Mongolia

Mongolia (bahaso Mongol: Монгол Улс) adolah sabuah nagara nan takuruang daratan di Asia Timur; babatehan jo Rusia di sabalah utara, jo Republik Rakyaik Cino di selatan. Mongolia marupokan pusek Kakaisaran Mongol pado abaik ka-13 tapi dikuasoi dek Dinasti Qing sajak akhia abaik ka-17 inggo sabuah pamarintah mardeka dibantuak jo bantuan Uni Soviet pado 1921. Akan tetapi, kamardekaan Mongolia indak diakui Cino sampai taun 1949. Salapeh Kumunih manguasoi Cino daratan, Cino akhianyo maakui kamardekaan Mongolia. Sasudah karuntuahan Uni Soviet, Mongolia maanuik aliran demokrasi. Jo laweh wilayah nan sabandiang jo Alaska sabagian gadang wilayah Mongolia mampunyoi tanah nan kariang kabanyakan wilayah barupo padang rumpuik jo pagunuangan di bagian barat jo utara sarato Gurun Gobi di selatan. Mayoritas panduduaknyo baetnis Mongol nan maanuik agamo Buddha Tibet jo iduik nomad.