Sistem

Sistem adolah sabuah kasatuan nan tadiri ateh komponen atau elemen nan dihubuangan basamo untuak mamudahan aliran informasi, materi atau energi untuak mandapekan suatu tujuan. Istilah iko acok digunoan untuak manggambaran suatu set entitas nan bainteraksi, dimano suatu model matematika acok dapek dibuek.

Sistem juo marupoan kasatuan bagian-bagian nan saliang bahubuangan nan barado dalam suatu wilayah sarato mampunyoi item-item panggarik, contoh ummnyo sarupo nagori. Nagori marupokan suatu kumpuan dari babarapo elemen kesatuan lain sarupo provinsi nan saliang bahubuangan sahinggo mambantuak suatu nagori dimano nan baparan sabagai panggaraknyo iolah rakyat nan barado di nagori tasabuik.

Kato "sistem" banyak digunoan katiko mangecek-ngecek, contohnyo dalam forum diskusi maupun dokumen ilmiah. Kato iko digunoan untuak banyak hal, jo pado banyak bidang pulo, sahinggo maknanyo manjadi baragaam. Dalam pangartian nan paliang umum, sabuah sistem adolah sakumpulan benda nan mampunyoi hubungan di antaro inyo.

Elemen dalam sistem

Pado prinsipnyo, satiok sistem salalu tadiri ateh ampek elemen:

Objek, nan dapek barupoo bagian, elemen, ataupun nvariabel. inyo dapek banda fisik, abstrak, ataupun kaduonyo sakalius; tagantuang kapado sifaik sistem tasabuik,
Atribut, nan manantukan kualiteh atau sifaik kapamilikan sistem jo objeknyo.
Hubuangan internal, diantaro objek-objek di dalamnyo.
Lingkuangan, tampek di mano sistem barado.

Elemen sistem

Ado babarapo elemen nan mambantuak sabuah sistem, yaitu: tujuan , masukan, porses, kaluaran, bateh, mekanismen pangandalian jo umpan baliak sarato lingkuangan. Barikuik panjelasan elemen-elemen nan mambantuak sabuah sistem:

Tujuan

Satiok sistem mampunyoi tujuan (Goal), antah hanyo ciek atau mungkin banyak. Tujuan ikolah nan manjadi motivasi untuak mangarahan sistem. Tanpa tujuan, sistem manjadi indak taarah jo indak takandali. Tantu sajo, tujuan antaro ciek sitem jo sistem nan lain babeda.

2. Masuakan

Masuakan (input) sistem adolah sagalo sesuatu nan masuak ka dalam sistem jo salanjuiknyo manjadi bahan nan diproses. Masuakan dapek barupo hal-hal nan bawujuik (tampak sacaro fisik) maupun nan indak nampak. Contoh masuakan nan bawujuik adolah bahan mantah, sadangkan contoh nan indak bawujuik adolah informasi (misalnyo pamintaan jaso palanggan).

3. Proses

Proses marupokan bagian yang malakuan parubahan atau transformasi dari masuakan manjadi kaluaran nan baguno jo labiah banilai, misalnyo informasi dan produk, tapi juo bisa barupo hal-hal nan indak baguno, misalnyo sajo siso pambuangan atau limbah. Pado pabrik kimia, proses dapek barupo bahan mentah. Pado rumah sakik, proses dapek barupo aktivitas pambedahan pasien.

4. Kaluaran

Kaluaran (output) marupoan hasil dari pamrosesan. Pado sistem informasi, kaluaran bisa barupo suatu informasi, saran, cetakan laporan, jo lain sabagainyo.

