Kimia

Dari Wikipedia baso Minang, ensiklopedia bebas
Lompek ka: navigasi, cari


Kimia adolah ilmu nan manaliti benda, ciri-ciri, struktur, komposisi, jo parubahan nan disabauk dek interaksi dangan benda lain (disabuik "reaksi kimia").
Aras manjadi gadang:
1. Aras makroskop – Benda
2. Aras molekul
3. Aras atom – Proton, neutron, jo elektron
4. Aras subatom – Elektron
5. Aras subatom – Quark
6. Aras string
Dalam reaksi kimia, ikatan antaro atom-atom ka pacah jo ka mambantuak substansi (bahan) baru dangan sipaik-sipaik nan babedo. Dalam tanur tinggi, basi oksida (formula: Fe2O3) nan direaksikan dangan karbon monoksida (CO) ka mambantuak basi (Fe) jo karbon dioksida (CO2).

Kimia (dari bahaso Arab: كيمياء, transliterasi: kimiya = parubahan benda/zat atau bahaso Yunani: χημεία, transliterasi: khemeia), adolah ilmu nan manaliti atau mangaji komposisi, struktur, jo sipaik sifat zat atau materi, dari skala atom inggo molekul sarato parubahan atau transformasi sarato interaksi materi-materi tasabuik dalam mambantuak materi nan dijumpoi satiok ari.[1][2] Kimia juo mangaji pamahaman sipiak jo interaksi atom individu dangan batujuan untuak mampagunoan pangatauan tasabuik pado tingkek makroskopik atau gadang. Manurui kimia modern, sipaik fisik materi umumnyo ditantuan dek struktur pado tingkek atau aras atom nan pado giliriannyo ditantuan dek gaya antaratom (dorongan atau tarikan nan ka manggarakan benda bebas (indak taikek) jo ikatan kimia.

Pandauluan[suntiang | suntiang sumber]

Kimia acok disabuik sabagai "ilmu pusek" dek inyo maubuang babagai ilmu lain, sarupo fisika, ilmu bahan, nanoteknologi, biologi, farmasi, kedokteran, bioinformatika, jo geologi [3]. Ubuangan iko timbua malalui babagai subdisiplin nan mangguno konsep-konsep dari babagai disiplin ilmu. Sabagai contoh, kimia fisik basangkuik jo panggunoan prinsip-prinsip fisika taadok materi pado tingkek atom jo molekul.

Kimia punyo ubuang jo interaksi materi nan dapek mangaik duo zat atau antaro materi jo energi, tautamo dalam ubuangannyo dangan hukum pertama termodinamika. Kimia tradisional takaik jo interaksi antaro zat kimia dalam reaksi kimia, nan maubah ciek atau labiah zat manjadi ciek atau labiah zat lain. Kadang-kadang reaksi iko digarak dek patimbangan entalpi, sarupo katiko duo zat berentalpi tinggi, sarupo hidrogen jo oksigen elemental (bantuak unsua) bereaksi mmambantuak aia, zat dangan entalpi labiah rendah. Reaksi kimia dapek difasilitasi dangan suatu katalis, nan umumnyo marupoan zat kimia lain nan takaik dalam media reaksi tapi indak diguna atau dikonsumsi (contoh adolah asam sulfat nan mengkatalisasi elektrolisis aia) atau fenomena non-materi (sarupo radiasi elektromagnet dalam reaksi fotokimia). Kimia tradisional juo mambuek analisis zat kimia, baik di dalam maupun di luar suatu reaksi, sarupo dalam spektroskopi.

Kasadonyo materi normal tadiri dari atom atau komponen-komponen subatom nan mambantuak atom; proton, elektron, jo neutron. Atom dapek dikombinasikan untuak maasiaan materi dalam bantuak nan labiah kompleks sarupo ion, molekul, atau kristal. Struktur dunia nan kito jalani sadonyo ari jo sipaik materi nan mambuek interaksi dangan kito ditantuan dek sipaik zat-zat kimia jo interaksi antaro mareka. Baja labiah kareh dari besi dek atom-atomnyo taikek dalam struktur kristal nan labiah kaku. Kayu tabaka atau maalami oksidasi capek dek inyo dapek mambuek reaksi sacaro spontan dangan oksigen pado suatu reaksi kimia jikok barado di ateh suatu suhu tatantu.

Rujuakan[suntiang | suntiang sumber]

  1. ^ "What is Chemistry?". Chemweb.ucc.ie. http://chemweb.ucc.ie/what_is_chemistry.htm. Diakses pado 12 Juni 2011. 
  2. ^ Chemistry. (n.d.). Merriam-Webster's Medical Dictionary. Retrieved August 19, 2007.
  3. ^ "Chemistry - The Central Science". The Chemistry Hall of Fame. York University. http://www.chem.yorku.ca/hall_of_fame/whychem.htm. Diakses pado 12 September 2006.