jo Jatinegara. Di Jakarta ado juo pasa nan cumo manjua barang-barang koleksi kusuih nan tatantu, sarupo barang-barang antik di Jalan Surabaya atau batu paramato di Pasar Rawabening.

Catatan[suntiang | suntiang sumber]

  1. ^ Palafalan dalam bahaso Indonesia: Templat:IPA-id.

Rujuakan[suntiang | suntiang sumber]

  1. ^ a b Suryodiningrat, Meidyatama (2007-06-22). "Jakarta: A city we learn to love but never to like". The Jakarta Post. Diarsipan dari nan asli pada 21 Pebruari 2008. http://web.archive.org/web/20080221030541/http://www.thejakartapost.com/yesterdaydetail.asp?fileid=20070622.B10. 
  2. ^ "Travel Indonesia Guide – How to appreciate the 'Big Durian' Jakarta". Worldstepper-daworldisntenough.blogspot.com. 8 April 2008. http://worldstepper-daworldisntenough.blogspot.com/2008/04/go-jakarta-how-to-appreciate-big-durian.html. Diakses pado 27 April 2010. 
  3. ^ "A Day in J-Town". Jetstar Magazine. 1 April 2012. http://www.jetstarmag.com/story/a-day-on-the-j-town/1595/1/. Diakses pado 2 Januari 2013. 
  4. ^ "Jumlah Penduduk Provinsi DKI Jakarta". Dinas Kependudukan dan Catatan Sipil. http://www.kependudukancapil.go.id/index.php?option=com_content&view=article&id=4&Itemid=63. Diakses pado 19 April 2012. 
  5. ^ "The World According to GaWC 2008". Globalization and World Cities Study Group and Network (GaWC). Loughborough University. http://www.lboro.ac.uk/gawc/world2008t.html. Diakses pado 7 Desember 2009. 
  6. ^ a b Sensus Penduduk 2010. Biro Pusat Statistik
  7. ^ "Foke lebih yakin lembaga survei asing". 24 April 2012. http://www.waspada.co.id/index.php?option=com_content&view=article&id=243533:foke-lebih-yakin-lembaga-survei-asing&catid=17:politik&Itemid=30. 
  8. ^ "Sojourn In The Big Durian". ThingsAsian. http://www.thingsasian.com/stories-photos/1532. Diakses pado 14 Maret 2011. 
  9. ^ Sundakala: cuplikan sejarah Sunda berdasarkan naskah-naskah "Panitia Wangsakerta" Cirebon. Yayasan Pustaka Jaya, Jakarta. 31 Agustus 2005. 
  10. ^ Drs. R. Soekmono, (1973, 5th reprint edition in 1988). Pengantar Sejarah Kebudayaan Indonesia 2, 2nd ed.. Yogyakarta: Penerbit Kanisius. p. page 60. 
  11. ^ Sumber-sumber asli sejarah Jakarta, Jilid I: Dokumen-dokumen sejarah Jakarta sampai dengan akhir abad ke-16. Cipta Loka Caraka. 31 Agustus 1999. 
  12. ^ a b "History of Jakarta". BeritaJakarta. http://www.beritajakarta.com/english/AboutJakarta/HistoryofJakarta.asp. 
  13. ^ Ricklefs, M.C. (1993). A History of Modern Indonesia Since c.1300 (edisi ke-2nd). London: MacMillan. p. 29. ISBN 0-333-57689-6. 
  14. ^ Heuken, Adolf (2000). Sumber-sumber asli sejarah Jakarta Jilid II: Dokumen-dokumen Sejarah Jakarta dari kedatangan kapal pertama Belanda (1596) sampai dengan tahun 1619 (Authentic sources of History of Jakarta part II: Documents of history of Jakarta from the first arrival of Dutch ship (1596) to year 1619). Jakarta: Yayasan Cipta Loka Caraka. 
  15. ^ a b c d Witton, Patrick (2003). Indonesia. Melbourne: Lonely Planet Publications. pp. 138–139. ISBN 1-74059-154-2. 
  16. ^ Menteng : Pelopor Kota Taman, 3 November 2007
  17. ^ Colonial Economy and Society, 1870–1940. Source: U.S. Library of Congress.
  18. ^ Governance Failure: Rethinking the Institutional Dimensions of Urban Water Supply to Poor Households. ScienceDirect.
  19. ^ Kusno, Abidin (2000). Behind the Postcolonial: Architecture, Urban Space and Political Cultures. New York City: Routledge. ISBN 0-415-23615-0. 
  20. ^ Schoppert, P. (1997). Java Style. Paris: Didier Millet. ISBN 962-593-232-1. 
  21. ^ "Why ethnic Chinese are afraid". BBC News. 12 February 1998.
  22. ^ "Jakarta". Encyclopædia Britannica Online. Encyclopædia Britannica, Inc. http://www.britannica.com/eb/article-9106450/Jakarta#13148.toc. Diakses pado 17 September 2007. 
  23. ^ Douglas, M. (1989). "The Environmental Sustainability of Development. Coordination, Incentives and Political Will in Land Use Planning for the Jakarta Metropolis". Third World Planning Review 11 (2 pages=pp. 211–238). 
  24. ^ Douglas, M. (1992). "The Political Economy of Urban Poverty and Environmental Management in Asia: Access, Empowerment and Community-based Alternatives". Environment and Urbanization 4 (2): 9–32. doi:10.1177/095624789200400203. 
  25. ^ Turner, Peter (1997). Java (1st edition). Melbourne: Lonely Planet. p. 315. ISBN 0-86442-314-4. 
