Lompat ke isi

Tahir Jalaluddin

Wikipedia Minangkabau - Lubuak aka tapian ilimu
Infobox orangTahir Jalaluddin
Biografi
Lahia(id) Muhammad Tahir Edit nilai pada Wikidata
8 Desember 1869 Edit nilai pada Wikidata
Koto Tuo Edit nilai pada Wikidata
Kamatian26 Oktober 1956 Edit nilai pada Wikidata (86 tahun (id) terjemahkan)
Kalompok etnisUrang Minangkabau Edit nilai pada Wikidata
AgamoIslam Edit nilai pada Wikidata
Kagiatan
KarajoUlama Edit nilai pada Wikidata
Kaluarga
Pasangan hiduikAishah binti Haji Mustafa bin Datuk Menteri (id) Terjemahkan Edit nilai pada Wikidata
AnakHamdan Sheikh Tahir (id) Terjemahkan Edit nilai pada Wikidata
AbakMuhammad (id) Terjemahkan Edit nilai pada Wikidata, Gandam Oerai (id) Terjemahkan Edit nilai pada Wikidata
Kerabat (id) TerjemahkanAhmad Khatib Al-Minangkabawi (sepupu (id) Terjemahkan) Edit nilai pada Wikidata

Syekh Tahir Jalaluddin Al-Falaki Al-Azhari (1869 - 1956) adolah ulama Minangkabau nan ahli dalam bidang astronomi jo ilmu falak.[1] Pamakaian hisab untuak manantukan awal bulan pado kalender Hijriyah manjadikannyo ulama modern terkenal di Minangkabau. Inyo terlibat dalam gerakan reformasi Islam (Kaum Mudo) di Indonesia dan Malaya malalui penerbitan pers jo sekolah agamo modern.[2]

Tahir Jalaluddin lahia pado 4 Ramadan 1286 H/8 Desember 1869 M di Koto Tuo dan maningga pado 22 Rabiulawal 1376 H/26 Oktober 1956 M di Kuala Kangsar pado umur 87 taun. Dek karano jasonyo di Malaya, sebuah lembaga nan banamo Sheikh Tahir Astronomical Center didirikan di Pulau Pinang, Malaysia.[3]

Tahir Jalaluddin masih badunsanak (sepupu) jo Syekh Ahmad Khatib Al-Minangkabawi, satu-satunyo imam rasmiMasjidil Haram nan tacatat bukan darah Arab.[4] Anaknyo Hamdan Sheikh Tahir, bapangkek pulo sabagai Yang di-Pertuan Negeri Pulau Penang salamo taun 1989-2001.

Maso Iduik

[suntiang | suntiang sumber]

Tahir Jalaluddin asanyo dari jorong Surau Kamba di Nagari Koto Tuo, Sumatra's Westkust.[5] Namo panjangnyo adolah Muhammad Tahir bin Muhammad bin Jalaluddin. Inyo lahir pado tanggal 4 Ramadan 1286 H/8 Desember 1869 M. Kakeknyo, Jalaluddin jo julukan Fakih Saghir adolah anak dari Tuanku Nan Tuo, surang ulama nan iduik maso Parang Padri.[6]

Tahir Jalaluddin punyo limo dunsanak. Sabalun akil balig kaduo gaeknyo maningga: apak maningga di umua duo taun, mandehnyo di umuaknyo salapan taun. Sasudah manjadi yatim piatu, Thahir dipangku dek Limbak Urai, mandeh Syekh Ahmad Khatib bin Abdul Lathif.[4][7]

Pado taun 1879, Tahir dibaok ka Makkah jo kaluargonyo untuak mangaji agamo basamo sepupunyo, Ahmad Khatib nan sabalunnyo manuntut ilmu disinan. Tahir baru 11 taun katiko inyo pai ka Makkah. Di Makkah, Tahir tingga jo mintuo Ahmad Khatib, Syekh Muhammad Saleh Al-Kurdi.[8] Mulonyo Tahir baraja Al-Qur'an jo ilmu tajwid kapado Syekh Abdul Haq. Sasudah kalam, inyo malajari babarapo ilmu kapado Syekh Umar Syatha, Syekh Muhammad Al-Khaiyath, jo Sayyid Bakri Syatha. Ilmu nan inyo lalui adolah hadits, tauhid, fiqih, nahwu, saraf, bayan, ma'ani, badi, 'arudh, mantiq, tafsir, hisab, handasah, jo falak. Duo baleh taun lamonyo Taher baraja di Makkah.[1][9]

