Hanyu Pinyin

Dari Wikipedia baso Minang, ensiklopedia bebas
Jump to navigation Jump to search
Pinyin
Hanzi: 拼音
Skema Alfabet Fonetis Tionghoa
Hanzi tradisional: 漢語拼音方案
Hanzi sederhana: 汉语拼音方案
Artikel iko mamuek teks babahaso Cino. Tanpa dukuangan multibahaso, Sanak mungkin hanyo mancaliak tando tanyo, tando kotak, atau karakter lain salain dari karakter nan dituju.

Hànyǔ Pīnyīn (汉语拼音, arati harafiah: "bunyi basamo bahaso") atau nan acok dipasingkek manjadi Pīnyīn (拼音, arati harafiah: "panggabuangan bunyi") dalam bahaso Mandarin iolah sistem romanisasi (notasi fonetis jo aliah aksara ka aksara Latin) untuak bahaso Mandarin nan digunoan di Republik Rakyat Tiongkok, Taiwan, Malaysia, jo Singapura.

Hanyu Pinyin dikambangkan sajak tahun 1950-an manuruik bantuak-bantuak romanisasi sabalunnyo. Hanyu Pinyin disatujui pamakaiannyo dek pamarintah Republik Rakyat Tiongkok pado tahun 1958 dan alah direvisi babarapo kali.[1] Sistem ko manggantian sistem aliah aksara lamo sarupo Wade-Giles (1859; dimodifikasi pado 1912) dan Bopomofo.

Sajak wakatu tu, Hanyu Pinyin alah ditarimo sabagai sistem aliah aksara utamo untuak bahaso Mandarin di dunia. Pado tahun 1982, Organisasi Internasional untuak Standardisasi (ISO) mangadopsi Hanyu Pinyin sabagai sabuah standar internasional romanisasi untuak bahaso Mandarin.[2] Sistem ko diadopsi sabagai standar rasmi di Taiwan pado tahun 2009 nan umumnyo disabuik sabagai Sistem Fonetis Baru.

Rujuakan[suntiang | suntiang sumber]