Wikipedia:Padoman tata latak

Wikipedia Minangkabau - Lubuak aka tapian ilimu
Padoman gaya
Padoman panamoan
Panyerapan
Topik

Dalam Wikipedia paralu bataratik soal tata latak panulisan supayo mampunyoi bantuak nan umum, baiak dalam tampilan maupun dalam format suntiangan bia lai mudah untuak dipeloki, atau diagiah tambahan dek pangguno lain. Panduan ko bukan marupokan panduan panggunoan bahaso markah wiki do (caliak Wikipedia:Manyuntiang sabuah halaman).

Bagian pambukak[suntiang sumber]

! Artikel utamo untuak kategori ko adolah Wikipedia:Bagian pambuko.

Bagian pambukak dapek mamuek hal-hal barikuik (jo urutan sarupo):

Bagian tubuah laman artikel[suntiang sumber]

Bagian dan judul bagian[suntiang sumber]

Tiok-tiok bagian jo subbagian artikel diagiah judul. Judul bagian jo subbagian mampajaleh laman dek mambagi teks, maorganisir isi laman, dan tampak di daftar isi.

Judul bagian mampunyoi susunan 6 tingkek, iyolah sampai sub-sub-sub-sub-subbagian. Tingkatan judul bagian ditantukan dari jumlah tando samo jo nan maapik judul tasabuik. Judul tingkek 1 (=Judul=) sacaro automatis manjadi judul artikel, dan indak sasuai digunoan di dalam badan artikel. Judul bagian diawali pado judul tingkek 2 (==Bagian==), jo judul subbagian pado tingkek 3 (===Subbagian===), dan sataruihnyo. Bagian tubuah tulisan musti bauruikan, iyolah indak malompek dari bagian ka subbagian (misanyo, malompek dari ==Bagian== ka ====Sub-subbagian==== jo indak ado ===Subbagian=== di antaro kaduonyo). Di antaro bagian nan ciek jo bagian nan lain musti ado ciek barih kosong; labiah dari ciek barih kosong ka manampakan talampau banyak spasi antarbarih di artikel.

Templat bagian dan gaya ringkasan[suntiang sumber]

Artikel utamo[suntiang sumber]

Kok suatu bagian artikel marupokan ringkasan artikel lainnyo nan manjalehan topik bagian tasabuik salangkoknyo, pautan ka artikel tasabuik musti tampak sarupo di bawah judul bagian itu. Bantuak sarupo ko mungkin dijumpoi kok bagian basangkuikan sabalunnyo marupokan bagian nan talampau panjang dan dipacah dari artikel tersebut. Gunokan templat {{Main}} atau {{Artikel}} atau {{utamo}} untuak manampakan pautan ka Artikel utamo.

Contoh caro panulisan:

{{main|Sijarah Daerah Istimewa Yogyakarta}}

ka mangasiakan:

Gunokan pautan ko anyo kok artikel utamo tu marupokan panjalehan salangkoknyo dari bagian basangkuikan. Panggunoan pautan ko manuju artikel nan alun tasadio (pautan sirah) sabana indak dianjurkan.

Pautan lain di bawah judul bagian[suntiang sumber]

Kok ado artikel lain nan maagiah informasi labiah lanjuik atau rincian tambahan (bukan panjalehan salangkoknyo—caliak sub-subbagian sabalun ko), pautan ka artikel tu musti ditampakan tapek di bawah judul bagian itu, asa lai pautan tu alun ditambahan di dalam teks. Pautan-pautan tambahan ko musti digabuang jo templat {{Main}} (kok ado) supayo dapek dicaliak sacaro mudah dek pambaco. Gunokan salah satu templat barikuik untuak mambuek pautan-pautan tasabuik:

  • {{Detail}} ka manampakan Untuak detil labiah lanjuik tantang topik ko, caliak
  • {{Further}} ka manampakan Informasi labiah lanjuik:
  • {{Seealso}} ka manampakan Caliak pulo:

Contohnyo, untuak mambuek pautan "Caliak pulo" ka artikel Evolusi, buek {{Seealso|Evolusi}}, nan ka mangasiakan:

Samo jo pautan ka artikel utamo suatu bagian, hindari mambuek pautan ka laman nan alun tasadio.

