Lauik Jawa

Dari Wikipedia baso Minang, ensiklopedia bebas
Jump to navigation Jump to search

Lauik Jawa adolah parairan dangkal jo laweh kiro-kiro 310.000 km2 di antaro Pulau Kalimantan, Jawa, Sumatera, jo Sulawesi di gugusan kapulauan Indonesia. Lauik iko relatif mudo, tabantuak pado Zaman Es[1] tarakhir (sakitar 12.000 tahun Sabalun Masehi) katiko duo sistem sungai basatu. Di baraik lauiknyo, Salek Karimata nan manghubuangkannyo jo Lauik Cino Salatan.

Di Lauik Jawa tqdapat babarapo gugusan pulau jo kapulauan: Kapulauan Seribu di utaro Kabupaten Tangerang jo sacaro administratif masuak dalam wilayah DKI Jakarta, Kapulauan Karimun Jawa nan masuak administrasi Jawa Tengah, Pulau Bawean jo pulau-pulau ketek di sakitarnyo, Kapulauan Masalembo, jo Pulau Kangean basarato pulau-pulau ketek di sakitarnyo nan berado di bawah administrasi Provinsi Jawa Timur.

Parikanan adilah kagiatan ekonomi penting di Lauik Jawa. Ado 3.000 labiah spesies kahidupan lauik di daerah iko. Lauik Jawa, khususnyo di bagian baraik mampunyoi cadangan minyak bumi jo gas alam nan dapek dieksploitasi.

Daerah sakitar Lauik Jawa marupoan daerah tujuan pariwisata populer. Selam scuba manawaran kesempatan untuak manjelajahi jo mamotret guo bawah lauik, kapa tanggelam, tarumbu karang, jo kahidupan bawah aia. Babarapo taman nasional barado di daerah ini. Dakek Jakarta, di Kapulauan Seribu adolah Taman Nasional Kapulauan Saribu. Karimun Jawa adolah taman nasional nan tadiri dari duo puluah tujuah pulau. Pulau Menjagan, dakek Bali, adolah taman nasional "secluded".

Dalam sajarah Parang Dunia II, Lauik Jawa marupoan lokasi naas bagi pasukan Sakutu. Pado bulan Pebruari jo Maret 1942, angkatan Lauik Balando, Britania, Australia, jo Amerika Sarikat nyaria dihancuan serangan Japang[2][3].

Referensi[suntiang | suntiang sumber]

  1. "Pleistocene Sea Level Maps ", (The Field Museum).
  2. Oosten, F. C. van The Battle of the Java Sea Publisher: London : I. Allen, 1976. ISBN 0-7110-0615-6
  3. Thomas, David A. Battle of the Java Sea. London: Pan Books, 1971. ISBN 0-330-02608-9

Koordinat: 5°16′00″S, 111°43′52″E