Instagram

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Instagram
Instagram logo 2016.svg
Instagram logo.svg
ParancangKevin Systrom, Mike Krieger (Burbn, Inc.)
PangambangFacebook
Rilis awal6 Oktober 2010; 11 tahun nan lalu (2010-10-06)
Sistim operasiiOS, Android, Windows 10 Mobile, Windows 10
Ukuran~165,1 MB (iOS), ~34,18 MB (Android)
Katasadioan bahaso36 bahasa (Android), 29 bahasa (iOS) [1]
LisensiPerangkat lunak gratis
Paringkek AlexaTemplat:IncreaseNegative 16 (Global, Mei 2019)[2]
Situs web rasmiInstagram.com

Instagram (disingkek IG atau Insta[3]) adolah sabuah aplikasi babagi poto jo vidio nan mamungkinan panggunonyo maambiak poto, maambiak vidio, ma'agiah filter digital, jo mambagiannyo ka babagai layanan jejariang sosial, tamasuak instagram surang.[4] Ciek fitur nan unik di Instagram ko iolah mamotong poto manjadi bantuak persegi, sahinngo taliek sarupo hasil kamera kodak instamatic jo polaroid. Hal iko babeda jo rasio aspek 4:3 atau 16:9 nan umum digunoan dek kamera pado peranti manggarik.

Instagram dapek digunoan di iPhone, iPad atau iPod Touch versia apopun dengan sistim operasi iOS 7.0 atau nan tabaru, talepon ganggam Android apopun jo sistim operasi versi 2.2 (Froyo) ka ateh, jo Windows Phone 8. Aplikasi iko dapek diunduah malalui Apple App Store jo Google Play.[5]

Pado tanggal 9 April 2012, diumuman bahwasanyo Facebook satuju ma'ambiak aliah Instagram dengan nilai sakitar $1 miliar.[6]

Sejarah[suntiang | suntiang sumber]

Burbn,Inc[suntiang | suntiang sumber]

parusahaan Burbn, Inc. tagak pado taun 2010, parusahaan teknologi startup nan hanyo bafokus kapado pagambangan aplikasi untuak talepon ganggam. Pado awalnyo Burbn, Inc. hanyo banyak fokus ka HTML5 piranti manggarik, tapi kaduo CEO, Kevin Systrom jo Mike Krieger mamutuihan untuak labiah fokus pado ciek hal sajo. Sasudah ciek minggu inyo mancubo untuak mambuek ciek ide nan rancak, pado akhirnyo inyo mambuek sabuah versi partamo dari Burbn, namun didalamnyo masih ado babarapo hal nan alum samparono. Versi Burbn nan alah final, aplikasi nan alah dapek digunoan iPhone nan isinyo talalu banyak jo fitur-fitur. Sulik dek Kevin Systrom jo Mike Krieger untuak manguranggi fitur-fitur nan ado, dek bakitu dimulai baliak dari awal, tapi akhirnyo inyo hanyo fokus pado bagian poto, komentar, jo kamampuan untuak manyukoi sabuah poto. Itulah nan akhirnyo manjadi Instagram.[7]

Namo Instagram[suntiang | suntiang sumber]

Instagram barasa dari pangertian dari kasadoalah fungsi aplikasi iko. Kato "insta" barasa dari kato "instan", sarupo kamera polaroid nan pado masonyo labiah dikenal jo sabuikan "poto instan". Instagram juo dapek manampakan poto-poto sacaro instan, sarupo polaroid didalam tampilannyo. Sadangkan untuak kato "gram" barasa dari kato "telegram" nan caro karajonyo untuak mangiriman informasi kapado urang lain sacaro capek. Samo halnyo jo Instagram nan dapek mangunggah poto dengan mangunoan jaringan internet, sahinggo informasi nan ka disampaian dapek ditarimo sacaro capek. Dek karano tuh instagram marupokan lakuran dari kato instan jo telegram.[8]

Pado tanggal 9 April 2012, diumuman bahwasanyo instagram akan diambiah aliah dek Facebook sanilai hampia $1 miliar dalam bantuak tunai jo saham.[9][10]

Pado tanggal 11 mai 2016, Instagram mampakenalan tampilan baru sakaligus ikon baru jo disain aplikasi baru. Tainspirasi dek ikon sabalumnyo, ikon baru marupokan kamera sederhana dan pelangi hiduik dalam bantuak gradien.[11]