Belajar di Al-Azhar

[suntiang | suntiang sumber]

Sasudah baranjak ka umua 24 taun, Tahir Jalaluddin pulang ka Hindia Balando. Di Indonesia, bapindah-pindah inyo tingga salamo ampek taun, sudah itu babaliak ka Timur Tangah. Tahir tertarik jo ajakan Syekh Ahmad al-Fathani untuak baraja di Masjid Al-Azhar, Kairo, Mesir. Inyo pulo diutuih dek Syekh Ahmad al-Fathani basamo sakalian pribumi mudo Hindia Balando untuak baraja ka Al-Azhar.[1][4]

Tahir mandalami astronomi jo ilmu falak di Al-Azhar salamo ampek taun (1314-1318 H/1893-1897 M).[9] Dari situ inyo baminek jo pamikiran Sayid Jamaluddin Al-Afghani jo Muhammad Abduh, tokoh gerakan reformasi Islam di Mesir dan terkenal di Al-Azhar. Tahir bakawan jo Rashid Ridha, nan rajin manyebarkan ide-ide modernisme Islam nan daru duo urang tadi malalui jurnalisme. Di Mesir, Rida mambuek majalah Al-Manar nan manjadi media Islam bapangaruah dalam pangambangan pamikiran dunia Muslim.[9] Kehadiran Al-Manar mancarahkan banak Tahir untuak mambuek majalah nan sarupo itu pado baliakannyo ka Nusantara.[9]

Sasudah tamek baraja di Al-Azhar, Tahir singgah ka Makkah untuak mandalam ilmu jo mambantu Ahmad Khatib mangaja, tarutamo ilmu falak. Pado maso itu, Tahir manjadi guru untuak sakalian urang nan ka manjadi tokoh di Minangkabau, sarupo Muhammad Jamil Djambek, Abdullah Ahmad, jo Abdul Karim Amrullah (ayah Hamka). Murid-muridnyo itu turut manyebarkan ide-ide pembaharuan Islam pado wakatu babaliak ka Tanah Air.[10]

Kegiatan

[suntiang | suntiang sumber]

Salamo badakwah, Tahir Jalaluddin alah manaruko banyak tampek di wilayah Hindia Balando, nan sabagian darinyo masih dipimpin oleh rajo. Dari taun 1888 sampai taun 1904, inyo badakwah ka Pulau Penyengat (Kapulauan Riau), Surabaya (Jawa Timur), Buleleng (Bali), Ampenan, Pulau Lombok jo Bima, Pulau Sumbawa (Nusa Tenggara Barat), sarato Makassar jo Gowa (Sulawesi Selatan).[8]

Sasudah tarukonyo itu, Tahir batekat untuak manatap di Semenanjung Malaya sajak 1899, khususnyo di Kuala Kangsar, Perak. Katiko manatap di Perak, inyo manjalankan karajonyo sabagai agen pajalanan haji.[11] Pado taun 1900, inyo diangkat dek Sultan Perak Idris Murshidul Azzam Shah sabagai Ahli Jawatankuasa Orang-Orang Besar dan Ulama Perak. Sabagai Kaum Mudo, rancano pangangkatannyo manjadi mufti karajaan oleh Sultan Idris dihadang dek dari Kaum Tua nan kontra jo pamikirannyo. Namun, dek lautan ilmu falaknyo, Tahir mandapek tanggung jawab dari Sultan Perak untuak marancakkan kiblat surau jo musajik di wilayah tu.[12][13]

Inyo manubuakan majalah Al-Imam di Singapura pado taun 1906 basamo Syed Sheikh Syed Ahmad Al-Hadi. Majalah iko manjawek masalah sosial, agamo, jo ekonomi dari suduik pandang pembaharuan Islam. Al-Imam manjadi media massa Islam batulihan Jawi patamo dalam sajarah pers di Nusantara. Majalah iko tarabik sampai taun 1908.[9] Salain Al-Imam, Tahir mangarang pulo berbagai tulisan untuk majalah al-Ikhwan (1926-1931), Neraca (1911-1915), Bumiputera (1933-1936), Semangat Islam (1929-1931), jo Pengasuh (1918-1937).[14][15]

