Teknologi pertanian

Wikipedia Minangkabau - Lubuak aka tapian ilimu
Aplikasi teknologi pertanian dalam pamanenan kantang

Teknologi pertanian adolah panerapan dari ilmu-ilmu terapan jo teknik pado kagiatan pertanian.

Definisi ilmiah[suntiang | suntiang sumber]

Teknologi pertanian marupoan panarapan prinsip-prinsip matematika jo ilmu pengetahuan alam dalam rangko pandayagunoan sacaro ekonomis sumber daya pertanian jo sumber daya alam untuak kasajahteraan manusia.[1]

Falsafahnyo teknologi pertanian marupoan praktik-empirik nan basifaik pragmatik finalistik, dilandasi paham mekanistik-vitalistik dengan panekanan pado objek formal karekayasaan dalam pambuatan jo panarapan paralatan, bangunan, lingkungan, sistem produksi sarato pangolahan jo pangamanan hasia produksi.[2] Objek formal dalam ilmu pertanian budidaya reproduksi barado dalam fokus budidaya, pamaliharoan, pamungutan hasia dari flora jo fauna, paningkatan mutu hasia panen nan diparoleh, pananganan, pangolahan, jo pangamanan sarato pemasaran hasia.[1] Oleh karano itu, sacaro lueh cakupan teknologi pertanian maliputi babagai panerapan ilmu teknik pado cakupan objek formal dari budidaya sampai pamasaran.[3]

Sijarah Pendidikan Teknologi Pertanian[suntiang | suntiang sumber]

Bidang teknologi pertanian sacaro keilmuan marupoan hibrida dari ilmu teknik jo ilmu pertanian. Sejarah lahianyo ilmu-ilmu dalam lingkup teknologi pertanian dipicu dek kabutuhan untuak pamanuahan pambukaan jo pangarajoan lahan pertanian sacaro lueh di Amerika Serikat maupun eropa pado patangahan abaik ka-18. Pakambangan pendidikan tinggi teknologi pertanian di Indonesia yang dimulai awa tahun 1960-an indak talapeh dari pakambangan pendidikan tinggi teknik jo pertanian sajak zaman pandudukan Balando nan memang sacaro historis malatakkan dasarnyo di Indonesia. Parang dunia I nan tajadi di Eropa alah manyababan gangguan hubungan internasional antaro lain, armada suliik untuak masuak ka Samudra Hindia sahinggo tanago-tanago ahli nan sabalumnyo banyak didatangkan dari Eropa mangalami kasulitan. Pancetakan tanago ahli teknik manangah jo tinggi (baiak untuak bidang teknik jo pertanian) manjadi kabutuahan dek pamarintah Hindia Belanda pado wakatu panduduakan di Indonesia. Untuak mancukupi kabutuahan tanago tarampil bidang pertanian, peternakan jo perkebunan nan sacaro intensif dilakukan dek Pemerintah Hindia Belanda di Jawa jo Sumatra dalam program cultur stelseels pado awa abaik ka-19. Untuak mamanuhi kabutuahan tasabuik, mako di Bogor (Buitenzorg) didirian babarapo lembaga pendidikan manangah untuak bidang pertanian jo kedokteran hewan, yaitunyo Middlebare Landbouw Schooll, Middlebare Bosbouw Schooll jo Nederlandssch Indische Veerleeen Schooll.[1]

Lingkup Teknologi Pertanian[suntiang | suntiang sumber]

Teknik Pertanian[suntiang | suntiang sumber]

Mesin pemanen padi pada lahan kering

Teknik pertanian marupoan pendekatan teknik (engineering) sacaro lueh dalam bidang pertanian nan sangaik dibutuhkan untuak malakukan transformasi sumber daya alam sacaro efisien jo efektif untuak pamanfaatannyo dek manusia. Dengan demikian dalam sistematika kailmuan, bidang teknik pertanian tetap batumpu pado bidang ilmu teknik untuak mamacahkan babagai pamasalahan di bidang pertanian.[4] Terminologi teknik pertanian sabagai padanan Agricultural Engineering dipakenalkan di Indonesia pado paruah 1990-an. Sabalumnyo terminologi nan digunoan labiah sampik, yaitunyo mekanisasi pertanian nan diadopsi dari Agricultural Mechanization, sajak awa 1990-an basamoan jo panganalan sarato panggunoan traktor untuak program intensifikasi pertanian.