Fitur-fitur Instagram[suntiang | suntiang sumber]

Pangikuik[suntiang | suntiang sumber]

sistim sosial di dalam Instagram adolah dengan manjadi pangikuik akun pangguno lainnyo, atau mamiliku pangikuik Instagram. Dek bakitu komunikasi antaro sasamo pangguno Instagram dapek tajalin dengan maagiah tando suko dan juo mangomentari poto-poto nan alah diunggah dek pangguno lainnyo. Pangikuik juo manjadi salah ciek unsur pantiang, dan jumlah tando suko dari para pangikuik sangek mampangaruhi apokah poto tasabuik dapek manjadi sabuah poto nan populer atau indak. Untuak manamuan kawan-kawan nan ado di dalam Instagram, dapek mangunoan kawan-kawan inyo nan juo alah mangunoan Instagram malalui jejariang sosial sarupo Twitter dan juo Facebook.

Mangunggah poto[suntiang | suntiang sumber]

Kagunoan utamo dari Instagram adolah sabagai tampek untuak mangunggah jo babagi poto-poto kapado pangguno lainnyo. Poto nan ingin diunggah dapek diparoleh malalui kamera di iDevice ataupun poto-poto nan ado di album poto di iDevice tasabuik.

Kamera[suntiang | suntiang sumber]

Poto nan alah diambiak malalui aplikasi Instagram dapek disimpan di dalam iDevice tasabuik. Panggunoan kamera malalui Instagram juo dapek langsuang manggunoan efek-efek nan ado, untuak mangatur pewarnaan dari poto nan dikahandak dek sang pangguno. Ado juo efek kamera tilt-shift nan fungsinyo adolah untuak mamfokusan sabuah poto pado ciek titiak tatantu. Sasudah poto diambiak malalui kamera di dalam Instagram, poto tasabuik juo dapek diputa arahnyo sasuai jo kaingginan para pangguno.[12]

Poto-poto nan akan diunggah malalui Instagram indak tabateh ka jumlah tatantu, namun Instagram mamiliki katabatehan ukuran untuak poto. Ukuran nan digunoan didalam Instagram adolah dengan rasio 3:2 atau hanyo sabateh babantuak kotak sajo. Para pangguno hanyo dapek mangunggah poto jo format itu sajo, atau harus manyuntiang poto tasabuik talabiah dahulu untuak manyasuaian format nan ado. Sasudah para pangguno mamiliah ciek poto untuak diunggah didalam Instagram, mako pangguno akan dibawok ka halaman salanjuiknyo untuak manyuntiang poto tasabuik.

Efek poto[suntiang | suntiang sumber]

Pado versi awalnyo, Instagram mampunyoi 15 efek poto nan dapek digunoan dek para panggunonyo pado saat mereka ka manyuntiang poto. Efek tasabuik tadiri dari: X-Pro II, Lomo-fi, Earlybird, Sutro, Toaster, Brannan, Inkwell, Walden, Hefe, Apollo, Poprockeet, Nashville, Gotham, 1977, jo Lord Kelvin.[13] Pado tanggal 20 September 2011, Instagram alah manambahan 4 buah efek tabaru, yaitunyo Valencia, Amaro, Rise, Hudson, jo mahapus 3 efek, Apollo, Poprockeet, jo Gotham. Dalam pa'aplikasian efek, para pangguno juo dapek mahilangan bingkai-bingkai poto nan alah tamasuak didalam efek tasabuik.

Fitur lainnyo nan ado pado bagian payuntiangan adolah tilt-shift nan fungsinyo samo jo efek kamera malalui Instagram, yaitu untuak mamfokusan ciek titiak pado sabuah poto, dan sakaliliangnyo manjadi buram. Dalam panggunoannyo aplikasi tilt-shift mampunyoi 2 bantuak, yaitunyo pasegi panjang jo bulek. Kaduo bantuak tasabuik dapek diatur gadang jo keteknyo dengan titiak fokus nan diinginan. Tilt-shift juo mangatur rupo poto di sakaliliang titiak fokus tasabuik, sahinggo para pangguno dapek mangatur tingkek kaburaman pado sakaliliang titiak fokus dalam poto tasabuik.[14]

Judul poto[suntiang | suntiang sumber]