  26. ^ Sajor, Edsel E. (2003). "Globalization and the Urban Property Boom in Metro Cebu, Philippines". Development and Change 34 (4): 713–742. doi:10.1111/1467-7660.00325. http://www.blackwell-synergy.com/doi/abs/10.1111/1467-7660.00325?cookieSet=1&journalCode=dech. 
  27. ^ Friend, Theodore (2003). Indonesian Destinies. Harvard University Press. p. 329. ISBN 0-674-01137-6. 
  28. ^ Wages of Hatred. Michael Shari. Business Week.
  29. ^ Friend, T. (2003). Indonesian Destinies. Harvard University Press. ISBN 0-674-01137-6. 
  30. ^ Minggu, 19 Juli 2009 – 13:16 WIB. "Daftar Serangan Bom di Jakarta". Poskota. http://www.poskota.co.id/berita-terkini/2009/07/19/daftar-serangan-bom-di-jakarta. Diakses pado 27 April 2010. 
  31. ^ "Jakarta holds historic election ", BBC News, (BBC), 8 Agustus 2007.
  32. ^ "Central Jakarta Profile". The City Jakarta Administration. Jakarta.go.id. http://www.jakarta.go.id/en/pemerintahan/kotamadya/jakpus/default.asp. Diakses pado 19 Desember 2009. 
  33. ^ "West Jakarta Profile". The City Jakarta Administration. Jakarta.go.id. http://www.jakarta.go.id/en/pemerintahan/kotamadya/jakbar/default.asp. Diakses pado 24 Pebruari 2010. 
  34. ^ "South Jakarta Profile". The City Jakarta Administration. Jakarta.go.id. http://www.jakarta.go.id/en/pemerintahan/kotamadya/jaksel/. Diakses pado 19 Desember 2009. 
  35. ^ "East Jakarta Profile". The City Jakarta Administration. Jakarta.go.id. http://www.jakarta.go.id/en/pemerintahan/kotamadya/jaktim/default.asp. Diakses pado 19 Desember 2009. 
  36. ^ "North Jakarta Profile". The City Jakarta Administration. Jakarta.go.id. http://www.jakarta.go.id/en/pemerintahan/kotamadya/jakut/default.asp. Diakses pado 19 Desember 2009. 
  37. ^ ""Thousand Island" Profile". The City Jakarta Administration. Jakarta.go.id. http://www.jakarta.go.id/en/pemerintahan/kotamadya/kepseribu. Diakses pado 19 Desember 2009. 
  38. ^ a b c d e Jakarta in Figures. Statistics DKI Jakarta Provincial Office, Jakarta. 31 Agustus 2008. 
  39. ^ Based on Governor Decree in 2007, No. 171. taken from Statistics DKI Jakarta Provincial Office, Jakarta in Figures, 2008, BPS, Province of DKI Jakarta
  40. ^ "The Tides: Efforts Never End to Repel an Invading Sea". Jakarta Globe. http://thejakartaglobe.com/waterworries/the-tides-efforts-never-end-to-repel-an-invading-sea/320034. Diakses pado 14 Maret 2011. 
  41. ^ Dutch to study new dike for Jakarta Bay | The Jakarta Post
  42. ^ "Climate: Jakarta - Climate graph, Temperature graph, Climate table". Climate-Data.org. http://en.climate-data.org/location/714756/. Diakses pado 20 September 2013. 
  43. ^ "World Weather Information Service - Jakarta". http://worldweather.wmo.int/043/c00310.htm. 
  44. ^ a b Knörr, Jacqueline (2007). Kreolität und postkoloniale Gesellschaft. Integration und Differenzierung in Jakarta. Frankfurt: Campus Verlag. ISBN 978-3-593-38344-6. 
  45. ^ Johnston, Tim. "Chinese diaspora: Indonesia ", BBC News, (BBC), 3 Maret 2005.
  46. ^ By A Yahoo! Contributor, 17 May 2009. "Haveli Indian Cuisine & Bar, Jakarta, Indonesia – Yahoo! Travel". Travel.yahoo.com. http://travel.yahoo.com/p-travelguide-2881278-haveli_indian_cuisine_bar_jakarta-i. Diakses pado 27 April 2010. 
  47. ^ "Jakarta bans beggars and buskers" BBC, 11 September 2007. Diakses 5 November 2013
  48. ^ Jakarta's Hayam Wuruk, Gajah Mada to follow Orchard Road model | The Jakarta Post
  49. ^ Indonesia's Population: Ethnicity and Religion in a Changing Political Landscape. Institute of Southeast Asian Studies. 2003. ISBN 9812302123
  50. ^ "After census city plans for 9.5 million". The Jakarta Post
  51. ^ BRT – CASE STUDY 5 – Annex 5 Case Studies and Lessons – Module 2: Bus Rapid Transit (BRT): Toolkit for Feasibility Studies. Sti-india-uttoolkit.adb.org. Retrieved 12 June 2011.
  52. ^ "Publikasi Provinsi dan Kabupaten Hasil Sementara SP2010". Bps.go.id. http://www.bps.go.id/aboutus.php?hasilSP2010=1. Diakses pado 14 Maret 2011. 
  53. ^ "Jakarta builds for the future". TTGmice. http://www.ttgmice.com/article/jakarta-builds-for-the-future/. Diakses pado 15 April 2013. 
  54. ^ "Jakarta Great Sale declared roaring success". The Jakarta Post. 15 Juli 2012. http://www.thejakartapost.com/news/2012/07/15/jakarta-great-sale-declared-roaring-success.html. Diakses pado 21 Juli 2012. 
  55. ^ "Jakarta Malls and Shopping Centers – luxury shopping in Jakarta, Indonesia". Expat.or.id. http://www.expat.or.id/info/jakartamallsshoppingcenters.html. Diakses pado 27 April 2010. 
  56. ^ "Jalan Satrio Dijadikan "Shopping Belt" Jakarta". Kompas.com, 20 Maret 2009