Salain bakarajo di Perak, Tahir malatih pulo hakim-hakim sidang di mahkamah Johor.[16] Di antaro urang-urang nan mandapek pandidikannyo adolah Ungku Ismail bin Ahmad jo Ungku Abdul Rahman bin Abdul Majid.[11] Sabagai ulama terkenal di Johor, inyo dimintak dek Sultan Idris untuak pai basamo ka London untuak panobatan Raja George V di Inggirih pado 22 Juni 1911.[11] Pado tanggal 3 Juli 1912, inyo baranti malatih hakim. Dari 1914 sampai 1916, inyo mangaja di sekolah agamo Johor Bahru jo manjadi Nazir (Pemeriksa Sekolah) untuak sikolah agamo di Johur.[11] Dari taun 1918 sampai 1920, inyo manjadi guru Madrasah al-Masyhur di Pulau Pinang samo jo kawan dakeknyo, Syed Sheikh Syed Ahmad Al-Hadi sabagai kepala sekolahnyo. Sasudah maningganyo Al-Hadi, inyo babaliak mangaja di Johor.[6][15][16]

Walaupun tingga di Kuala Kangsar, namonyo taraso juo ka Sumatera. Kaum Mudo banyak bahubuangan jo Taher. Pado taun 1923, inyo bakunjuang ka Medan, dan dari situ pulang ka kampuang, Minangkabau. Pado taun 1927, inyo bakunjuang baliak ka Sumatera, tapi di jalan, inyo ditawan dek panguwaso Balando. Inyo sempat dijebloskan dalam pinjaro salamo anam bulan dek tuduhan mangaruah urang untuak malawan pamarintahan kolonial Belanda.[16][17] Pado 1939, inyo baliak pulo ka Sumatera sarayo mambaok pelajaran ilmu miqat untuak Madrasatul Muallimin dari Pulau Penyengat.[18][19]

Pikiran

[suntiang | suntiang sumber]

Sajak dari Al-Azhar, Tahir Jalaluddin diilhami dek paham reformis Timur Tangah dari Jamaluddin al-Afghani, Muhammad Abduh, jo Rashid Ridha. Salah satu pamikirannyo nan sangaik kontroversial wakatu itu iolah dukunganannyo kapado hisab dalam manantukan awal Ramadan dan awal Rayo. Pandanganyo batantangan jo paham lamo bahwa panatapan bulan musti manggunoan rukyat. Dalam manguekkan pandangannyo, Tahir banyak mangaruang ka pahitungan jo metode-metode nan dipakai dek bangso Eropa.[10]

Indak hanyo masalah pamikiran agamo, Taher ditandoi oleh urang kolonial Balando. Pamikirannyo nan revolusioner wakatu itu mambangkik takuik Balando akan gerakan nan buliah manggoyahan kuasonyo di Sumatera, sahinggo inyo ditangkok katiko bakunjuang ka Medan.[16]

Karya

[suntiang | suntiang sumber]

Babagai risalah jo buku ditulih oleh Tahir Jalaluddin dalam bahaso Melayu jo Arab. Di antaro karya-karya Tahir adolah:[3][10]

  • Ithafa al-Murif fi Ahkam al-Tajwid (1928)
  • Natījat al-Umur (1936)[20]
  • Natijatu al-Ummi (1951)[14]
  • Nukhbatu al-Taqrīrāt fī Hisāb al-Awqāt wa Sumūt al-Qiblat bi al- Lūgārītmāt[20] atau Pati Kiraan pada Menentukan Waktu yang Lima dan Hala Qiblat Berdasarkan Logaritma (1938)[14]
  • Jadāwil al-Lūgārītmāt
  • Jadawil Pati Kiraan[20]
  • Perisai Orang Beriman (1930 atau 1936)[14][17]
  • Ini Huraian Yang Membakar "Taman Persuraian" Haji Bakar (1932 atau 1938)[14][17][21]
  • Al-Qiblah fī an-Nusus Ulamā' asy-Syafi'iyah fi ma Yata'allaqu bi Istiqbāl al-Qiblah asy-Syar'iyah Manqulah min Ummuhat Kutūb al-Mazhab[20]
  • Tazkirat’I-Muttabii ‘I-Sunnah fi ‘r-Raddi ala ‘I-Qaili bi-Sunnati Rak’attaini Qabla ‘I-Jumu’at (1953)[17]
  • Menghadap Kiblat dalam Salat[14]
  • Sebab Menulis Ilmu Falak
  • Penjelasan Ilmu Falak
  • Risalah Penebas: Bida’ah-Bida’ah di Kepala Batas (1953)[22][23]