Sasudah poto tasabuik disuntiang, mako poto akan dibawok ka halaman salanjuiknyo, poto akan diunggah ka dalam Instagram ataupun ka jejariang sosial lainnyo. Didalamnyo indak hanyo ado pilihan untuak mangunggah pado jejariang sosial atau indak, tetapi juo untuak mamasuakan judul poto, para pangguno dapek mamasuakan judul untuak manamoi poto tasabuik sasuai jo apo nan ado dipikiran para pangguno. Judul-judul tasabuik dapek digunoan pangguno untuak manyinguang pangguno Instagram lainnyo dengan mancantuman namo akun dari urang tasabuik. Para pangguno juo dapek ma'agiah label pado judul poto tasabuik, sabagai tando untuak mangalompokan poto tasabuik didalam sabuah kategori.

Arroba[suntiang | suntiang sumber]

Saroman Twitter jo Facebook, Instagram juo punyo fitur nan dapek digunoan panggunonyo untuak manyabuik pangguno lainnyo dengan manambahan tando arroba (@) dan mamasuakan namo akun instagram dari pangguno tasabuik. Para pangguno indak hanyo dapek manyabuik pangguno lainnyo di dalam judul poto, malainkan juo pado bagian nan lainnyo dimakasuikan untuak bakomunikasi jo pangguno nan alah disingguang tasabuik.[15]

Label poto[suntiang | suntiang sumber]

Label dalam Instagram adolah sabuah kode nan mamudahan para panggunonyo untuak mancari poto tasabuik manggunoan "kato kunci". Bilo para pangguno maagiah label pado sabuah poto, mako poto tasabuik dapek labiah murah untuak ditamuan. Label dapek digunoan dalam sagalo bantuak komunikasi yang basangkuikan jo poto itu. Para pangguno dapek mamasuiakan namonyo surang, tampek pangambilan poto tasabuik, untuak mambaritakan sabuah acara, untuak manadoan bahwa poto tasabuik dihasilkan oleh anggota komunitas Instagram. Poto nan alah diunggah dapek dicantuman label nan sasuai jo informasi nan basangkutan jo poto. Pado saat kini ko, label adolah caro taelok jikok pangguno ingin mampromosian poto didalam Instagram.

Perlombaan[suntiang | suntiang sumber]

Sebagai sabuah media untuak mangunggah poto, ciek lai kagunoan Instagram iolah sabagai ajang lomba potografi. Didalam palombaan iko, para panyelenggara lomba manggunoan tando label untuak manandoan bahwa poto nan alah diunggah tasabuik alah mangikuti lomba tasabuik. Sabuah palombaan poto malalui Instagram adolah salah ciek caro untuak mambuek sabuah produk labiah dikenal dek masyarakat luweh. Panyelenggara juo maagiah jangko wakatu tatantu bia makin banyak pangguno nan mangikuti parlombaan tasabuik. Pado umumnyo, parlombaan nan diadokan indak hanyo maagiah hadiah, tapi juo pangguno akan manjadi labiah terkenal jikok manjadi pamenang. Hal iko mamungkinan pangikuik Instagram akan batambah.[16]

Publikasi kagiatan sosial[suntiang | suntiang sumber]

Sabagaimano kagunoan media sosial lainnyo, Instagram manjadi sabuah media untuak mambaritahukan suatu kagiatan sosial dengan cakupan nan luweh. Caro nan digunoan untuak mangikuti hal iko adolah jo manggunoan label Instagram. Dengan mangunoan label nan mambahas mangenai kagiatan sosial, mako makin banyak masyarakat nan mangikuti hal tasabuik. Dek bakitu Instagram manjadi salah ciek alek promosi nan elok dalam manyampai'an kagiatan ko. Contohnyo sarupo pado label #thisisJapan nan dapek manarik parhatian para masyarakat Internasional untuak mambantu bancana alam nan tajadi di Japang.[17]

Geotagging[suntiang | suntiang sumber]

Sasudah mamasuak'an judul poto , bagian salanjuiknyo adolah bagian Geotag. Bagian iko muncua katiko pangguno iDevice mangaktifan GPS. Dengan tuh iDevice manditeksi lokasi pangguno Instagram tasabuik barado. Geotagging iolah identifikasi metadata geografis dalam situs web ataupun poto.[18] Dengan geotag, para pangguno dapek taditeksi lokasi inyo katiko maambiak poto atau tampek poto tasabuik alah diunggah.

