Bangunan

Babagai contoh bangunan sapanjang sijarah

Bangunan adolah batuak struktur nan dibuek nan tadiri dari dindiang dan atok nan badirian sacaro parmanen di suatu tampek. Bangunan dapek disabuik juo dangan rumah atau pabirik, iyolah sagalo sarana, prasarana atau infrastruktur dalam kabudayaan atau kahidupan manusia dalam mambangun paradabannyo.^[1] Bangunan punyo baragam bantuak, ukuran, dan fungsi, saroto alah mangalami panyasuaian sapanjang sijarah nan basobok dek babarapo faktor, ajak bahan bangunan, kondisi cuaca, harogo, kondisi tanah, dan alasan estetika.

Bangunan baguno dek kahidupan manusia, tarutamo sabagai tampek balinduang dari cuaco, kaâmanan, tampek tingga, privasi, tampek manyimpan barang, dan tampek bakarojo. Suatu bangunan indak dapek lapeh dari kahidupan manusia khususnyo sabagai sarano mangagiah raso aman, dan nyaman.

Contoh bangunan nan paliang soriang awak caliak iyolah titian basaroto konstruksi, dan rancangannyo, jalan, saroto sarana telekomunikasi. Sacaro umum, paradaban suatu bangsa dapek dicaliak dari teknik-teknik bangunan maupun sarano, dan prasarano nan dibuek maupun ditingga dek warisan manusia pado parjalanan sijarahnyo.

Bilo bangunan takaik jo kamajuan paradaban manusia, mako pado parjalanannyo, manusia parolu ilmu atau teknik nan bakaiktan jo bangunan, dan manunjang dalam mambuek suatu bangunan. Adopun ilmu pangatahuan nan bakaiktan jo bangunan iyolah arsitektur dan teknik sipil. Bahkan panggunoan trigonometri pado matematika bakaiktan juo jo bangunan nan didugo digunoan pado maso Masia kuno untuak mambangun Piramida.

Sojak ditamukannyo lukisan-lukisan di dalam dindiang guo, sojak itulah manusia manjadikan bangunan sabagai objek kanvas dalam mangekspresikan suatu kaindahan. Dalam babarapo taun tarakhia, faktor kaindahan manjadi poin pantiang juo dalam pandirian suatu bangunan.

Definisi[suntiang | suntiang sumber]

Kato mambangun iyolah kato bando dan kato karajo: struktur tu badiri surang dan tindakan mambueknyo. Sabagai kato bando, bangunan iyolah 'struktur nan punyo atok dan dindiang dan badiri kurang labiah sacaro parmanen di satu tampek'.^[1] Pado pangartian nan paliang loweh pagar atau tembok iyolah sabuah bangunan.^[2]

Rujuakan[suntiang | suntiang sumber]

↑ ^a ^b Max J. Egenhofer (2002). Geographic Information Science: Second International Conference, GIScience 2002, Boulder, CO, USA, September 25–28, 2002. Proceedings. Springer Science & Business Media. p. 110. ISBN 978-3-540-44253-0. https://books.google.com/books?id=kH8gcJvVWfIC&pg=PA110.
↑ Building def. 2. Whitney, William Dwight, and Benjamin E. Smith. The Century dictionary and cyclopedia. vol. 1. New York: Century Co., 1901. 712. Print.

Pautan lua[suntiang | suntiang sumber]

Wikisource memiliki teks artikel Ensiklopedia Britannica 1911 manganai Building atau Bangunan.

Definisi kamuih bangunan di Wiktionary
Media tantang Bangunan di Wikimedia Commons
Kutipan tantang Bangunan di Wikiquote

[Egenhofer-1] Max J. Egenhofer (2002). Geographic Information Science: Second International Conference, GIScience 2002, Boulder, CO, USA, September 25–28, 2002. Proceedings. Springer Science & Business Media. p. 110. ISBN 978-3-540-44253-0. https://books.google.com/books?id=kH8gcJvVWfIC&pg=PA110.

[2] Building def. 2. Whitney, William Dwight, and Benjamin E. Smith. The Century dictionary and cyclopedia. vol. 1. New York: Century Co., 1901. 712. Print.

[1]

[2]