Whulandary Herman

Wikipedia Minangkabau - Lubuak aka tapian ilimu
Whulandary Herman
Lahia
Whulandary Herman

26 Juni 1989 (umua 34)
Pariaman, Sumatra Barat
PandidikanSMA Negeri 2 Padang[1]
Sekolah Tinggi Ilmu Hukum IBLAM
KarojoParagawati, presenter, aktris
TitlePuteri Indonesia Favorit Kepulauan Sumatra 2013
Puteri Indonesia 2013
PasanganNik Ibrahim (m. 2018–kini) «Parameter salah (harus 1 — 12) 2018 (2018-start:) »"Marriage: Nik Ibrahim to Whulandary Herman" Location: (linkback://min.wikipedia.org/wiki/Whulandary_Herman)
AnakNik Zayn Nik Ibrahim
Nik Siti Amilie

Whulandary Herman (lahia di Pariaman, 26 Juni 1989; umua 34 taun)[3] adolah saurang paragawati jo pambao acara bakabangsoan Indonesia. Inyo marupokan pamanang kontes kacantikan Puteri Indonesia 2013 parwakilan dari Sumatra Barat. Whulan adolah Puteri Indonesia kaduo nan barasa dari Sumatra Barat, satalah Melanie Putria, nan manjadi pamanang pado taun 2002. Whulan sato mawakili Indonesia di kontes Miss Universe 2013 nan diadoan di Moskow, Rusia, nan barhasil masuak 16 besar.[4]

Kahidupan jo karier[suntiang | suntiang sumber]

Whulan lahia jo gadang di Sumatra Barat. Inyo adolah anak kaduo dari pasangan Rahmat Saleh jo Yetty Marsanti. Apaknyo barasa dari Padang Panjang, sadang amaknyo barasa dari Pariaman. Sajak ketek, inyo alah manyukoi dunia mode. Whulan manamekan SMA di Padang. Pado taun 2007, inyo mamutuihan marantau ka Jakarta untuak bakarier di dunia modeling.[1]

Karier Whulan di dunia paragawati bamulo salapeh ikuik kontes Wajah Femina 2008. Pado bulan Februari 2010, inyo manjuarai Asian Top Model of the Year 2010 pado Fashion Asia Award nan diadokan di Hangzhou, Cino. Inyo mangalahan tigo paserta lainnyo nan barasa dari Vietnam, Cino, jo Mongolia. Sabalumnyo, inyo parnah manjadi juara tigo jo The Best Catwalk di International Model of the Year 2009 di Korea Salatan. Salapeh itu, karier Whulan malambuang sabagai paragawati.[5]

Kontes kacantikan[suntiang | suntiang sumber]

Puteri Indonesia 2013[suntiang | suntiang sumber]

Pado tanggal 1 Februari 2013, Whulan tapiliah sabagai Puteri Indonesia 2013. Dalam kontes tu, Whulan mandapek duo gala sakaligus, yaitu Puteri Indonesia 2013 jo Puteri Indonesia Favorit Kapulauan Sumatra.[6] Whulan jo 37 paserta lainnyo dari 33 provinsi di Indonesia basaing mamparabuikan gala iko. Inyo adolah padusi kaduo dari Sumatra Barat nan manjadi Puteri Indonesia. Nan partamo adolah Melanie Putria pado taun 2002. Sabagai pamanang, Whulan berhak mawakili Indonesia di kontes Miss Universe 2013.[7]

Miss Universe 2013[suntiang | suntiang sumber]

Whulan ikuik kontes Miss Universe 2013 di Moskow, Rusia, pado tanggal 9 Nopember 2013. Dalam kontes iko, Whulan balomba jo 86 pasarta lainnyo dari saluruah dunia dan lolos manjadi 16 besar, sarato manjadi juara tigo Best National Costume. Whulan adolah Puteri Indonesia kaduo nan lolos ka babak 16 besar Miss Universe, nan partamo adolah Artika Sari Devi pado taun 2005.[8]

Karier lainnyo[suntiang | suntiang sumber]

Salain dunia mode, Whulan suko pulo manulih. Tulisannyo alah ditabikan dek majalah-majalah sarupo Gadis, Femina, Kartini, Bazar, dan lainnyo.[1] Hobi manulihnyo iko akhianyo babuah jo diluncuannyo buku biografi inyo pado bulan Juni 2014.[9]

Salapeh Puteri Indonesia, Whulan bakiprah pulo di dunia hiburan Indonesia. Inyo pernah manjadi presenter acara infotainmen Insert Pagi di stasiun TV Trans TV jo manjadi pambao acara program wisata nan ditayangan di sabuah kanal YouTube.[9]

Kahidupan pribadi[suntiang | suntiang sumber]

