Ahmad Khatib Al-Minangkabawi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Ahmad Khatib Al-Minangkabawi
Lahia 1860
Bendera Balando Koto Tuo, Balai Gurah, IV Angkek, Agam, Hindia Balando
Wafaik 1916 (umua 56)
Bendera Kesultanan Utsmaniyah Mekkah, Kesultanan Utsmaniyah
Kabangsaan Bendera Karajaan Pagaruyuang Minangkabau
Karajo Ulama
Dikana dek Imam Basa Masjidil Haram, Mekkah
Agamo Islam
Pasangan iduik Khadijah jo Fathimah
Anak Abdul Karim
Abdul Malik
Abdul Hamid Al Khathib

Syaikh Ahmad Khatib Al-Minangkabawi Rahimahullah adolah ulama basa Indonesia nan pernah manjadi guru, khatib sarato imam basa di Masjidil Haram, sakaligus Mufti Mazhab Syafi'i pado akhia abaik ka-19 jo awal abaik ka-20. Baliau mamiliki peranan pantiang di Mekkah al Mukarramah sarato di sinan manjadi guru para ulama Indonesia.[1]

Riwayaik[suntiang | suntiang sumber]

Namo langkoknyo adolah Ahmad Khatib bin Abdul Latif al-Minangkabawi, laia di Koto Tuo Balai Gurah, IV Angkek Canduang, Agam, Sumatera Barat, Hindia Balando pado hari Sinayan 6 Dzulhijjah 1276 H (1860 Masehi) lalu wafaik di Mekkah hari Sinayan 8 Jumadil Awal 1334 H (1916 M).

Awal barado di Mekkah, baliau baguru ka babarapo ulama takamuko di sinan sarupo Sayyid Bakri Syatha, Sayyid Ahmad bin Zaini Dahlan, sarato Syekh Muhammad bin Sulaiman Hasbullah al-Makkiy.

Banyak sakali murik Syaikh Khatib nan diajaan fiqih Syafi'i. Kelak di kudian hari mareka manjadi ulama-ulama basa di Indonesia, sarupo Abdul Karim Amrullah (Haji Rasul) ayah dari Buya Hamka; Syaikh Muhammad Jamil Jambek, Bukittinggi; Syaikh Sulaiman Ar-Rasuli, Canduang, Bukittinggi, Syaikh Muhammad Jamil Jaho Padang Panjang, Syaikh Abbas Qadhi Ladang Laweh Bukittinggi, Syaikh Abbas Abdullah Padang Japang Suliki, Syaikh Khatib Ali Padang, Syaikh Ibrahim Musa Parabek, Syaikh Mustafa Husein, Purba Baru, Mandailiang, sarato Syaikh Hasan Maksum, Medan. Indak katinggalan pulo K.H. Hasyim Asy'ari jo K.H. Ahmad Dahlan, duo ulama nan masiang-masiang mandirian organisasi Islam nan paliang gadang di Indonesia, Nahdatul Ulama (NU) jo Muhammadiyah, marupoan murik dari Syaikhul Ahmad Khatib Rahimahullah.

Syaikhul Ahmad Khatib Rahimahullah adolah tiang tangah dari mazhab Syafi'i dalam dunia Islam pado pamuloan abaik ka XX. Baliau dikana pulo sabagai ulama nan sangaik paduli jo pancerdasan umaik. Imam Masjidil Haram ko adolah ilmuwan nan manguasoi Ilmu Fiqih, sijarah, aljabar, Ilmu Falak, Ilmu Ituang, sarato Ilmu Ukua (geometri).

