Antarktika

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Antarktika (i/ænˈtɑːrktᵻkə/ atau /æntˈɑːrtᵻkə/; namo populer: Antarktika) marupakan banua nan maliputi Kutub Selatan Bumi, ampia saluruahnyo talatak di Lingka Antarktika jo dikaliliangi jo Samudra Pasifik, Samudra Atlantik dan Samudra Hindia. Jo lueh 14.0 juta km2 (5.4 juto sq mi), Antarktika adolah banua talaweh kalimo salapeh Eurasia, Afrika, Amerika Utara, dan Amerika Selatan. Sabagai pabandiangan, Antarktika ampia duo kali ukuran Australia. Sakitar 98% dari Antarktika tatutuik jo es nan rato-rato sataba minimal 1,9 km,[1] saluruah daratan maluaeh tatapi di bagian utara mancapai Samananjuang Antarktika.

Antarktika mamiliki kalambaban rato-rato tarandah, suhu rato-rato tarandah di antaro dolah banua di bumi, banua takariang, banua barangin takancang, jo mamiliki elevasi rato-rato tatinggi dari dolah banua.[2] Antarktika dianggok sabagai gurun, jo curah hujan hanyo 200 mm (8 inci) di sapanjang pantai dan jauah labiah saketek di padalaman.[3] Tampek tadingin di muko bumi iko sabagian gadang tatutuik es sapanjang taun mancapai -89 °C (-129 °F). Populasinyo taketek jauah di bawah nan lain (umumnyo ditampeki jo panaliti-panaliti jo ilmuwan untuak bateh wakatu tatantu sajo) sakita 1000 sampai 5000 urang.[4] Hanyo organisme nan dapek hiduik jo baadaptasi di suhu dingin tamasuak babagai janis jamua, alga, bakteri, protista, tumbuahan, salain tu binatang mode panguin, caciang, anjiang lauik. Tumbuahan nan ado hanyo tundra.

Lagenda jo pakiraan tantang sabuah Terra Australis ("Tanah Selatan") alah ado sajak zaman saisuak, panamuan banua nan patamo kali ditarimo umum tajadi pado 1820 dan pandaratan nan patamo tacatat taun 1821. Namun, peta nan dibuek Laksamana Piri Reis taun 1513 mamuek sabuah banua selatan nan didugo sabagai pantai Antarktika.

Antarktika marupakan tampek sukoati, walaupun sampai kini masih ado babarapo nagara di dunia nan mangajukan klaim kapamilikan wilayah di banua Antarktika tasabuik.

Rujuakan[suntiang | suntiang sumber]

  1. British Antarctic Survey. Bedmap2: improved ice bed, surface and thickness datasets for Antarctica. The Cryosphere journal. p. 390. http://www.the-cryosphere.net/7/375/2013/tc-7-375-2013.pdf. Diakses pado 6 Januari 2014. 
  2. National Satellite, Data, and Information Service. "National Geophysical Data Center". Government of the United States. http://www.ngdc.noaa.gov/mgg/image/2minrelief.html. Diakses pado 9 Juni 2006. 
  3. Joyce, C. Alan (18 January 2007). "The World at a Glance: Surprising Facts". http://www.worldalmanac.com/blog/2007/01/the_world_at_a_glance_surprisi.html. Diakses pado 7 Pebruari 2009. 
  4. "Antarctica Population 2014". http://worldpopulationreview.com/continents/antarctica-population/. Diakses pado 22 Agustus 2014.