Urang Cino Indonesia

Wikipedia Minangkabau - Lubuak aka tapian ilimu
(Dialiahkan dari Cino Indonesia)
Loncat ke navigasi Loncat ke pencarian
Urang Cino Indonesia
印度尼西亚华人
印度尼西亞華人
Jin De Yuan, Chinese Indonesian.jpg
Urang Cino Indonesia nan sadang sumbayang
Jumlah populasi

2.832.510 (2010)[1]

Kawasan bapopulasi cukuik banyak
DKI Jakarta 632.372
Kalimantan Barat 358.451
Sumatra Utara 340.320
Jawa Barat 254.920
Jawa Timur 244.393
Banten 183.689
Jawa Tengah 139.878
Kepulauan Riau 128.704
Riau 101.864
Bangka Belitung 99.624
Sumatra Selatan 72.575
Sulawesi Selatan 43.846
Lampung 39.979
Jambi 37.246
Kalimantan Timur 32.757
Bali 14.970
Kalimantan Selatan 13.000
Sulawesi Tengah 12.520
D.I. Yogyakarta 11.545
Sumatra Barat 10.799
Aceh 9.620
Sulawesi Utara 8.532
NTT 8.039
NTB 7.388
Kalimantan Tengah 5.130
Maluku 4.556
Papua 3.405
Bengkulu 2.890
Sulawesi Tenggara 2.890
Papua Barat 2.425
Maluku Utara 2.304
Gorontalo 1.219
Sulawesi Barat 660
Bahaso
Utamonyo: CinoIndonesia
Juo: HokkienHakkaTiochiuKantonUighurMandarinJawaSundabahaso daerah lainnyo di Indonesia.
Agamo
sabagian gadang pamaluak agamo Kristen Katolik 35%, Protestan 9% jo Buddha 50%, sabagian ketek mamaluak Kong Hu Cu jo Islam.
Kalompok etnik tadakek
Mayoritas suku Han • minoritas suku Hui di Tiongkok.

Urang Cino Indonesia atau Tionghoa Indonesia adolah salah satu etnis di Indonesia nan asa usua niniak muyangnyo dari Cino. Biasonyo urang etnik ko manyabuik dirinyo surang jo istilah Tenglang (Hokkien), Tengnang (Tiochiu), atau Thongnyin (Hakka). Dalam bahaso Mandarin etnik ko disabuik Tangren (Hanzi: 唐人, "urang Tang") atau lazim disabuik Huaren (Hanzi Tradisional: 華人 ; Hanzi Sederhana: 华人) . Disabuik Tangren dek sabab sasuai jo kanyatoan baso urang Cino Indonesia mayoritas barasa dari Cino selatan nan manyabuik dirinyo sabagai urang Tang, samantaro urang Cino utara manyabuik dirinyo sabagai urang Han (Hanzi: 漢人, Hanyu Pinyin: Hanren, "urang Han").

Niniak muyang urang Cino Indonesia baimigrasi sacaro bagalombang sajak ribuan taun nan lalu malalui padok paniagoan. Parannyo acok kali muncua dalam sijarah Indonesia, bahkan sabalun Republik Indonesia dideklarasikan dan tabantuak. Catatan-catatan dari Cino manyatoan baso karajaan-karajaan kuno di Nusantara alah baubuangan arek jo dinasti-dinasti nan bakuaso di Cino. Faktor ikolah nan kudian maramian niago jo lalu linteh barang maupun manusia dari Cino ka Nusantara dan sabaliaknyo.

Sasudah nagara Indonesia mardeka, urang Cino nan bakawarganagaraan Indonesia digolongan sabagai salah satu etnis dalam lingkuik nasional Indonesia, sasuai Pasal 2 UU Nomor 12 Taun 2006 tantang Kawarganagaraan Republik Indonesia.[2]

Asa kato[suntiang | suntiang sumber]

Kato Tionghwa alah dipakai dalam surek satia kapado tantara Nippon ko.

Kato Tionghoa (atau Tionghwa) marupokan dialek Hokkien untuak kato Zhonghua. Dalam bahaso Mandarin ado istilah Zhonghua minzu (Cino) nan aratinyo "banso Tionghoa", iyolah suatu banso nan barasa dari nagari Zhongguo (Cino), atau Tiongkok (manuruik dialek Hokkien), atau nan tanamo di Dunia Barat sabagai nagari China.