Karya[suntiang | suntiang sumber]

Karya-karya Syaikh Ahmad Khatib dalam bahaso ’Arab:

  • Hasyiyah An Nafahat ‘ala Syarhil Waraqat lil Mahalli
  • Al Jawahirun Naqiyyah fil A’malil Jaibiyyah
  • Ad Da’il Masmu’ ‘ala Man Yuwarritsul Ikhwah wa Auladil Akhwan Ma’a Wujudil Ushul wal Furu’
  • Raudhatul Hussab
  • Mu’inul Jaiz fi Tahqiq Ma’nal Jaiz
  • As Suyuf wal Khanajir ‘ala Riqab Man Yad’u lil Kafir
  • Al Qaulul Mufid ‘ala Mathla’is Sa’id
  • An Natijah Al Mardhiyyah fi Tahqiqis Sanah Asy Syamsiyyah wal Qamariyyah
  • Ad Durratul Bahiyyah fi Kaifiyah Zakati Azd Dzurratil Habasyiyyah
  • Fathul Khabir fi Basmalatit Tafsir
  • Al ‘Umad fi Man’il Qashr fi Masafah Jiddah
  • Kasyfur Ran fi Hukmi Wadh’il Yad Ma’a Tathawuliz Zaman
  • Hallul ‘Uqdah fi Tashhihil ‘Umdah
  • Izhhar Zaghalil Kadzibin fi Tasyabbuhihim bish Shadiqin
  • Kasyful ‘Ain fi Istiqlal Kulli Man Qawal Jabhah wal ‘Ain
  • As Saifu Al Battar fi Mahq Kalimati Ba’dhil Aghrar
  • Al Mawa’izh Al Hasanah Liman Yarghab minal ‘Amal Ahsanah
  • Raf’ul Ilbas ‘an Hukmil Anwat Al Muta’amil Biha Bainan Nas
  • Iqna’un Nufus bi Ilhaqil Anwat bi ‘Amalatil Fulus
  • Tanbihul Ghafil bi Suluk Thariqatil Awail fima Yata’allaq bi Thariqah An Naqsyabandiyyah
  • Al Qaulul Mushaddaq bi Ilhaqil Walad bil Muthlaq
  • Tanbihul Anam fir Radd ‘ala Risalah Kaffil ‘Awwam
  • Hasyiyah Fathul Jawwad dalam 5 jilid
  • Fatawa Al Khathib ‘ala Ma Warada ‘Alaih minal Asilah
  • Al Qaulul Hashif fi Tarjamah Ahmad Khathib bin ‘Abdil Lathif
  • Adapun nan berbahasa Melayu adolah:
  • Mu’allimul Hussab fi ‘Ilmil Hisab
  • Ar Riyadh Al Wardiyyah fi [Ushulit Tauhid wa] Al Fiqh Asy Syafi’i
  • Al Manhajul Masyru’ fil Mawarits
  • Dhaus Siraj Pado Menyatakan Cerita Isra’ dan Mi’raj
  • Shulhul Jama’atain fi Jawaz Ta’addudil Jumu’atain
  • Al Jawahir Al Faridah fil Ajwibah Al Mufidah
  • Fathul Mubin Liman Salaka Thariqil Washilin
  • Al Aqwal Al Wadhihat fi Hukm Man ‘Alaih Qadhaish Shalawat
  • Husnud Difa’ fin Nahy ‘anil Ibtida’
  • Ash Sharim Al Mufri li Wasawis Kulli Kadzib Muftari
  • Maslakur Raghibin fi Thariqah Sayyidil Mursalin
  • Izhhar Zughalil Kadzibin
  • Al Ayat Al Bayyinat fi Raf’il Khurafat
  • Al Jawi fin Nahw
  • Sulamun Nahw
  • Al Khuthathul Mardhiyyah fi Hukm Talaffuzh bin Niyyah
  • Asy Syumus Al Lami’ah fir Rad ‘ala Ahlil Maratib As Sab’ah
  • Sallul Hussam li Qath’i Thuruf Tanbihil Anam
  • Al Bahjah fil A’malil Jaibiyyah
  • Irsyadul Hayara fi Izalah Syubahin Nashara
  • Fatawa Al Khathib dalam versi bahaso Melayu

Rujuakan[suntiang | suntiang sumber]