Bidang cakupan teknik pertanian antora lain adolah sabagai barikuik: Alaik jo masin budidaya pertanian, mampalajari panggunoan, pamaliharoan jo pangambangan alaik jo masin budidaya pertanian. Teknik tanah jo air, manalaah persoalan nan bahubuangan jo irigasi, pengawetan jo pelestarian sumber daya tanah dan air. Energi jo Elektrifikasi Pertanian, mancakuik prinsip-prinsip teknologi energi jo daya serta panarapannyo dalam kagiatan pertanian. Lingkugan jo bangunan pertanian, mancakup masalah nan bakaitan dengan parancanaan jo konstruksi bangunan khusus untuak kaparaluan pertanian, tamasuak unit panyimpanan tanaman jo paralatan, pusat pengolahan jo sistem pangandalian iklim sarato sesuai kaadaan lingkungan Teknik pengolahan pangan jo hasia pertanian, panggunaan masin untuak manyiapkan hasia pertanian, baiak untuak disimpan atau digunoan sabagai bahan pangan atau panggunoan lainnyo.

Pakambangan ilmu sistem pado tahun 1980-an mambarikan imbas pado bidang teknik pertanian, dengan bakambangnyo ranah sistem jo manajemen mekanisasi pertanian, nan marupoan panerapan manajamen jo analisis sistem untuak panerapan mekanisasi pertanian. Pakembangan barikuiknyo, pado abaik ka-20 manuju abaik ka-21 bakaitan dengan ilmu komputasi, teknologi pambantu otak dan otot lewat sistem kontrol, sistem pakar, kecerdasan buatan barupo panerapan robot pado sistem pertanian, manjadikan teknik pertanian bakambang manjadi sistem teknik pertanian (Agricultural System Engineering). Objek formal nan barupo kagiatan reproduksi flora jo fauna sarato biota akuatik didakati labiah lueh lai sabagai sistem hayati/biologis dengan orientasi pamacahan masalah pertanian sacaro holistik. Dalam pendekatan iko sumber daya hayati barupo mikrob/mikroorganisme turuik dijadian objek formal dalam produksi jo paningkatan biomassa. Di babarapo paguruan tinggi di Amerika jo Jepang, program studi atau departemen nan dulu banamo Teknik Pertanian, kini baganti dengan namo Teknik Sistem Biologis (Biological System Engineering).[1]

Teknologi Hasil Pertanian/ Teknologi Pangan[suntiang | suntiang sumber]

Pangolahan ubi kayu manjadi tapuang tapioka

Bahan pangan sabagai salah satu kabutuhan primer manusia, sangaik intensif dijadian kajian sabagai objek formal ilmu terapan dan ditopang dengan tuntutan industri, tarutamo di negara maju. Kondisi iko malahiakan cabang bidang ilmu teknologi pangan nan marupoan panerapan ilmu-ilmu dasar (kimia, fisika jo mikrobiologi) sarato prinsip-prinsip teknik (engineering), ekonomi jo manajemen pado saluruah mato rantai panggarapan bahan pangan dari sajak pamanenan sampai manjadi hidangan.[5] Teknologi pangan marupoan panerapan ilmu jo teknik pado penelitian, produksi, pangolahan, distribusi, sarato jo panyimpanan pangan barikuik pamanfaatannyo.[6] Ilmu terapan nan manjadi landasan pangambangan teknologi pangan maliputi ilmu pangan, kimia pangan, mikrobiologi pangan, fisika pangan, jo teknik proses. Ilmu pangan marupoan panerapan dasar-dasar biologi, kimia, fisika, jo teknik dalam mampalajari sifaik-sifaik bahan pangan, panyeabab karusakan panganjon prinsip-prinsip nan mandasari pangolahan pangan.

