Jariang

Wikipedia Minangkabau - Lubuak aka tapian ilimu
Jariang
Archidendron pauciflorum Edit nilai pada Wikidata

Edit nilai pada Wikidata
Taksonomi
DivisiTracheophyta
SubdivisiSpermatophytes
KladAngiospermae
Kladmesangiosperms
Kladeudicots
Kladcore eudicots
KladSuperrosidae
Kladrosids
Kladfabids
OrdoFabales
FamiliFabaceae
SubfamiliMimosoideae
TribusIngeae
GenusArchidendron
SpesiesArchidendron pauciflorum Edit nilai pada Wikidata
I.C.Nielsen, 1985
Tata namo
Basionim Pithecellobium pauciflorum (en) Terjemahkan Edit nilai pada Wikidata
Ubah di Wikidata

Jariang atau joriang (Archidendron pauciflorum), sinonim: A. jiringa, Pithecellobium jiringa, jo P. lobatum) adolah tumbuahan khas di wilayah Asia Tenggara. Inceknyo digemari di Malaysia (disabuik "jering"), Myanmar (disabuaik "da nyin thee"), jo Thailand (disabuik "luk--nieng atau "luk neang").[1] Masyarakaik Indonesia mangenalnyo sabagai bahan pangan.

Jariang tamasuak ka suku polong-polongan (Fabaceae). Buahnyo barupo polong nan bantuaknyo gepeng bapilin mambantuak spiral, bawarna lambayuang tuo. Incek buah bakulik ari tipih dengan warna cokelat mangkilek. Jariang dapek manimbulkan baun indak lamak pado urin sasudah diolah dan diproses dek pencernaan, tarutamo bilo dimakan matah sarupo lalap.

Jariang diketahui dapek mancegah diabetes jo basifek diuretik dan elok untuak kesehatan jantuang. Tanaman ko dipakiroan juo mampunyoi kamampuan manyerap aia tanah nan tinggi sahinggo bamanfaaik untuak konservasi aie di suatu tampek.

Karakter incek[suntiang | suntiang sumber]

Inceknyo dalam keadaan masak kareh, tetapi barubah manjadi lunak jo ampuak sesudah diabuih atau agak liek sesudah digoreng. Tekstur ikolah nan mambueknyo disukoi, walaupun babarapo urang suko makonsumsi incek nan mudonyo dalam keadaan matah nan jauah labiah kareh jo pahik. Kulik incek mampunyoi gatah bawarna keunguan nan maningaan jajak nan sulik dihapus di pakaian. Samakin tuo, warna incek akan mangarah ka warna kuniang nan akhirnyo sirah atau coklat sasudah bana-bana masak.

Aromanyo agak manyarupoi patai tatapi labiah lamah. Namun sasudah dikonsumsi, tubuh akan mangaluarkan baun manyangaik malalui urin, feses jo karingek, nan dipacayo labiah manggaduah dibandiang mangkonsumsi patai.

Caro mangolah[suntiang | suntiang sumber]

Incek jariang
Nilai nutrisi per 100 g (3.5 oz)
Energi ?
Karbohidrat 25.67 g
- Serat pangan 1.76 g
Lemak 1.45 g
Protein 14.19 g
Persentase marujuak pado rekomendasi Amerika Serikat untuak urang gadang.
Sumber: [2]
Nasi uduk disajian jo semur jariang, empal dagiang, jo krecek.

Incek jariang dapek dimakan segar ataupun diolah. Olahan paliang umum adolah disemur, nan dikenal dek urang Sunda sabagai ati maung atau "hati macam". Jariang dapek pulo digoreng jo balado atau dijadian gulai. Sasudah diolah, jariang akan mangaluarkan aroma khasnyo nan bagi sabagian urang dianggap dapek manabiakan salero jo mampunyoi cito raso nan khas; saketek kalek jo tekstur nan agak liek.

Salain disemur, incek jariang juo dapek dibuek manjadi karipik sarupo halnyo emping dari melinjo, caronyo ditumbuak atau dipipihan, dikarianggan, kamudian digoreng. Efek negatif baun jariang nan manyangaik dapek dikurangi jo parendaman atau perebusan.

Manggaduah kesehatan[suntiang | suntiang sumber]

Incek jariang saketek baracun karano adonyo kanduangan asam jariang, sabuah asam amino nan dapek manyebabkan djenkolsm (keracunan incek jariang). Gejala nan timbua antaro lain tajadinyo kajang otot, pirai, retensi urin, dan gagal ginjal akuik.[3] Kondisi tasabuik tarutamo dialami urang laki-laki, nan indak tagantuang dari barapo jumlah incek jariang nan disiapkan. Satiok individu dapek mangkonsumsi jariang tanpa insiden, tatapi dapek mangalami gagal ginjal pado kasempatan nan lain.[4]

Mamakan jariang dalam jumlah saketek manimbuakan masalah panampilan, karano manghasilkan baun muluik, karingek, feses, dan urin. Sabananyo baun ko bisa diatasi jo mambarasiahan diri jo peralatan kebersihan nan manganduang pangharum, sarupo pasta gigi, cairan kumua, sabun, jo deodoran. Baun pado waktu kanciang dapek dikurangi apobilo pambilasan dilakuan sabalum dan sasudah kanciang dengan jumlah aia nan cukuik atau bilo paralu dibileh jo cairan pambarasiahan.

Salain baun, jariang dapek mangaduah kasehatan sasaurang apobilo konsumsi jariang balabiahan manyebabkan tajadinyo panumpukan kristal di saluran urin, nan disabuik kajariangan. iko tajadi karano jariang manganduang asam jengkolat nan tinggi nan sulik laruik di aia pado pH nan asam. Konsumsi balabiahan akan manyebabkan tabantuaknyo kristal nan mangaduah urinasi. Risiko takanai kajengkolan dikatahui bavariasi pado satiok urang, nan dipangaruhi sacaro genetik jo dek lingkuangan.

Manfaaik kesehatan[suntiang | suntiang sumber]

Dari segi nutrisi, jariang mampunyo vitamin, asam jengkolat, mineral, jo serat nan tinggi.[5] Namun karano efek sampiang nan ditimbuakan, mako konsumsi manjadi tabateh.

Referensi[suntiang | suntiang sumber]

  1. "arsenic poisoning in Bangladesh/India". www.sos-arsenic.net. Diakses tanggal 2020-10-26. 
  2. Sridaran, Ashuwini, Alias A. Karim, and Rajeev Bhat. "Pithecellobium jiringa legume flour for potential food applications: Studies on their physico-chemical and functional properties." Food Chemistry 130.3 (2012): 528-535.
  3. Wong, J.S., et al. (2007). Acute anuric renal failure following jering bean ingestion. Asian j surg 30:1 80-1
  4. Adler, S. G. and J. J. Weening. (2006). A case of acute renal failure. Clin J Am Soc Nephrol 1: 158-165
  5. Dengan kandungan serat tinggi, jengkol bisa membantu melancarkan buang air besar. Sifatnya yang diuretik juga membantu buang air besar. Manfaat dari Jengkol dan Pete dari situs Pusat Data Persi Archived 2013-02-22 di Wayback Machine.

Pautan lua[suntiang | suntiang sumber]

  • Media tantang Jariang di Wikimedia Commons