Jejaring sosial[suntiang | suntiang sumber]

Dalam babagi poto, para pangguno juo indak hanyo dapek mambaginyo di dalam Instagram sajo, malainan poto tasabuik dapek dibagi juo malalui jejaring sosial lainnyo sarupo Facebook, Twitter, Foursquare, Tumblr, jo Flickr nan tasadio di halaman Instagram untuak mambagi poto tasabuik.[19]

Tando suko[suntiang | suntiang sumber]

Instagaram juo mampunyoi sabuah fitur tando suko nan fungsinyo samo jo nan disadio'an dek Facebook, yaitunyo sabagai panando bahwa pangguno nan lain manyukoi poto nan alah diunggah. Badasarkan durasi wakatu jo jumlah suko pado sabuah poto di dalam Instagram, hal itulah nan manjadi faktor khusus nan mampangaruhi poto tasabuik terkenal. Bilo sabuah poto manjadi terkenal, mako sacaro langsuang poto tasabuik akan masuak ka dalam halaman popular surang.

Popular[suntiang | suntiang sumber]

Bilo sabuah poto masuak ka dalam halaman popular, nan marupokan tampek kumpulan dari poto-poto popular dari saluruah dunia pado saat itu. Sacaro indak langsuang poto tasabuik akan manjadi suatu hal yang dikenal o

Rujuakan[suntiang | suntiang sumber]

  1. "How do I change my language settings?". Instagram. Diakses tanggal December 6, 2018. 
  2. "Instagram.com Traffic, Demographics and Competitors - Alexa". www.alexa.com (dalam bahasa Inggris). Diakses tanggal 08 May 2019. 
  3. For example: Edwards, Erica B.; Esposito, Jennifer (2019). "Reading social media intersectionally". Intersectional Analysis as a Method to Analyze Popular Culture: Clarity in the Matrix. Futures of Data Analysis in Qualitative Research. Abingdon: Routledge. ISBN 9780429557002. Retrieved May 7, 2020. "Instagram (IG) is a photo sharing app created in October of 2010 allowing users to share photos and videos."
  4. Frommer, Dan (1 November 2010). "Here's How To Use Instagram". Business Insider. Diakses tanggal 20 Mei 201
  5. "Instagram comes to Android, available to download now".
  6. "Facebook to Acquire Instagram". Facebook. 9 April 2012. Diakses tanggal 9 April 2012.
  7. Via Adrian Aoun (8 Oktober 2010). "What is the history of Instagram?". Quora. Diakses tanggal 25 September 2011.
  8. "About Us". Instagram. Diakses tanggal 25 September 2011.
  9. Upbin, Bruce (April 9, 2012). "Facebook Buys Instagram For $1 Billion. Smart Arbitrage". Forbes. Diakses baliak April 22, 2017.
  10. Rusli, Evelyn M. (April 9, 2012). "Facebook Buys Instagram for $1 Billion". The New York Times. diakses baliak April 22, 2017.
  11. Newton, Casey (April 26, 2016). "Instagram is testing a new black-and-white design". The Verge. DIakses baliak April 24, 2017.
  12. PU. "Revamped Instagram 2.0 Hits the App Store: With New Filters, Live Effects, and High Resolution Save". Appotography. Diakses tanggal 25 September 2011.
  13. Becca Caddy (21 Juni 2011). "Why is Instagram So Popular?". The Future is Entertaining. Diarsipkan dari versi asli tanggal 2011-10-06. Diakses tanggal 25 September 2011.
  14. Marc Flores (11 Maret 2011). "Instagram for iPhone updated with new features and effects". Into Mobile. Diakses tanggal 25 September 2011.
  15. Phil Gonzales (31 Januari 2011). "Instagram 6.0 (english): How to use Hastags in Instagram?". Instagramers. Diakses tanggal 25 September 2011.
  16. "How to Host A Photo Contest on Instagram". Blog Instagram. Diarsipkan dari versi asli tanggal 2011-11-04. Diakses tanggal 25 September 2011.
  17. Phil Gonzalez (9 Agustus 2011). "#thisisjapan – Asocial media charity photo book for Tohoku Japan". Instagramers. Diakses tanggal 25 September 2011.
  18. "Geotagging dan GPS Photo Link". Edypurnomo.net. Diakses tanggal 25 September 2011.
  19. "Instagram is Quickly Becoming the Next Great Social Network". Splatf. 4 Agustus 2011. Diakses tanggal 25 September 2011.