Marondang boreh

Marondang boreh merupakan suatu tradisi di kalangan masyarakat Payakumbuh khususnya di wilayah Koto Nan Gadang.

Marondang Boreh adolah suatu bantuak tradisi di Minang. Marondang Boreh diadoan dalam bantuak upacara aqiqah di Koto Nan Godang Payakumbuh. Tradisi marondang boreh ko batujuan untuak pengenalan dunia kapado anak nan baru lahia dan juga raso syukur atas keselamatan dalam proses kelahiran anak, dan sebagai pelaksanaan terhadap sunah nan dianjurkan Nabi Muhammad SAW. Berdasarkan syariaik agamo tradisi marondang boreh ko indak batantangan jo syariaik Agamo Islam.

Tradisi Marondang Boreh biasonyo dilakuan oleh pihak bapak yaitu Induak Bako ( dunsanak padusi ayah ) anak nan aqiqah,karena pado saat tradisi ko dilakuan masyarakaik akan maliek baa adat atau bangso bapaknyo. Maksud bangso disiko adolah masyarakat akan maliek baa bapaknyo mengetahuai adat Koto Nan Gadang tersebut.

Waktu Pelaksanaan

Biasonyo tradisi marondang boreh ko diadoan sore hari pado saat upacara aqiqah dilakuan, tradisi ko adolah kegiatan mambuekan randang bareh untuak manyambuik sakaligus pengadatan anak nan baru lahia.

Proses Pembuatan

adopun proses nan dilakuan dalam tradisi marondang boreh ko diantaronyo :

1. mamiliah bahan untuak marondang boreh, mamiliah bahan nan digunoan dalam tradisi marondang boreh ko adoalah kegiatan penting nan dilakuan sebab dalam adaik nan balaku bahan nan digunoan harus bahan nan bakualitas baik dan bagus. adopun bahan nan digunoan diantaronyo bareh sipuluik, pisang buai, tabu itam, dan karambia.
2. proses mambuek randang boreh, kegiatan marondang boreh ko biasonyo diadoan pada pagi hari, bahan-bahan nan dipagunoan dalam tradisi marondang boreh tadi akan diolah satu persatu dan akan disusun sesuai ketentuan nan balaku dalam tradisi tersebut. adopun kegiatan tersebut adolah partamo marondang sipuluik dengan manggunoan kuali nan tabuek dari basi nan dipanehan tanpa manggunoan minyak goreng atau bahan lain nan dapek mampacapek masaknyo sipuluik tadi. Kaduo mamotong tabu, dalam tradisi ko mamotong tabu dilakuan dengan cara mambukak kulik tabu labiah dahulu dan mamotongnyo dalam bantuak bulek pipih. Katigo mamaruik karambia, Dalam Bahaso Koto Nan Gadang disabuik mamanguah. Karambia nan digunoan dalam tradisi ko adolah karambia nan agak mudo. Kaampek mamotong pisang, pisang buai nan digunoan dalam tradisiko akan dipotong sama seperti mamotong tabu tadi yaitu berbentuk bulek pipih tanpa mambukak kuliknyo talabiah dahulu.
3. panyajian rondang boreh, Kegiatan penyajian ini nantinya akan dilakukan di rumah bako anak nan di rondang borehkan. Namun sabalum tu ado beberapa kegiatan penyajian nan dilakuan diantaronyo, partamo yaitu mancampua boreh rondang samo karambia paruik. Kaduo alaik untuak panyajian, penyajian satiok bahan nan diparaluan akan disajikan dengan kriteria tertentu dan disajikan manggunoan "Dulang". Katigo,makanan dan benda pelengkap dalam tradisi marondang boreh antaro lain pinyaram, kue bolu, kue sapik, kue loyang, bodak anak, sikek, camin, kain panjang batiak, sabun mandi anak, katan kuniang, bareh, talua, dan ayam gadih.

Fungsi Tradisi Marondang Boreh

Fungsi marondang boreh dalam kahidupan masyarakaik di Koto Nan Gadang Payakumbuh yaitu manjauhan anak dari kepercayan-kepercayaan buruak nan ado dalam lingkuangan masyarakat. Dan untuak mandapekan pangakuan masyarakat atas keberhakannya hiduik dan bagaua dalam masyarakat Koto Nan Gadang, sebab masyarakat meyakini dahulunya tradisi ko adolah bantuak tulak bala dalam berbagai kejadian yang manimpa anak nan baru lahia. Bagi keluarga Tradisi Marondang Boreh berfungsi sebagai bentuk wujud cipta masyarakaik akan kehadiran atau kelahiran manusia dalam adat istiadat Nagari Koto Nan Gadang, dan sebagai wadah pengenalan anak terhadap masyarakaik sekitar nagari tersebut.