Canduang, Agam

Wikipedia Minangkabau - Lubuak aka tapian ilimu
Canduang
Nagara Indonesia
ProvinsiSumatera Barat
KabupatenAgam
Pamarintahan
 • Camat-
Luas- km²
Kapadatan- jiwa/km²
Kode BPS-
Nagari/kelurahan-/-

Canduang adolah marupoan kecamatan di kabupaten Agam, provinsi Sumatera Barat, Indonesia. Kacamatan Canduang tadiri dari 3 kanagarian yaitu:

  1. Canduang Koto Laweh
  2. Lasi
  3. Bukik Batabuah

Sijarah[suntiang | suntiang sumber]

Namo "Canduang" barasal dari sabuah pakakeh sajenis parang nan dipakai masyarakaik satampek untuak manunjang babagai aktivitas sahari-hari, sarupo mamotong kayu jo lain sabagainyo. Canduang adolah istilah nan dipagunokan masyarakaik satampek untuak manyabuik pakakeh ko. Salain kagunoan tasabuik "canduang" juo digunokan masyarakaik untuak mamparsanjatoi diri untuak manghadapi musuh. Pado maso tren masyarakaik cakak banyak acok tajadi pakalahian antaro kampuang, mayarakaik lua lamo-kalamoan akrab jo namo masyarakaik Canduang, masyarakaik nan salalu manggunokan "Canduang" katiko bacakak.↵Awal muasal wilayah nan banamo Canduang kini ko adolah sabuah kampuang ketek nan barado di dakek Balai Sati.

Kaadaan Alam[suntiang | suntiang sumber]

Kacamatan Canduang barado di kaki Gunuang Marapi jo daerah nan barombak jo babukik sampai jo lereang nan sangaik terjal. Kacamatan Canduang barado pado katinggian antaro 780 hinggo 2891 m di ateh parmukoan lauik.

Tempratur udaro di Kacamatan Canduang adolah antaro 20 °C hinggo 28 °C. Kalambaban udaro 88%, kacapatan angin antaro 4 hinggo 20 km/jam jo panyinaran matohari rato-rato 58%. Curah hujan daerah Kacamatan Canduang adolah antaro 3500 sampai 4000 mm/taun tanpa bulan kariang.

Kacamatan Canduang dilalui dek 2 batang aia yaitu Batang Jabua jo Batang Lasi.↵Kacamatan Canduang nan bajarak 66 km dari ibu kota Kabupaten Agam tu mamiliki bateh wilayah administrasi pamarintahan sabagai barikuik:

Utara Kecamatan IV Angkek dan Kecamatan Baso
Selatan Gunung Marapi
Barat Kecamatan Banuhampu dan Kecamatan Sungai Pua
Timur Kabupaten Tanah Datar

Kapandudukan[suntiang | suntiang sumber]

Etnis[suntiang | suntiang sumber]

Panduduak Kacamatan Canduang sabagian gadang barasal dari etnis Minangkabau. Etnis lain nan juo bamukim di siko adolah Suku Jawa.

Agamo[suntiang | suntiang sumber]

Panduduak Kacamatan Canduang adolah pamaluak Agamo Islam.

Pamarintahan[suntiang | suntiang sumber]

Maso Kolonial jo Awal Kamardekaan[suntiang | suntiang sumber]

Pado awalnyo Kalarasan Ampek Angkek jo Kalarasan Canduang barado dalam ciek Onderdistrick Ampek Angkek Canduang nan diparintah dek saurang Asisten Demang nan bakadudukan di Lasi. Onderdistrick Ampek Angkek Canduang marupokan bagian dari Districk Tilatang Kamang IV Angkek Canduang di mano Districk ko tadiri ateh Onderdistrick Tilatang Kamang, Onderdistrick Ampek Angkek Canduang jo Onderdistrick Baso nan diparintah dek saurang Demang nan bakadudukan di Biaro.↵Pado zaman panjajahan Japang, sakitar taun 1943 bantuak Pamarintahan Ampek Angkek Canduang mangalamai parubahan jo dituka manjadi duo bagian yaitu:

  1. Nagari Biaro Gadang, Ampang Gadang, jo Batu Taba bagabuang jo Nagari Kapau jo Gadut dari Tilatang Kamang, dijadian Daerah Kota Bukittinggi nan dibari namo Bukittinggi Shi III nan diparintah dek saurang Demang Mudo nan bakadudukan di Pandam Basasak Kapau.
  2. Nagari Panampuang, Lambah, Balai Gurah, Lasi jo Bukik Batabuah sarato Canduang Koto Laweh bagabuang jo Nagari-nagari dari Pamarintahan Wilayah Baso nan diparintah dek Demang Mudo nan bakadudukan di Baso.

Pado bulan November 1947 Nagari Biaro Gadang, Ampang Gadang jo Batu Taba dipisahan dari Kota Bukittinggi, kamudian bagabuang jo Kabupaten Agam nan manjadi bagian Pamarintahan Pamarintahan Wilayah Baso.↵Pado Agresi Militer II dimulai bulan Februari 1949, Pamarintahan di Ampek Angkek Canduang barubah manjadi 2 bagian:

  1. Nagari di sabalah Salatan rel Kereta Api diparintah dek Wali Nagari Perang Ampek Angkek Salatan di bawah Camaik Militer IV Angkek Selatan.
  2. Nagari di sabalah Utara rel Kereta Api diparintah dek Wali Nagari Perang Ampek Angkek Utara di bawah Camaik Militer Baso.