Kehidupan pribadi

[suntiang | suntiang sumber]

Tahir Jalaluddin babini babarapo kali. Panikahan partamo adolah jo Aisyah, cucu dari Syekh Ismail Al-Khalidi Al-Minankabawi, ulama Tarekat Naqsyabandiyah Khalidiyah. Nan baduo itu manikah pado 26 Zulkaidah 1305 H/4 Agustus 1888 di Makkah disaksikan Sayid Umar Syatha, Syekh Muhammad Nur bin Syeikh Ismail, Syekh Mohammed Saleh al-Kurdi, Syekh Ahmad Khatib Al-Minangkabawi, jo Syekh Ismail bin Syeekh Muhammad.[24][25]

Salain itu, Tahir manikah pulo jo Kaltsum binti Haji Ibrahim pado 9 Rajab 1310 H/27 Januari 1893. Sasudah itu, inyo manikah jo Jamilah binti Haji Abdul Karim pado 13 Ramadan 1310 H/31 Maret 1893 dan jo Aisyah binti Haji Mustafa bin Datuk Menteri pado 20 Jamadilawal 1317 H/28 September 1899.[11][16][25]

Dari Aishah, Tahir dianugerahi babarapo anak. Hamdan Sheikh Tahir, salah saurang anaknyo, manjadi Yang di-Pertuan Nagari Pulau Penang periode 1989-2001.

