Jamaluddin Al-Afghani

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Jamaluddin Al-Afghani

Sayyid Muhammad bin Safdar al-Husayn (1838-1897)[1] (bahaso Persia: سید محمد بن صفدر حسینی), umumnyo dipanggia jo Sayyid Jamal-Al-Din Al-Afghani (bahaso Persia: سید جمال الدین الافغاني) atau Al-Jamal Asadābādī-Din (bahaso Persia: جمال الدین اسدآبادی), lahia di desa Asadābād dakek Hamadān, Iran[2] (ado samantaro sumber nan mengacekan Asadabadi marujuak ka Asadabad, daerah provinsi Kunar di Afganistan[3][4]) marupoan aktivis politik, nasionalis Islam, palatak mulo sarato parintis Islamisme jo Pan Islamisme.[5][6] Inyo digambaran sabagai pribadi nan labaih mampajuangan parsatuan kaum Muslim dibandingan maribuikan pakaro-pakaro ketek soal yurisprudensi Islam. Inyo banyak manulih dalam majalah al-'Urwat al-Wuthqa.

Pandangan[suntiang | suntiang sumber]

Jamaluddin Al-Afghani bausaho mamacah tembok eksklusif kaum Muslimin dan mambaok mereka mamasuki dunia nan bapandangan laweh. Afghani tetap optimis jo prinsipnyo untuak mampasatuan umaik Islam meskipun inyo mancaliak realitas adonya kamajemukan bangsa, budaya, jo agamo. Inyo punyo kayakinan bahasonyo umat Islam dapek basatu sacaro politik dengan tatap mampartahankan pandangan mereka.[7] Baginyo, agamo itu surang, khususnyo Islam, bukan manjadian faktor parpecahan. Manuruiknyo parpacahan hanyo tajadi bilo dieksploitasi dek kapantingan-kapantiangan dek urang nan bakapantingan. Manuruik Jamal al-Din, parpacahan di kalangan panganuik agamo labiah banyak dibuek dek para panjua agamo. Merekalah nan maambuihan isu silang sangketo dan manggalehannyo di lapak agamo masiang-masiang untuak mangaruak kauntuangan pribadi.[8]

Salain itu, inyo picayo bahasonyo Islam jo hukum nan diturunan alah sasuai jo rasionalitas.[7]

Maningga[suntiang | suntiang sumber]

Jamaluddin Al-Afghani maningga dek kanker tenggorokan pado tangga 9 Maret 1897 di Istanbul. Mayiaknyo dimakamkan di sinan. Pado akhia 1944, dek adonyo parmintaan pamarentah Afghanistan, mayiaknyo dipindahan ka Afghanistan malalui India. Upacaro pamakamannyo disalanggaroan di Peshawar's Qissa Khwani Bazaar di muko gedung Konsulat Afghanistan. Sasudah itu, mayiaknyo dikubuan di Kabul, tapeknyo di dalam kompleks Universitas Kabul; sabuah mausoleum dibuek di sinan untuak manganangnyo.

Di Kabul, Afghanistan, sabuah universitas dinamoan bardasarkan namonyo, yakni Universitas Syed Jamaluddin Afghanistan. Ado pulo jalan di pusek kota Kabul nan disabuik jo namo Afghani. Di bagian lain Afganistan, tardapat banyak tampek mulai dari Rumah Sakit, Sekolah, Madrasah, Taman, jo Jalan nan banamo Jamaluddin Afganistan.

Caliak pulo[suntiang | suntiang sumber]

Rujuakan[suntiang | suntiang sumber]

  1. Britannica Encyclopædia, Online Edition 2007 - link
  2. N.R. Keddie, "Afghāni, Jamāl al-dīn", Encyclopædia Iranica, Online Edition 2005-2007
  3. From Reform to Revolution, Louay Safi, Intellectual Discourse 1995, Vol. 3, No. 1 LINK
  4. Historia, Le vent de la révolte souffle au Caire, Baudouin Eschapasse, LINK
  5. Ludwig W. Adamec, Historical Dictionary of Islam (Lanham, Md.: Scarecrow Press, 2001), p. 32
  6. Jamal al-Din al-Afghani Jewish Virtual Library
  7. a b Albert Hourani, Arabic Thought in the Liberal Age (Cambridge: Cambridge UP, 1983), pp. 104–125
  8. Muhammad Zaki Badawi, The Reformers of Egypt: A Critique of Al-Afghani, Abduh and Ridha, ISBN 0-85664-651-2 ISBN 978-0-85664-651-5