Sambalado

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

[1]SAMBALADO adolah salah satu jenis makanan khas di Minangkabau nan bahan dasarnyo tabuek dari lado. Urang jawa manyabuik sambalado jo sambal balado. Sambalado biasonyo dimakan urang Minangkabau sabagai kawan jo pangganti lauk pauak. Lado nan dipakai biasonyo lado karitiang, lado bulek, lado merah, lado mudo atau lado hijau. Bahan-bahan mambuek sambalado, takah lado, garam, bawang jo tomek. Sambalado dimasak urang Minang indak hanyo untuak pangganti lauak pauak di rumah, tapi di hidangan juo di acaro-acaro adaiak jo baralek.

Macam-macam Sambalado[suntiang | suntiang sumber]

Babagai macam sambalado di Minangkabau:

1. Sambalado goriang : lado nan lah sudah digiliang jo garam, bawang, tomek, digoriang di dalam kuali

2. Sambalado uok : lado nan lah sudah digiliang dimasuak’an ka dalam nasi nan sadang di masak

3. Sambalado abuih : lado talabiah dahulu diabuih jo aie nasi nan sadang di masak basamo jo bawang jo tomek, sasudah itu baru digiliang jo batu simbaran.

4. Sambalado mudo : sambalado mudo tabuek dari lado mudo nan masiah hijau campua jo tomek hijau, tambah jo parasan asam limau.

5. Sambalado tanak : lado nan lah digiliang dimasuak’an ka dalam santan karambia, campua tomek, bawang, rampah-rampah, bako ditambah jo bada teri, talua habuih, ado lo jo jariang atau patai.

6. sambalado baluik : sambalado nan bahan utamonyo dari lado jo baluik

Sambalado
Sambalado

7. sambalado taruang : sambalado nan bahan utamonyo dari lado jo taruang mato kabau, atau taruang ungu.

8. Sambalado koyok : samo jo sambalado uok, tanpa digoriang, istilah sambalado iko hanyo dipakai di Nagari Alahan Panjang, Kabupaten Solok

Rujuakan[2]

  1. [www. "padangfood.com"]. www.. 
  2. [http: "masakanminangkabausaisuak.com"]. http:.