Wacana Cung Hwa saindaknyo alah dimulai sajak taun 1880, iyolah dek taringinnyo urang-urang di Tiongkok untuak talapeh dari kuaso dinasti karajaan sarato mambantuak suatu nagara nan labiah demokratis dan kuek. Wacana ko sampai tadanga dek urang asa Tiongkok nan bamukim di Hindia Balando nan katiko itu dinamokan urang Cina.Sakalompok urang asa Tiongkok nan anak-anaknyo lahia di Hindia Balando, maraso paralu baraja budayo jo bahasonyo. Pado taun 1900, didirian sikolah di Hindia Balando, di bawah naungan suatu badan nan banamo "Tjung Hwa Hwei Kwan", nan kok lafalnyo diindonesiakan manjadi Tiong Hoa Hwe Kwan (THHK). THHK dalam pajalanannyo indak anyo maaja bahaso jo budayo Tiongkok, tapi juo manumbuahan raso pasatuan urang-urang Tionghoa di Hindia Balando, sairiang jo parubahan istilah "Cino" manjadi "Tionghoa" di Hindia Balando.

Populasi di Indonesia[suntiang | suntiang sumber]

Manuruik Volkstelling (sensus) pado maso Hindia Balando, populasi urang Cino Indonesia mancapai 1.233.000 (2,03%) dari panduduak Indonesia pado taun 1930.[3] Indak ado data rasmi tantang jumlah populasi Tionghoa di Indonesia dikaluaan dek pamarintah sajak Indonesia mardeka. Namun ahli antropologi Amerika, G.W. Skinner, dalam risetnyo panah mampakirokan populasi masyarakaik Tionghoa di Indonesia mancapai 2.505.000 (2,5%) pado taun 1961.[4]

Dalam sensus panduduak pado taun 2000, katiko untuak partamo kalinyo responden sensus ditanyoi tantang asa etnisnyo, anyo 1% atau 1.739.000 jiwa nan maaku sabagai Tionghoa. Definisi "etnis" nan dipakai BPS didasarkan ateh pangakuan urang nan disensus. Ateh dasar iko, jumlah ko dapek dianggap sabagai bateh bawah ("lowerbound") karano banyak warga Tionghoa nan anggan maaku sabagai "Tionghoa" dalam sensus. Pakiroan kasa nan dipicayo tantang jumlah urang Tionghoa-Indonesia kini ado di antaro kisaran 4% - 5% dari saluruah jumlah populasi Indonesia.[5]

Manuruik Perpustakaan Universitas Ohio, jumlah urang Cino di Indonesia mancapai 7.310.000 jiwa. Jumlah ko marupokan nan paliang gadang di lua Tiongkok.[6] Sadangkan pado taun 2006 jumlah etnis Tionghoa di Indonesia mancapai 7.670.000[7]

Budaya Cino Indonesia[suntiang | suntiang sumber]

Bahaso[suntiang | suntiang sumber]

Ampek kalompok utama bahaso Tionghoa di Indonesia adolah Hokkien (Min Selatan; Min Nan), Mandarin, Hakka, dan Kantonis. Salain itu, urang-urang Teochew mangecek jo dialeknyo surang nan mampunyoi tingkek pamahaman nan samo jo Hokkien. Namun, pabedaan antaro kaduonyo mancolok di lua wilayah asanyo. Ado kiro-kiro 2,2 juta panutua asali dari babagai ragam bahaso Tionghoa di Indonesia pado taun 1982: 1.300.000 panutua dialek Min Selatan (tamasuak Hokkien dan Teochew); 640.000 panutua bahaso Hakka; 460.000 panutua bahaso Mandarin; 180.000 panutua bahaso Kanton; dan 20.000 panutua dari dialek Timur Min (tamasuak dialek Fuzhou). Salain itu, kiro-kiro 20.000 mangecek jo dialek bahaso Indonesia nan babeda.

Busana[suntiang | suntiang sumber]

Baju Koko[suntiang | suntiang sumber]

Baju koko marupokan baju mode Tiongkok nan karahnyo bulek tertutup, modelnya sarupo piyama. Biasonyo dipakai dek Muslim Tionghoa.

