Balado

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Balado
Udang balado.jpg
Udang balado
Asa
Namo lain Samba balado
Nagara Indonesia
Daerah Sumatera Barat
Pambuek Masakan Padang
Detail Makanan
Jinih Makanan Samba utamo
Panyajian Angek
Bahan Utamo Talua, ayam, dagiang, lauak pado campuran bumbu nan baagiah banyak lado

Balado adolah jinih bumbu (campuran bahan) padeh nan ditamukan pado masakan Minangkabau nan dari Sumatera Barat, Indonesia.[1] Bumbu balado dibuek jo manggoreng sarato mancampua lado sirah (adopulo variasi ijau) jo bumbu-bumbu cando bawang putiah, bawang merah, tomaik, jo saketek asam kapeh pado minyak goreng.

Bahan-bahannyo sarupo sabananyo jo mambuek sambalado. Namun, indak sarupo sambalado nan biasonyo dihidang tapisah untuak panambah salero, bumbu balado dicampua sarato digoreng basamo jo bahan samba utamo dan dipalakukan sarupo samba utamo. Balado sasuai untuak udang goreng, cumi, lauak (utuah atau potongan), ayam, talua abuih, dendeng, taruang, atau kantang.[2]

Dek bahan jo caro mamasak nan saroman, istilah balado acok batuka pakai jo sambal goreng. Walau baitu, istilah balado labiah spesifik marujuak pado tradisi masak Minangkabau, samantaro sambal goreng marujuak pado tradisi masak masakan Indonesia sacaro umum.

Asa jo distribusi[suntiang | suntiang sumber]

Balado adolah salah satu teknik mamasak tradisional urang Minangkabau, nan manjadi dasa masakan Padang. Mulonyo lado merah di Sumatera dibaok dek kolonial Spanyol jo Portugih pado abaik ka 16-17.

Dek tanamonyo masakan Padang di Indonesia, balado pun samakin tanamo di lua Sumatera. Panyajian jo pangolahan bahan makanan jo balado manjadi bagian pantiang dalam panyajian masakan Padang di babagai lapau nasi jo restoran Padang. Salain itu, pangolahan sarupo ko alah manjadi spesialisasi masakan Padang nan indak dimiliki restoran masakan daerah lain.

Pangolahan jo panyajian[suntiang | suntiang sumber]

Balado dapek dibuek dari baragam jinih produk makanan: dagiang, ikan, ayam, tahu, tempe, sayua, jo talua abuih (ayam atau itiak). Ampia acok untuak dibuek jo ciek bahan utamo, kadang-kadang ado pulo nan mancampuanyo. Dagiang, ayam, lauak gadang, taruang, jo kantang dikarek-karek sabalun diolah, jo taluanyo dikupeh. Dagiang nan acok digunokan adolah dagiang nan masih matah, sarato acok mamakai dagiang dendeng nan alah dikarek tipih-tipih.

Pizza balado, Jakarta

Ado duo tahap manggoreng makanan nan umum pado panyajian jo balado: partamo dalam minyak goreng, nan sacaro khusus untuak manggoreng lado jo bumbu-bumbunyo. Pado tahap kaduo, nan ka jadi bahan utamo digoreng dalam wajan atau cambuang basi lalu kudian baru dicampua jo lado sarato bumbunyo. Nan paliang pantiang adolah sabalun manggoreng, lado sarato bumbunyo alah digiliang talabiah dulu baiak dalam giliangan aluih atau kasa (labiah dipiliah). Bumbu-bumbu ikuik digiliang antaronyo garam, gulo, kunyik, parasan asam kapeh jo daun limau, tomaik, sarato bawang (merah jo putiah). Dalam pamasakannyo, sado bahan tasabuik diaduak supayo marato di sado sisi salamo babarapo minik.

Pado taun 2000-an, lah mulai restoran jo kadai-kadai makanan non Minangkabau maadopsi balado ka menunyo, sarupo pizza balado. Balado dalam panyajiannyo ado nan dicampua lansuang ka menunyo atau adopulo nan disajikan tapisah. Balado nan manjadi ciri khas Minang sacaro capek tanamo ka sadoalah Indonesia sairiang dek tanamonyo masakan Padang.[3]

Ragam[suntiang | suntiang sumber]

Dalam bahaso Minang kato balado aratinyo "diagiah lado" atau "jo lado". Dek karano itu, panamoan makanan biasonyo jo manggabuangan namo bahan utamo diikuti kato "balado" di akhianyo, misalnyo:

Galeri[suntiang | suntiang sumber]

Pado budayo populer[suntiang | suntiang sumber]

Balado nan padeh manjadi inspirasi pado lagu dangdut populer bajudul Sambalado nan dinyanyikan Ayu Tingting.[13]

Caliak pulo[suntiang | suntiang sumber]

Rujuakan[suntiang | suntiang sumber]

  1. Pepy Nasution (7 August 2008). "Balado, The Tangy Chili Sambal from West Sumatra". Indonesia Eats. http://indonesiaeats.com/balado-sambal-lado-indonesian-west-sumatra-chili-sambal/. 
  2. "Balado sauce". SBS. http://www.sbs.com.au/food/recipes/balado-sauce. 
  3. Nikmatnya Pizza Dengan Topping Terong Balado (Indonesia). Tribun Kaltim (26 апреля 2016). — Surek kaba elektronik. Data diakses pado 14 Oktober 2016.
  4. Gilang Shanahan (13 October 2014). "Balado Chicken / Ayam Balado". http://mybigfatcookingblog.blogspot.co.id/2014/10/052-balado-chicken-ayam-balado.html. 
  5. "Cumi balado Pete (spicy dried squid with sator bean)". Dapur Dini. 14 Mai 2012. https://dapurdini.wordpress.com/2012/05/14/cumi-balado-pete-spicy-dried-squid-with-sator-bean/. 
  6. Rima Sjoekri (10 September 2013). "Mum's Dendeng Balado". Food 52. https://food52.com/recipes/23879-mum-s-dendeng-balado. 
  7. "Kentang Balado" (dalam bahaso Indonesian). Sajian Sedap. http://sajiansedap.grid.id/Masakan/Goreng/Mudah-Diikuti-Resep-Kentang-Balado-Sederhana-Ini-Dijamin-Bikin-Nagih. 
  8. Anita (4 August 2013). "Telur Balado – Eggs with Chili Sauce". Daily Cooking Quest. http://dailycookingquest.com/by-category/side-dish/telur-balado-eggs-with-chili-sauce. 
  9. "Balado Terong Recipe". http://www.indofoodstore.com/balado-terong-recipe-indonesian-ingredients-and-video.aspx. 
  10. "Nikmatnya Ikan Tuna Balado". Nova. 8 Mai 2017. http://nova.grid.id/Sedap/Makanan/Nikmatnya-Ikan-Tuna-Balado. 
  11. Anita (29 October 2015). "Balado Udang – Shrimps in Spicy Chili Sauce". Daily Cooking Quest. http://dailycookingquest.com/by-cuisine/indonesian/balado-udang-shrimps-in-spicy-chili-sauce. 
  12. "Resep Sambal lado". Cookpad. https://cookpad.com/id/cari/sambal%20lado. 
  13. "Ayu Ting Ting - Sambalado (Official Music Video)". Youtube. https://www.youtube.com/watch?v=jlQVAlmXqoE. 

Pautan lua[suntiang | suntiang sumber]