Moskow

Wikipedia Minangkabau - Lubuak aka tapian ilimu
Moskwa
Москва (abjad Rusia)
Markah tanah di Kota Moskow, saarah jarum jam dari kanan ateh: Manara Spasskaya; Moscow International Business Center (MIBC); Lapangan Merah jo Katedral Saint Basil; Universitas Negeri Moskow; jo Katedral Kristus Panyalamaik (Christ The Savior).
Markah tanah di Kota Moskow, saarah jarum jam dari kanan ateh: Manara Spasskaya; Moscow International Business Center (MIBC); Lapangan Merah jo Katedral Saint Basil; Universitas Negeri Moskow; jo Katedral Kristus Panyalamaik (Christ The Savior).
Nagara Rusia

Moskow atau Moskwa (Rusia, Moskva) adolah ibu kota Rusia jo pusek politik, ekonomi, budaya, sarato sains utamo sakali di nagara tu. Moskow adolah kota bapanduduak tabanyak di Rusia jo Eropa sarato manjadi kawasan urban paliang gadang ka-6 di dunia.[1][2] Manuruik sensus taun 2010, Moskow bapanduduak sabanyak 11,5 juta jiwa. Samanjak wilayah kota ko dipalaweh ka arah barat daya ka kawasan Oblast Moskow, wilayahnyo batambah laweh 2,5 kali lipek, dari 1.000 km2 manjadi 2.500 km2, jo tambahan panduduak labiah dari 230.000 urang.[3] Manuruik Forbes, pado taun 2011, Moskow marupokan kota nan paliang banyak diuni dek urang-urang paliang kayo di dunia.[4]

Kota ko partamo kali disabuik kabaradoannyo pado taun 1147. Sabalunnyo, Moskow juo panah manjadi ibu kota Katsaran Rusia inggo dipindahan dek Pyotr nan Aguang pado maso Kakaisaran Rusia ka Sankt-Peterburg, sabuah kota baru nan dibangun di pasisia Lauik Baltik nan dirabuik dari Swedia sasudah kalah parang malawan Rusia. Pasca-Revolusi Oktober, dek prakarsa Vladimir Lenin, Moskow baliak manjadi ibu kota Rusia jo Uni Soviet sakali sajak 19221991.

Kota Moskow sabagai kota tagadang dan tadingin di wilayah paliang utara dunia.[rujuakan?] Kota ko dilayani dek jaringan transportasi nan taseba di saluruah panjuru kota, tamasuak di dalamnyo ampek labuahan udaro internasional, sambilan stasiun kareta api, jo sistem kareta api bawah tanah nan jumlah panompangnyo anyo kalah dari Tokyo jo Seoul. Sistem kareta api bawah tanahnyo ko juo marupokan salah satu markah tanah kota ko salain Kremlin jo Katedral Santo Basil dek arsitektur 194 stasiunnyo nan baragam. Moskow jadi salah satu kota tamaha di dunia. Kota ko jadi pusek tujuan wisata di Rusia jo kota paliang banyak palancong di banua Eropa.[rujuakan?]

Rujuakan[suntiang | suntiang sumber]

  1. "Moscow Population 2011 - The Russia Blog". Siberian Light. Diakses tanggal 12 Maret 2013. 
  2. "The Most Populous Cities in Europe - Top 100". Blatantworld.com. Diarsipkan dari versi asli tanggal 2012-12-18. Diakses tanggal 12 Maret 2013. 
  3. Expansion of Moscow Borders to Help It Develop Harmonically ITAR-TASS, 1 Juli 2012.
  4. Ody, Elizabeth (10 Maret 2011). "Carlos Slim Tops Forbes List of Billionaires for Second Year". Bloomberg. Diakses tanggal 1 Juni 2011.