Teknologi Industri Pertanian[suntiang | suntiang sumber]

Industri babasis pertanian (agroindustri) dapek maningkekan nilai tambah produk pertanian

Teknologi Industri Pertanian didefinisikan sabagai disiplin ilmu terapan nan manitiakbarekan pado parencanaan, parancangan, pangembangan, jo evaluasi suatu sistem tapadu (maliputi manusia, bahan, informasi, peralatan, jo energi) pado kagiatan agroindustri untuak mancapai kinerja (efisiensi jo efektivitas) nan optimal.[1] Disiplin iko manarapkan matematika, fisika, kimia/biokimia, ilmu-ilmu sosial ekonomi, prinsip-prinsip, jo metodologi dalam manganalisis sarato marancang bia mampu mampakirokan jo mangevaluasi hasia nan diparoleh dari sistem terpadu agroindustri.[rujuakan?] Sabagai paduan dari duo disiplin, teknik proses jp teknik industri dengan objek formalnyo adolah pandayagunoan hasia pertanian.[7]

Teknologi Industri Pertanian mampunyoi bidang kajian sabagai barikuik:

  1. Sistem teknologi proses industri pertanian, kagiatan pertanian nan bakaitan dengan parencanaan, instalasi jo perbaikan suatu sistem terpadu nan tadiri ateh bahan, sumber daya, peralatan, jo energi pado pabrik agroindustri.
  2. Manajemen industri, kajian na bakaitan dengan parencanaan, pangoperasian jo pabaikan suatu sistem tapadu pado pamasalahan sistem usaho agroindustri.
  3. Teknoekonomi agroindustri, kajian nan bakaitan dengan parencanaan, analisis jo parumusan kabijakan suatu sistem tapadu pado pamasalahan sektor agroindustri.
  4. Manajemen mutu, panerapan prinsip-prinsip manajemen (perencanaan, penerapan jo perbaikan) pado bahan (dasar, baku), sistem proses, produk, jo lingkungan untuak mancapai taraf mutu nan alah ditatapkan.

Kagiatan hilia dari pertanian barupo pananganan, pangolahan, distribusi, jo pamasaran nan samulo sacaro sederhana sarato tacakuik dalam teknologi hasia pertanian, bakembang manjadi labiah lueh dengan pandekatan dari sistem Industri.

Rujuakan[suntiang | suntiang sumber]

  1. a b c d e [Mangunwidjaja, D. dan Sailah, I. 2009. Pengantar Teknologi Pertanian. Penebar Swadaya. Bogor.]
  2. Soeprodjo. 1994. Pangembangan Bidang Ilmu dalam Disiplin Teknologi Pertanian. Konsorsium Ilmu-Ilmu Pertanian, Direktorat Jendral Perguruan Tinggi, Depdikbud. Jakarta.
  3. Raimah, Bintang (9 Agustus 2000). "Kemampuan Petani Mengadopsi Teknologi Baru". Repository UMA. Diarsipkan dari versi asli tanggal 2023-01-14. Diakses tanggal 20 Juli 2019. 
  4. [Anonim. 2006. Panduan Program Sarjana Mayor Teknik Pertanian. Departemen Teknik Pertanian. Institut Pertanian Bogor. Bogor.]
  5. [Anonim. 2003. Kurikulum Program Studi Sarjana Teknologi Pangan. Departemen Pangan dan Gizi. Fakultas Teknologi Pertanian. Institut Pertanian Bogor. Bogor]
  6. [Livingstone, GE and Solberg, M. 1978. Food Science. In DN Lapedes (ed) Mc Graw Hill Encyclopedia of Food, Agriculture and Nutrition. McGraw Hill Book, Co. New Jersy.]
  7. [Anonim. 1998. Pengembangan Agroindustri Bernilai Tambah. Simposium Nasional Agroindustri III, Jurusan Teknologi Industri Pertanian. Fakultas Teknologi Pertanian. Institut Pertanian Bogor. Bogor.]

Templat:Teknologi