Eurasia
Eurasia adolah banua paliang gadang di bumi nan marupokan gabuangan dari Eropa jo Asia.[1][2] Utamonyo di balahan bumi utara jo timur, mambantang dari Kapulauan Britania jo Samananjuang Iberia di barat inggo ka Kapulauan Japang jo Indonesia di timur. Daratannyo dibatehi Lautan Atlantik jo Afrika di barat, Lautan Pasifik di timur, Lautan Arktik di utara, sarato Afrika, Lauik Mediterania, jo Lautan Hindia di selatan.[3] Pambagian antaro duo banua, Eropa jo Asia, tajadi dek konstruksi sijarah sosial di kaduo banua ko, sadangkan indak ado bateh jaleh sacaro fisik di antaro kaduonyo inggo tasabuik sabagai banua paliang gadang dari anam, limo, atau ampek banua di bumi (bagantuang pado pambagian banua nan dianuik). Dalam geologi, Eurasia acok dianggap sabagai daratan gadang nan kaku (a single rigid megablock).[2] Namun, kakakuan Eurasia masih dipadebatkan manuruik data paleomagnetik.[4][5]
Eurasia malingkuangi 36,2% total area tanah di bumi, sarato tampek untuak nagara paliang laweh di dunia, Rusia. Daratannyo diuni labiah dari 5 miliar urang, sarupo 70% populasi manusia. Manusia partamo alah mauni Eurasia antaro 60.000 inggo 125.000 taun nan lalu. Banyak pulau gadang cando Britania Raya, Islandia, Irlandia, jo Sri Lanka, ataupun Japang, Filipina, jo sabagian gadang pulau Indonesia, acok dimasuakkan dalam Eurasia, walaupun tapisah dari kasinambuangan dareknyo.
Sacaro fisiografi, Eurasia marupokan ciek banua.[2] Konsep Eropa jo Asia sabagai banua nan tapisah alah ado sajak saisuak, dan pabatehannyo sacaro geologis barubah-ubah. Eurasia taubuang ka Afrika malalui Tarusan Suez, dan Eurasia takadang digabuangkan jo Afrika inggo manjadi banua nan paliang gadang nan dinamokan Afro-Eurasia.[6] Dek laweh wilayahnyo sarato pabedaan garih lintang, Eurasia mamiliki sadoalah tipe iklim manuruik klasifikasi Köppen, tamasuak jinih suhu paneh jo dingin nan paliang kareh, curah ujan tinggi jo randah, sarato babagai jinih ekosistem.
Rujuakan
[suntiang | suntiang sumber]- ↑ Nield, Ted. "Continental Divide". Geological Society. Diarsipkan dari versi asli tanggal 3 December 2013. Diakses tanggal 8 August 2012.
- ↑ a b c "How many continents are there?". National Geographic Society. Diarsipkan dari versi asli tanggal 16 July 2019. Diakses tanggal 27 July 2017.
By convention there are seven continents: Asia, Africa, North America, South America, Europe, Australia, and Antarctica. Some geographers list only six continents, combining Europe and Asia into Eurasia. In parts of the world, students learn that there are just five continents: Eurasia, Australia (Oceania), Africa, Antarctica, and the Americas.
- ↑ "What is Eurasia?". geography.about.com. Diarsipkan dari versi asli tanggal 18 November 2012. Diakses tanggal 17 December 2012.
- ↑ Pavlov, V.E. (2012). "Siberian Paleomagnetic Data and the Problem of Rigidity of the Northern Eurasian Continent in the Post Paleozoic". Izvestiya, Physics of the Solid Earth. 48 (9–10): 721–737. Bibcode:2012IzPSE..48..721P. doi:10.1134/S1069351312080022.
- ↑ Li, Yong-Xiang; Shu, Liangshu; Wen, Bin; Yang, Zhenyu; Ali, Jason R. (1 September 2013). "Magnetic inclination shallowing problem and the issue of Eurasia's rigidity: insights following a palaeomagnetic study of upper Cretaceous basalts and redbeds from SE China". Geophysical Journal International (dalam bahasa Inggris). 194 (3): 1374–1389. Bibcode:2013GeoJI.194.1374L. doi:10.1093/gji/ggt181
. ISSN 0956-540X.
- ↑ R. W. McColl, ed (2005). 'continents' – Encyclopedia of World Geography, Volume 1. Golson Books Ltd.. p. 215. ISBN 9780816072293. https://books.google.com/books?id=DJgnebGbAB8C&pg=PA215. Diakses pado 26 Juni 2012. "And since Africa and Asia are connected at the Suez Peninsula, Europe, Africa, and Asia are sometimes combined as Afro-Eurasia or Eurafrasia."
 |
Iko baru laman rancangan. Bantulah Wikipedia untuak mangambangannyo. |