Cheongsam[suntiang | suntiang sumber]

Cheongsam marupokan busana tradisional (padusi) Tionghoa. Pakaian dicirikan dek karah tagak, mambukak sisi suok, pas pinggang, dan tagalincia bawah, nan sapanuahnyo dapek mamanciang kaelokan bantuak tubuah padusi. Cheongsam barasa dari chèuhngsāam (Hanzi:.. 长衫 / 長衫, 'kemeja panjang / baju')

Seni Pertunjukan[suntiang | suntiang sumber]

Barongsai[suntiang | suntiang sumber]

Barongsai adolah tari tradisional Tionghoa jo manggunokan saruang nan manyarupoi singa. Kasenian barongsai dipakirokan masuak di Indonesia pado abaik-17, katiko tajadi migrasi gadang dari Tiongkok Selatan.

Wayang Potehi[suntiang | suntiang sumber]

Wayang Potehi marupokan salah satu jenis wayang khas Tionghoa nan berasal dari Tiongkok bagian selatan. Kesenian ko dibaok dek parantau etnis Tionghoa ka babagai wilayah Nusantara pado maso lampau dan alah manjadi salah satu jinih kasenian tradisional Indonesia. Potehi barasa dari kato pou 布 (kain), te 袋 (saku), jo hi 戯 (wayang). Wayang Potehi adolah wayang boneka nan tabuek dari kain. Sang dalang ka mamasuakan tangannyo ka dalam kain tasabuik jo mamainkannyo layaknyo wayang jinih lain. Kasenian ko alah barumua sakitar 3.000 taun dan barasa dari Tiongkok.

Festival[suntiang | suntiang sumber]

Festival Qingming[suntiang | suntiang sumber]

Festival ko marupokan ritual taunan etnis Tionghoa untuak basumbayang jo ziarah kubur sasuai jo ajaran Khong Hu Cu. Festival tradisional Tionghoa ko dilaksanakan pado ari ka-104 salapeh titiak baliak Matoari di musim dingin (atau ari ka-15 pado ari pasamoan panjang siang dan malam di musim semi), pado umumnyo dirayoan pado tanggal 5 April atau 4 April pado taun kabisat.

Imlek[suntiang | suntiang sumber]

Imlek marupokan parayoan tapantiang urang Tionghoa. Parayoan Taun Baru Imlek dimulai pado ari partamo bulan partamo (Tionghoa: 正月; Pinyin: zhēng yuè) di tarikh Tionghoa dan barakhia jo Cap Go Meh 十五暝 元宵節 pado tanggal kalimo baleh (pada wakatu bulan purnama). Malam taun baru Imlek tanamo sabagai Chúxī 除夕 nan aratinyo "malam pagantian taun". Parayoan ko dirayoan jo makan gadang sarato bamain kambang api.

Rujuakan[suntiang | suntiang sumber]

  1. Kewarganegaraan, Suku Bangsa, Agama dan Bahasa Sehari-hari Penduduk Indonesia Hasil Sensus Penduduk 2010. Badan Pusat Statistik. 1 September 2011. ISBN 9789790644175. http://sp2010.bps.go.id/files/ebook/kewarganegaraan%20penduduk%20indonesia/index.html. 
  2. Lua error in Modul:Citation/CS1 at line 3537: attempt to index field 'date_names' (a nil value).
  3. Vasanty, Puspa (2004). Prof. Dr. Koentjaraningrat. ed. "Kebudayaan Orang Tionghoa Di Indonesia", Manusia Dan Kebudayaan Di Indonesia. Penerbit Djambatan. p. hal. 359. ISBN 979-428-510-2. 
  4. Skinner, G.W. (1963). R.T. McVey. ed. "The Chinese Minority", Indonesia. New Haven, HRAF. p. hal. 99. 
  5. Lua error in Modul:Citation/CS1 at line 3537: attempt to index field 'date_names' (a nil value).
  6. Ohio University
  7. (Cino) "印尼2006 年華人人口統計推估 (Perkiraan Statistik Jumlah Penduduk Tionghoa-Indonesia Tahun 2006)" (PDF). Overseas Compatriot Affairs Commission, R.O.C (Taiwan). http://www.ocac.gov.tw/download.asp?tag=P&file=DownFile/File_9894.pdf&no=9894. Diakses pado 10 Mai 2010. "本會以人口增加率1.38%估計,2006 年印尼華人人口約有767 萬人,約占印尼總人口的3.4%,尚屬合理。"