5. Bateh

Nan disabuik bateh (boundary) sistem adolah pamisah antaro sistem jo daerah di lua sistem (lingkuangan). Bateh sistem manantuan konfigurasi, ruang linfkup, atau kamampuan sistem. Sabagai contoh, tim sepak bola mampunyoi aturan pamainan jo katerbatehan kamampuan pemain. Patumbuahan sabuah toko kelontong dipangaruhi dek pambalian palanggan, gerakan pesaing jo keterbatasan dana dari bank. Tantu sajo bateh sabuah sistem dapek dikurangi atau dimodifikasi sahinggo dapek mangubah perilaku sistem. Sabagai contoh, dengan manjua saham ka publik, sabuah parusahaan dapek mangurangi katerbatehan dana.

6. Mekanisme pangandalian jo umpan baliak

Mekanisme pangandalian (control mechanism) diwujuikan dengan manggunoan umpan baliak (feedback), nan mancakuik kaluaran. Umpan balik iko digunoan untuak mangandalian baiak masuakan maupun proses. Tujuannyo adolah untuak mangatur agar sistem bajalan sasuai jo tujuan.

7. Lingkuangan

Lingkuangan adolah sagalo sasuatu nan barado di lua sistem. Lingkuangan bisa bapangaruah kapado operasi sistem dalam arti bisa marugian atau maguntuangan sistem itu surang. Lingkuangan nan marugian tantu sajo harus ditahan jo dikandalian supayo indak manggaduah kalangsuangan operasi sistem, sadangkan nan manguntuangan tetap harus dijago, karano akan mamacu kapado kabalangsuangan hidup sistem. Suatu sistem dalam tingkek apopun salalu mampunyoi lingkuangan nan malingkupinyo nan didefinisian sabagai tampek hiduik suatu sistem tasabuik. Sistem mandapekan sagalo kabutuhan dari lingkuangan. Disampiang itu, sistem juo maagiah sasuatu nan diparaluan dek lingkuangannyo. Lingkuangan sistem barisi sistem-sistem lainnyo karano indak ado ciekpun elemen dunia nan indak tarikek dalam suatu sistem tatantu, baik inyo tarikek langsuang maupun indak langsuang

8. Sarok sistem

Suatu sistem salain manghasilan produk nan baguno juo akan mahasilkan produk nan indak baguno bagi sistem itu surang. Produk iko disabuik sampah atau residu dari sistem. Namun, sampah sistem iko alum tantu indak baguno bagi sistem nan lain atau sistem itu surang. Sacanggih apopun suatu sistem pasti juo mangaluakan sarok atau residu nan indak bisa dipakai atau diserap dek sistem tasabuik. Sarok suatu sistem marupokan tanggung jawab sistem tasabuik, bukan tanggung jawab sistem lainnyo.

Sarok nan kalua dari suatu sistem akibek kasalahan input-an atau inefisiensi sistem indak selalu marupokan produk nan indak ado nilainyo, elok bagi sistem nan basangkuikan maupun dek sistem lain nan sacaro langsuangn maupun indak langsuang. Jadi, sarok suatu sistem, selalu bisa dipandang sabagai potensi nan punyo dayo guno dek sistem lain dengan kato lain manjadi berkah untuak sistem lain. Sabagai contoh, dalam sistem pencernaan barupo feses atau urine. Feses dan urine manusia marupokan tanggung jawab manusia, dan manusia harus malakuan sasuatu untuak mamproses feses jo urine tasabuik sahinggo indak manyababkan karugian dari sistem lain, tapi justru manguntuangan dek manusia jo sistem nan lainnyo. Caro sadarhano agar sarok pancernaan manusia baguno dek sistem pertanian(guno parbaikn kualitas tanah) adolah jo mancampuakan feses jo urine dengan tanah sacaro proporsional sahinggo dihasilkan tanah jo tingkek kasuburan nan tinggi jo aman untuak ditanami.

Ciri-ciri sistem

Jikok suatu kalompok keterpaduan elemen mampunyoi ciri-ciri utamo sistem, katerpaduan tasabuik disabuik sabagai suatu sistem. Adopun ciri-ciri suatu sistem adolah sabagai barikuik.

