Bogor

Dari Wikipedia baso Minang, ensiklopedia bebas
Lompek ka: navigasi, cari

Bogor adalah sabuah kota di Provinsi Jawa Barat, Indonesia. Kota ko taletak di tengah Kabupaten Bogor, 60 kilometer (37 mil) salatan Jakarta, ibukota Indonesia. Bogor adolah kota tagadang ka-6 di Jabodetabek jo ka-14 sacaro nasional, dengan panduduak labiah dari 1 juta jiwa; sarato marupoan pusek ekonomi, ilimu pangatahuan, budayo jo wisata nan pantiang, jo tujuan utuak baistirahat di pagunuangan.

Pado Abaik Patangahan, kota ko adolah ibukota Karajaan Sunda nan banamo Pakuan Pajajaran. Salamo era kolonial Balando, kota ko banamo Buitenzorg dan bafungsi sabagai kadiaman musim paneh Gubernur Jenderal Hindia Balando. Kota ko marupoan pusek pamarentahan Hindia Balando salamo maso kakuasoan Inggris nan singkek, pado awal abaik ka-19.

Di kota ko ado pulo istana presiden jo kabun raya, nan adolah salah satu nan tatuo dan tagadang di dunia. Kota ko bajulukan "Kota Ujan" dek karano acoknyo turun ujan. Bahkan kutiko musim paneh pun kota ko ampia salalu ujan pulo.