Lautan Pasifik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Lautan Pasifik.

Lautan Pasifik (dari bahaso Sepanyol Pacifico, nan bamukasuik "tanang") atau kadang-kadang juo disabuik Lautan Taduah, iyolah kumpulan sado lauik di antaro Asia jo Australasia di sabalah barat, Amerika di sabalah timur, Antartika di sabalah selatan jo Lautan Artik di sabalah utara.

Lautan Pasifik marupoan kumpulan aia tagadang di dunia. Iyo malipuiki kiro-kiro sepertiga muko Bumi, jo laweh sagadang 179.7 juta km² (69.4 juta mi²). Panjangnyo labiah kurang 15,500 km (9,600 bt) dari Lauik Bering di Artik inggo dibateh ais di Lauik Ross di Antartika di selatan. Lautan Pasifik mancapai leba timua-barat tagadang pado kiro-kiro 5 darjah U garih lintang, di mano inyo tabantang kiro-kiro 19,800 km (12,300 mi) dari Indonesia inggo pasisia Colombia. Bateh sabalah barat lautan iko biasonyo talatak di Selat Melaka. Titiak paliang randah di muko Bumi—Jurang Mariana—barado di Lautan Pasifik.

Lautan Pasifik tadiri dari labiah kurang 25 000 kapulauan (labiah dari jumlah kapulauan nan barado di lautan dunia lainnyo jikok digabuang), nan sabagian gadangnyo talatak di selatan katulistiwa.

Di bateh Lautan Pasifik tadapek banyak lautan, nan tagadang adolah Lauik Sulawesi, Lauik Korea, Lauik Cina Timua, Lauik Jepang, Lauik Cino Salatan, Lauik Sulu, Lauik Tasman jo Lauik Kuning. Selat Melaka maubuangan Lautan Pasifik jo Lautan Hindi di sabalah barat, jo Selat Magellan maubuangan Lautan Pasifik jo Lautan Atlantik di sabalah timua.