Panunjuak

[suntiang | suntiang sumber]
  1. ↑ a b c "Syekh Tahir Jalaluddin Al-Azhari, Ulama Astronomi dari Tanah Melayu (1)". Republika Online. 2015-08-24. Diakses tanggal 2020-05-10. 
  2. ↑ Manusia dan kebudayaan di Asia Tenggara : kolonialisme di Asia Tenggara.. Lembaga Research Kebudayaan Nasional (LIPI). 25 Nopember 1975. pp. 32. OCLC 222774712. http://worldcat.org/oclc/222774712. 
  3. ↑ a b "Syekh Tahir Jalaluddin Al-Azhari, Ulama Astronomi dari Tanah Melayu (2-habis)". Republika Online. 2015-08-24. Diakses tanggal 2020-05-10. 
  4. ↑ a b c Hamka (1982). Ayahku: riwayat hidup Dr. H. Abdul Karim Amrullah dan perjuangan kaum agama di Sumatera. Pustaka Dini. pp. 272. ISBN 978-983-3707-78-2. OCLC 664779922. http://worldcat.org/oclc/664779922. 
  5. ↑ Samat, Talib (2002) (dalam bahaso ms). Sastera di antara percikan pengurusan dan kemanusiaan. Penerbit Universiti Pendidikan Sultan Idris. ISBN 978-983-2620-08-2. https://books.google.co.id/books?id=wI1kAAAAMAAJ&q=%22SURAU+KAMBA%22&dq=%22SURAU+KAMBA%22&hl=id&newbks=1&newbks_redir=0&sa=X&ved=2ahUKEwiM9Y3v98T3AhXSTmwGHVV_CGQQ6AF6BAgDEAI. 
  6. ↑ a b MA, Prof Dr H. Saifullah SA; M.Hum, Dr Febri Yulika, S. Ag (2017-12-01) (dalam bahaso id). PERTAUTAN BUDAYA - SEJARAH MINANGKABAU & NEGERI SEMBILAN. ISI Padangpanjang. ISBN 978-602-50846-6-9. https://books.google.co.id/books?id=SE9UDwAAQBAJ&pg=PA100&lpg=PA100&dq=tahir+jalaluddin+%22King+George%22&source=bl&ots=b3BhPMq70N&sig=ACfU3U1dnUP29HY-AKoR_qRqx6KQE0vIyw&hl=en&sa=X&ved=2ahUKEwj3_aqM__bqAhXMeisKHRZACasQ6AEwEXoECAoQAQ#v=onepage&q=tahir%20jalaluddin%20%22King%20George%22&f=false. 
  7. ↑ Islamic Centre Sumatera Barat. (2001). Riwayat hidup ulama Sumatera Barat dan perjuangannya.. Islamic Centre Sumatera Barat. pp. 94-95. ISBN 979-9252-85-7. OCLC 50185124. http://worldcat.org/oclc/50185124. 
  8. ↑ a b Arwin Juli Rakhmadi Butar-Butar (2018). Fajar & Syafak Dalam Kesarjanaan Astronom Muslim dan ulama Nusantara. LKiS. hlm. 101-102.
  9. ↑ a b c d e Merle Calvin Ricklefs. A History of Modern Indonesia since c. 1200. 2002. hlm 353-354.
  10. ↑ a b c Amir, Mafri. (2008). Reformasi Islam dunia Melayu-Indonesia : studi pemikiran, gerakan, dan pengaruh Syaikh Muhammad Thahir Jalal al-Din, 1869-1956. Departemen Agama RI, Badan Litbang dan Diklat, Puslitbang Lektur Keagamaan. ISBN 978-979-18864-1-3. OCLC 316853536. http://worldcat.org/oclc/316853536. 
  11. ↑ a b c d e "archive copy". Diarsipkan dari versi asli tanggal 2023-06-07. Diakses tanggal 2023-12-17. 
  12. ↑ (dalam bahaso ms) Syeikh Tahir Jalaluddin: pemikir Islam. Penerbit Universiti Sains Malaysia. 25 Nopember 2003. ISBN 978-983-861-252-4. https://books.google.co.id/books?id=YDlPAQAAMAAJ&q=%22Di+dalam+surat+kuasa+yang+diberikan+kepada+Syeikh+Tahir+,+baginda+menerangkan+Syeikh%22&dq=%22Di+dalam+surat+kuasa+yang+diberikan+kepada+Syeikh+Tahir+,+baginda+menerangkan+Syeikh%22&hl=en&sa=X&ved=2ahUKEwixnK6XiPfqAhVZT30KHVIxBpYQ6AEwAHoECAIQAg. 
  13. ↑ Ramli, Mukhtar (1980) (dalam bahaso ms). Inventori surat-surat persendirian Sheikh Tahir Jalaluddin. Arkib Negara Malaysia. https://books.google.co.id/books?id=Ouvlsv9EAgcC&q=tahir+jalaluddin+%22sultan+perak%22&dq=tahir+jalaluddin+%22sultan+perak%22&hl=en&sa=X&ved=2ahUKEwjYlsn-h_fqAhWCb30KHaBOBOQQ6AEwBHoECAIQAg. 
