Patai

Patai
Polong patai
Klasifikasi ilmiah
Kingdom:	Plantae
Division:	Magnoliophyta
Class:	Magnoliopsida
Order:	Fabales
Family:	Fabaceae
Subfamily:	Mimosoideae
Genus:	Parkia
Species:	P. speciosa
Namo binomial
Parkia speciosa

Nasi goreng kambiang patai di Jakarta, nasi goreng diagiah kambiang jo patai.

Patai balado Malaysia jo dagiang cincang, udang kariang, lado, bawang, belacan jo kecap.

Patai, potai, pete (IPA:pətɛ), atau mlanding (Parkia speciosa) marupoan pohon taunan tropika dari famili polong-polongan (Fabaceae), subfamili patai-pataian (Mimosoidae). Tumbuahan iko taserak lowe di Nusantara bagian barat. Bijinyo, nan disabuik "patai", dikonsumsi juo katiko masih mudo, baiak mantah maupun dirabuih.

Pohon patai manaun, tenggi dapek mancapai 20m dan kurang bacabang. Daunnyo majemuk, tasusun sajajar. Bungo majemuk, tasusun dalam bongkol (khas Mimosoidae). Bungo tabik biasonyo di dakek ujuang rantiang. Buahnyo gadang, mamanjang, batipe buah polong. Dari ciek bongkol dapek ditamui hinggo balasan buah. Dalam sabuah tadapek hinggo 20 biji, nan bawarno hijau katiko mudo dan tabaluik dek salapuik agak tabal bawarno coklat torang. Buah patai akan mangariang jiko masak dan malapehan biji-bijinyo.

Biji patai, nan babaun khas dan agak sarupo jo jariang, dikonsumsi mantah maupun dijadian bahan campuran sejumlah lauak. Sambal goreng hati indak longkok tanpa batambah patai. Sambal patai marupoan juo menu lado jo patai.

Biji patai biasonyo dijua jo manyaratoan polongnyo. Dek tu, pangamasan modern dilakuan jua jo mangamasnyo dalam plastik atau dalam stirofoam nan dibungkuih plastik press kedap udaro.

Caliak pulo

• Data tantang Patai di Wikispecies
• Media tantang Patai di Wikimedia Commons
• Patai cino

Pautan lua

• Another species of the Zongtra
• Yongchak finds a new home in Ukhrul