Sahari-hari, Whulan manyukoi manulis, fotografi, manyalam, jo yoga. Inyo parnah tacatat sabagai mahasiswi di Fakultas Ilmu Komunikasi Universitas Paramadina, tapi maundurkan diri dan akhianyo malanjuikan ka Sekolah Tinggi Ilmu Hukum IBLAM.[10][11]

Whulan manikah jo saurang pangusaho bakawarganegaraan Malaysia pado taun 2018. Dari parnikahan itu, inyo mampunyoi duo urang anak laki-laki.[12]

Prestasi[suntiang | suntiang sumber]

  • The Best Catwalk Covergirl Aneka Yess! 2002
  • Best Model Top Model Indonesia 2002
  • Juara 2 Pemilihan Wajah Femina 2008
  • Runner Up ke-3 dan Best Catwalk di ajang International Model of the Year 2010 di Seoul, Korea Salatan (diikuiki 34 negara)
  • Juara 1 Asia Top Model 2010 di Cino (diikuti babarapo negara Asia)
  • Puteri Indonesia Sumatra Barat 2013
  • Puteri Indonesia 2013
  • Top 11 Miss Universe 2013
  • Runner-up 3 Best National Costume Miss Universe 2013

Filmografi[suntiang | suntiang sumber]

Film[suntiang | suntiang sumber]

Taun Judul Peran Katarangan
2015 Bidadari Terakhir Eva
Hantu Kuburan Tua Laura
2016 Will You Marry Me Stefanie

Acara Televisi[suntiang | suntiang sumber]

Taun Judul/Program Peran Saluran
2014 Insert Pagi Host Trans TV

Pangharagoan jo nominasi[suntiang | suntiang sumber]

Taun Pangharagoan Kategori Karya yang dinominasikan Hasil
2015 Piala Maya Aktris Pendatang Baru Terpilih Bidadari Terakhir Manang

Rujuakan[suntiang | suntiang sumber]

  1. ↑ a b c "Whulandary Ingin Banggakan Sumbar". harianhaluan.com. 8 Desember 2014. Diarsipkan dari versi asli tanggal 2014-12-08. Diakses tanggal 5 Januari 2024. 
  2. ↑ "Miss Indonesia Universe 2013 Official Ranked Top 11". Diarsipkan dari versi asli tanggal 2018-05-15. Diakses tanggal 5 Januari 2024. 
  3. ↑ "Profil Whulandary Herman". kapanlagi.com. Diakses tanggal 5 Januari 2024. 
  4. ↑ "Profil Whulandary Herman Putri Indonesia Bela Palestina, Berhasil Raih Top 11 Miss Universe 2013". tribunnews.com. 2 November 2023. Diakses tanggal 5 Januari 2024. 
  5. ↑ "Wajah Femina: Whulandari". wajahfemina.co.id. Diarsipkan dari versi asli tanggal 2013-02-05. Diakses tanggal 5 Januari 2024. 
  6. ↑ "Inilah Hasil Lengkap Grand Final Puteri Indonesia 2013". tribunnews.com. 2 Februari 2013. Diakses tanggal 5 Januari 2024. 
  7. ↑ "Puteri Indonesia ikuti Miss Universe 2013 di Moskow". antaranews.com. 21 Oktober 2013. Diakses tanggal 5 Januari 2024. 
  8. ↑ "Whulandary tembus top 16 dan posisi 4 Best National Costume". liputan6.com. 11 November 2013. Diakses tanggal 5 Januari 2024. 
  9. ↑ a b "Whulandary Herman Menulis Buku Biografi". tempo.co. 18 Juni 2014. Diakses tanggal 5 Januari 2024. 
  10. ↑ "PDDikti - Pangkalan Data Pendidikan Tinggi". pddikti.kemdikbud.go.id. Diakses tanggal 5 Januari 2024. 
  11. ↑ "Profil Alumnus IBLAM School of Law: Whulandary Herman". iblam.ac.id. 7 September 2023. Diakses tanggal 5 Januari 2024. 
  12. ↑ "Whulandary Lahirkan Anak Kedua". kapanlagi.com. 1 Februari 2021. Diakses tanggal 5 Januari 2024. 

Pautan lua[suntiang | suntiang sumber]

Jejaring sosial

Pangharagoan dan prestasi
Didaului jo:
Maria Selena 		Puteri Indonesia
2012-2013 		Digantian dek:
Elvira Devinamira
Pangharagoan dan prestasi
Didaului jo:
Annisa Ananda Nusyirwan 		Templat:Country data Sumatra Barat
Puteri Indonesia Sumatra Barat
2012-2013 		Digantian dek:
Raisa Adila Andomi
Diambiak dari "https://min.wikipedia.org/w/index.php?title=Whulandary_Herman&oldid=3148443"