Satalah Kamardekaan[suntiang | suntiang sumber]

Salanjuiknyo jo Katatapan Bupati/Ketua Dewan Pamarintah Daerah Samantaro Kabupaten Agam malalui Surek Kaputusan Nomor 038/2-2/1950 tanggal 22 Juni 1950, kaduo wilayah di ateh disatuan kambali manjadi Ampek Angkek Canduang nan Pamarintahannyo dipimpin dek saurang Asisten Wedana. Kamudian jo dibarlakukannyo Undang-Undang Nomor 05 Taun 1974 tantang Pokok-pokok Pamarintahan di Daerah, mako pado taun 1975 istilah Asisten Wedana dituka jo Camaik salaku Kapalo Wilayah.↵Sasudah babarapo taun bajalan, mako pado taun 1984 badasarkan Surek Kaputusan Gubernur Kapalo Daerah Tingkek I Sumatra Barat Nomor 337/GSB/1984, di mano untuak Kacamatan Ampek Angkek Canduang dibantuak Parwakilan Kacamatan Ampek Angkek Canduang nan dipimpin dek Kapalo Parwakilan Kacamatan (Camaik Pambantu) nan bakadudukan di Lasi jo mambawahi 3 Nagari jo 18 Desa. Dek mode itu, mako Kacamatan Induak Kacamatan Kacamatan Ampek Angkek Canduang mambawahi 7 Nagari jo 33 Desa nan tatap dipimpin dek Camaik salaku Kapalo Wilayah Kacamatan nan bakadudukan di Biaro.↵Sistem jo kondisi Pamarintah Kacamatan Ampek Angkek Canduang jo Nagari tasabuik indak ado mangalami parubahan, kacuali tajadi 4 kali parubahan pado tingkek Desa ateh dasar kabijakan Pamarintah Pusat jo Program Panataan Desa, di mano jumlah desa nan ado di Kacamatan Ampek Angkek Canduang jo Kacamatan Parwakilan Ampek Angkek Canduang sabanyak 51 desa manjadi sabagai barikuik:

  1. Kacamatan Ampek Angkek Canduang mambawahi 17 Desa
  2. Parwakilan Kacamatan Ampek Angkek Canduang mambawahi 13 Desa

Akhianyo sairing jo lahianyo Undang-Undang Nomor 22 Taun 1999 tantang Otonomi Daerah, dek itu, Pamarintah Provinsi Sumatra Barat manyikapi paluang otonomi tasabuik untuak kambali ka sistem Pamarintahan Nagari. Untuak tu dikaluakan Paraturan Daerah Provinsi Sumatra Barat nomor 09 Taun 2000 tantang Pokok-pokok Pamarintahan Nagari nan sakaligus juo disikapi dek Pamarintah Daerah Kabupaten Agam jo mangaluakan Paraturan Daerah Kabupaten Agam Nomor 31 Taun 2001 tantang Pamarintahan Nagari nan sacaro langsuang ataupun indak langsuang mangubah sistem pamarintahan jo jumlah desa manjadi Jorong, namun indak mangubah bateh, jumlah jo namo Nagari.↵indak hanyo itu, untuak mamacu pambangunan jo kasajahteraan masyarakaik nan marato sarato partimbangan lainnyo, Pamarintah Daerah Kabupaten Agam langsuang malakuan pamekaran Parwakilan Kacamatan Ampek Angkek Canduang manjadi Kacamatan Definitif malalui Paraturan Daerah Kabupaten Agam Nomor 33 Taun 2001 tantang Pamekaran Kacamatan.↵Badasarkan Paraturan Daerah Kabupaten Agam tasabuik pado hari Selasa tanggal 05 Maret 2002 mako diresmikanlah Kacamatan Canduang definitive dek Bupati Agam jo Ketua Dewan Perwakilan Rakyat Daerah Kabupaten Agam.

Pambagian Adminisratif[suntiang | suntiang sumber]

Kacamatan Canduang saat ko tabagi ateh 3 Nagari.

Kasihatan[suntiang | suntiang sumber]

Palayanan kasihatan di kacamatan Baso alah mamadai, nan mano di kacamatan Canduang alah tadapek 1 puskesmas, 6 puskesmas pambantu jo 1 puskesmas kaliliang.

Pandidikan[suntiang | suntiang sumber]

Sarana pandidikan di Kacamatan Canduang alah sangaik mamadai, di mano di Canduang tadapek pesantren-pesantren nan takenal di saluruah Indonesia, di antaronyo MTI Canduang nan didirikan dek Syekh Sulaiman Arrasuli

Pendidikan formal TK atau RA negeri dan swasta SD atau MI negeri dan swasta SMP atau MTs negeri dan swasta SMA atauMA negeri dan swasta SMK negeri dan swasta Perguruan tinggi
Jumlah satuan 11 18 9 4
Data sekolah di Kecamatan Candung

Sumber: Profil Kecamatan Candung

Parhubungan[suntiang | suntiang sumber]

Kacamatan Canduang mamiliki 49 KM jalan kabupaten.↵Salain itu, kacamatan Canduang mampunyoi transportasi angkutan umum nan sangaik mamadai. Ado babarapo rute nan dilalui dek babarapo angkutan umum di Kacamatan Canduang. Nan mano rute tasabuik manghubuangkan babarapo lokasi maupun tampek wisata di Kacamatan Canduang jo Kota Bukittinggi.

Pranala lua[suntiang | suntiang sumber]

Kabupaten Agam, Sumatra Barat

Pusat pemerintahan: Lubuk BasungBupati: Indra Catri • Wakil Bupati: Trinda Farhan Satria Kecamatan IV Angkek • IV Koto • Ampek Nagari • Banuhampu • Baso • Candung • Kamang Magek • Lubuk Basung • Malalak • Matur • Pelembayan • Palupuh • Sungai Pua • Tanjung Mutiara • Tanjung Raya • Tilatang Kamang