Sistem mampunyoi subsistem nan barupo entitas (sasuatu nan bisa barupo organisasi, kalompok sosio-ekonomi, kalompok masyarakaik, kalompok benda-benda berinteraksi,jo lainnyo) jo konsep-konsep pamikiran. Elemen-elemen tasabuikmarupokan subsistem nan didalamnyo tadapek sub-subsistem, damikian sataruihnyo sahinggo tadapek sub-subsistem nan labiah ketek tanpa bateh.
Sistem mampunyoi karangko hubuangan berelasi atau multirelasi antaro subsistem dalam bantuak interaksi, sinergi, integrasi, sharing, kolaborasi, jo supporting.
Sistem mampunyoi mekanisme metabolisme loop barupo input-proses-output-outcome nan bajalan dalam alua operasi tatantu.
Sistem mampunyoi tujuan jo target dalam bantuak kondisi nan diinginkan, kualitas dan kuantitas hasil, sarato wakatu pancapaiannyo nan ditetapkan.
Sistem mampunyoi mekanisme skala prioritas nan dipiliah/tapiliah untuak dilaksanakan/talaksana talabiah dahulu jo diyakini bapangaruah elok dek sistem sacara kasadoalahnyo.
Sistem mampunyoi mekanisme kontrol nan bajalan siklis dalam bantuak parancanaan, implementasi, monitoring, jo evaluasi sacaro bakalanjutan untuak mahasilkan parubahan bakalanjutan sasuai jo tujaun.
Sistem mampunyoi kapasitas tatantu. Jikok dipaso malampoi kapasitas tasabuik, sistem akan indak talok atau indak bisa bakarajo samo sakali.
Sistem mampunyoi bateh maskipun sistem juo mampunyoi ciri tabukak dalam barinteraksi jo sistem lain nan barado di lua batehnyo atau nan barado pado lingkuangan di lua bateh sistem tasabuik.
Sistem indak badiri di lua hampa, tetapi badiri atau barado di suatu lingkuangan tatantu nan indak bisa dihindari pangaruahnyo tahadok sistem baik positif atau negatif sakalipun sistem juo mambarikan pangaruah kapado lingkuangannyo.
Sistem mampunyoi sifaik dapek manyesuaikan parubahan nan tajadi di lingkuangannyo. Oleh karano sistem basifek tabukak, satiok parubahan situasi internal (subsistem) jo lingkuangannyo (eksternal) akan sagiro direspon dek sistem jo salanjuiknyo sitem malakuan panyasuaian-panyasuaian sasuai jo kondisi aktualnyo.
Sistem paralu input jo manghasilkan output barupo produk fisik atau nonfisik, baik nan bamanfaaik maupun nan basifaik residu dalam konsep sistem, residu atau sarok tasabuik marupokan bagin dari sistem nan harus disalasaian sacaro integral.

Referensi

Manetsch dan Park(1979) dikutip dalam Eriyatno. 1999. “Ilmu Sistem: Meningkatkan Mutu dan Efektivitas Manajemen”. Jilid Satu. IPB Press, Bogor.
Ini dapat dipelajari dalam Niklas Luhmann “Soziale Systeme”. Grundriss einer allgemeinen Theorie, Frankfurt, Suhrkamp, 1994.
Martin, Roderick, dalam buku “Sosiologi Kekuasaan”, hal 2-3.
Teori sistem diintroduksikan tahun 1940-an oleh biolog Ludwig von Bertalanffy dengan tajuk “General Systems Theory”, dan dikembangkan kemudian oleh Ross Ashby yang mengintroduksikan konsep “Cybernetics”.
Eriyatno. 1999. “Ilmu Sistem: Meningkatkan Mutu dan Efektivitas Manajemen. Jilid Satu. IPB Press, Bogor. Hal. 26.
Maryono, Agus (2014). "Pola Pikir Sistem". Gadjah mada University Press, Yogjakarta.