  14. ↑ a b c d e f https://umexpert.um.edu.my/public_view.php?type=publication&row=NzA0MzY%3D[pranala nonaktif permanen][pautan nonaktif salamonyo]
  15. ↑ a b https://rahimahikhsan.wixsite.com/jarikubercerita/single-post/2017/02/23/Syeikh-Tahir-Jalaluddin-Ulama-Falak-Nusantara
  16. ↑ a b c d e https://core.ac.uk/reader/5222510 hlm. 51-52
  17. ↑ a b c d https://docplayer.info/176340505-Syeikh-tahir-jalaluddin-reformis-pendidikan-islam-dan-penggerak-kesedaran-kemerdekaan-tanah-melayu.html
  18. ↑ Hamidy, U. U. (1983) (dalam bahaso id). Riau sebagai pusat bahasa dan kebudayaan Melayu. Bumi Pustaka. https://books.google.co.id/books?id=pCSAAAAAMAAJ&q=%22Syeikh+Tahir+Jlaluddin+Falaki+Alazhari+telah+sampai+di+Penyengat%22&dq=%22Syeikh+Tahir+Jlaluddin+Falaki+Alazhari+telah+sampai+di+Penyengat%22&hl=en&sa=X&ved=2ahUKEwjz5sv-hffqAhUFT30KHVpgBF0Q6AEwAHoECAAQAg. 
  19. ↑ Junus, Hasan (2002) (dalam bahaso ms). Raja Ali Haji, budayawan di gerbang abad XX. Pemerintah Kota Tanjungpinang. ISBN 978-979-3297-17-0. https://books.google.co.id/books?id=_5ZkAAAAMAAJ&q=%22datang+ke+Pulau+Penyengat+;+ia+sempat+memberikan+pelajaran+kilat+ilmu+Miqat+%22&dq=%22datang+ke+Pulau+Penyengat+;+ia+sempat+memberikan+pelajaran+kilat+ilmu+Miqat+%22&hl=en&sa=X&ved=2ahUKEwjdiZzXhvfqAhWGfH0KHZFjAbQQ6AEwAHoECAAQAg. 
  20. ↑ a b c d Hendri, Hendri; Wadi, Fajrul; Amin, Saiful; Andriyaldi, Andriyaldi; Samiran, Fahmil (2019-11-13). "TOKOH FALAK MINANGKABAU (STUDI PEMIKIRAN SAADOEDDIN DJAMBEK DAN TAHIR JALALUDDIN)". Islam Transformatif : Journal of Islamic Studies (dalam bahasa Indonesia). 3 (1): 89–100. doi:10.30983/it.v3i1.1157. ISSN 2599-2171. Diarsipkan dari versi asli tanggal 2022-07-11. Diakses tanggal 2023-12-17. 
  21. ↑ Abdullah, Mustaffa (2009) (dalam bahaso ms). Rasyid Rida: Pengaruhnya di Malaysia (Penerbit UM). The University of Malaya Press. ISBN 978-983-100-921-5. https://books.google.co.id/books?id=dziLDwAAQBAJ&pg=PA181&lpg=PA181&dq=%22Taman+Persuraian+Haji+Bakar%22&source=bl&ots=a0NNOcPC5A&sig=ACfU3U0Jknsh5yxcKOG9fik8ciZmRjTnpA&hl=en&sa=X&ved=2ahUKEwjspIzW9vbqAhVLILcAHWfnA3IQ6AEwDnoECAoQAQ#v=onepage&q=%22Taman%20Persuraian%20Haji%20Bakar%22&f=false. 
  22. ↑ Ali, Wan Zailan Kamaruddin Wan; Ismail, Ahmad Zuhdi (2019). "Kisah Pemberantasan Bid'ah di Malaysia: Kajian atas Kitab Risalah Al-Azhari". Hanifiya: Jurnal Studi Agama-Agama (dalam bahasa Inggris). 2 (2): 89–104. doi:10.15575/hanifiya.v2i2.7962. ISSN 2722-2772. 
  23. ↑ MA, Prof Dr H. Saifullah SA; M.Hum, Dr Febri Yulika, S. Ag (2017-12-01) (dalam bahaso id). PERTAUTAN BUDAYA - SEJARAH MINANGKABAU & NEGERI SEMBILAN. ISI Padangpanjang. ISBN 978-602-50846-6-9. https://books.google.co.id/books?id=SE9UDwAAQBAJ&pg=PA103&dq=Risalah+Penebas+Bid%E2%80%99ah-Bid%E2%80%99ah+di+Kepala+Batas&hl=en&sa=X&ved=2ahUKEwjCk9X39fbqAhVOfX0KHcZMCI0Q6AEwAHoECAEQAg#v=onepage&q=Risalah%20Penebas%20Bid%E2%80%99ah-Bid%E2%80%99ah%20di%20Kepala%20Batas&f=false. 
  24. ↑ http://eprints.walisongo.ac.id/2078/4/72111069_Bab3.pdf
  25. ↑ a b Yunus, Yulizal, Datuk Rajo Bagindo, 1955- (2008). Beberapa ulama di Sumatera Barat. Pemerintah Propinsi Sumatera Barat, Dinas Pariwisata Seni dan Budaya, UPTD Museum Adityawarman. pp. 123. OCLC 503300760. http://worldcat.org/oclc/503300760. 
Diambiak dari "https://min.wikipedia.org/w/index.php?title=Tahir_Jalaluddin&oldid=3158310"