Wikipedia:Tonggak nan limo

Saluruah kabijakan jo pedoman Wikipedia dapek diringkeh manjadi tonggak nan limo nan marupoan karakter Wikipedia:

	Wikipedia adolah sabuah lubuak aka Wikipedia adolah sabuah lubuak aka nan manghimpun unsua-unsua ensiklopedis umum dan catatan-catatan sajarah dalam satu himpunan. Saluruah artikel indak buliah barasa dari riset asli, harus batua-batua diusahoan kebenarannyo, dan mamiliaki suduik pandang nan indak mamihak. Wikipedia bukanlah tampek untuak manyumbangkan pandapek, pangalaman, atau hujah pribadi. Wikipedia bukanlah tampek untuak informasi nan basipaik sumbarang. Wikipedia bukanlah tampek untuak manghimpun trivia-trivia nan pendek, manyiarkan pandangan-pandangan politik, mampromosikan barang dagangan, atau mamuek patunjuak-patunjuak situs web. Wikipedia bukanlah tampek untuak malatakkan isi kamus, barito koran, atau koleksi naskah sumber. Janiah-janiah saroman ko dapek dilatak di proyek wiki nan sasuai, cando KamusWiki, Wikinews, atau Wikisource.
	Suduik pandang Wikipedia adolah indak mamihak Sadoalah artikel di Wikipedia haruslah barisi suduik-suduik pandang nan baragam. Surang panyuntiang harus mencari pandangan-pandangan nan balawan dalam satu topik dan manulihannyo sacaro jujur dan akurat. Sumber dan rujuakan untuak suduik-suduik pandang ko wajib dilatakkan untuak mandukuangnyo. Indak ado satu pandangan nan buliah ditulis subagai satu pandangan nan paliang batua atau nan paliang elok. Satiok suduik pandangn harus didukuang dek sumber jo rujuakan nan dapek ditinjau ulang dan alah dipastikan katapatannyo, kusuihnyo untuak artikel-artikel nan kontroversial. Sangkek munculnyo salisiah versi ma nan paliang indak mamihak, pihak nan bakapantiangan harus taaik pado satu wakatu "mandinginkan diri" dan menerapkan tando pado artikel nan tasabuik subagai topik nan sadang disalisiahkan. Salisiah ko harus dirundiangkan dalah halaman parundiangannyo dan disalasaikan sacaro baradab.
	Isi Wikipedia basipaik lapeh Satiok urang dapek manyuntiang di Wikipedia. Saluruah teks tasadio di bawah Izin Dokumentasi nan Lapeh GNU (GNU Free Documentation License (GFDL)), dan satiok urang dapek manyabarluaskan jo maubuangan pautan jo kaidah nan semestinyo. Satiok artikel dapek diubah dek sia se. Indak ado surang pun nan mamiliki kandali pribadi ateh suatu artikel. Jan manyumbang sumbangan nan malangga hak cipta sacaro tarang-tarangan, atau sumbangan nan lisensinyo balangga jo GFDL.
	Wikipedia mamiliki aturan tingkah laku Hormatilah sasamo pangguno Wikipedia, walaupun Sanak alun tanto basipakek. Balakulah nan sopan. Jan manyarang pribadi. Tetap basaba jo bakapalo dingin walaupun basalisiah adalam manyuntiang. Jan terlibat dalam parang suntiangan. Balakulah jujur dan selalu anggap pangguno lain elok jo jujur pulo. Tanamkanlah sipek nan tabukak untuak pangguno lain.
	Jan tababan dek aturan! Wikipedia indak punyo aturan dasar nan lain salain limo tonggak nan dijalehan di siko. Jan ragu dalam manyuntiang, mamindahan jo mangubah artikel. Sanak harus maraso sanang dalam manyuntiang. Indak ado nan mamaso Sanak untuak subana sero dalam manyuntiang. Jan takuik kalah Sanak mambuek kasalahan atau malah mangacau di Wikipedia. Tiok versi suntiangan nan terdahulu akan tetap ado, jadi Sanak indak paralu cameh kalau indak sangajo marusak atau maapuih isi, karena sadoalahnyo dapek dibaliakkan. Tapi ingek, sadoalah nan Sanak sumbangan di siko akan tasimpan salamonyo.