Paragraf[suntiang sumber]

Bagian-bagian dalam artikel biasonyo tadiri ateh paragraf-paragraf dalam bantuak prosa. Panulisan dalam bantuak daftar sarancaknyo indak dilakukan, kacuali untuak mambagi-bagi teks nan talampau rami, tarutamo kok topik takaik cukuik sulik dek pambaco. Bantuak daftar biasonyo digunoan pado bagian rujuakan jo bacoan di bagian akhia artikel. Di antaro duo paragraf—sabagaimano antarbagian—musti ado ciek barih kosong; bantuak daftar biasonyo indak dipisahan jo barih kosong.

Paragraf nan tadiri dari anyo ciek kalimaik sarancaknyo dihindari dek maambek alua tulisan. Jo alasan nan samo, paragraf nan talampau panjang juo sulik dibaco. Paragraf-paragraf pendek dan kalimaik-kalimaik tungga sarancaknyo indak manjadi subbagian surang; dalam hal ko, mungkin labiah rancak manggunokan bantuak daftar.

Lampiran dan catatan kaki[suntiang sumber]

Bagian lampiran dilatakan di bagian bawah artikel jo ==judul bagian==, diikuti dek catatan kaki.

Contoh caro panulisan:

== Caliak pulo==

  • [[Wikipedia:Manyuntiang sabuah laman]]
  • [[Wikipedia:Padoman gaya]]

akan mangasiakan:

Caliak pulo

Urutan lampiran opsional:

  1. Daftar karya
  2. Caliak pulo
  3. Catatan atau referensi
  4. Bacoan labiah lanjuik
  5. Pautan lua

Urutan catatan kaki opsional:

  1. Kotak suksesi
  2. kotak navigasi
  3. Kategori
  4. Templat tulisan rintisan (templat tulisan rintisan nan patamo harus didahului jo duo baris kosong)
  5. Pautan antarbahaso atau interwiki

Daftar karya[suntiang sumber]

Isi: Daftar biaso, biasonyo diuruikan sacaro kronologis, barisi karya nan dibuek dek subjek artikel basangkuikan.

Judul: "Karya" digunokan untuak daftar karya nan bukan marupokan publikasi tatulih (misanyo, musik, film, lukisan, koreografi, atau desain arsitektur). "Bibliografi", "Diskografi", atau "Filmografi" kadang digunokan kok diparalukan; namun, "Bibliografi" indak talalu dianjurkan dek cameh rancu jo "Rujuakan".

Bagian caliak pulo[suntiang sumber]

Isi: Daftar biaso, sarancaknyo diuruikan manuruik abjad, mamuek (pautan internal) ka artikel takaik di Wikipedia. Panulih sarancaknyo maagiah katarangan singkek kok relevansi pautan tu indak nampak jaleh, kok arati istilahnyo indak talampau dikana umum, atau kok istilah tu ambigu. Contohnyo:

Pautan nan alah ado di dalam tubuah tulisan umumnyo indak batulisan lai di bagian "Caliak pulo", dan kotak navigasi di bagian bawah artikel buliah pulo digunoan sabagai pangganti banyak pautan internal. Namun, adonyo pautan di dalam bagian "Caliak pulo" ko pado akhianyo marupokan soal patimbangan editorial dan aka sihaik. Pautan nan disaratokan di dalam bagian ko mungkin baguno untuak pambaco nan nak mancari tau sabanyak mungkin mangenai sabuah topik, tamasuak subjek-subjek nan takaik anyo sacaro umum ka bakeh subjek basangkuikan. Bagian "Caliak pulo" sarancaknyo indak mamuek pautan ka artikel nan alun babuek. Pautan ka {{Portal}} biasonyo ditampekan juo di bagian ko.

Judul: Judul nan paliang acok digunoan untuak bagian ko iolah "Caliak pulo" (dulu basabuik "Pautan internal").

Catatan jo rujuakan[suntiang sumber]

Isi: Bagian ko mamuek (1) kutipan atau sitasi nan mamastian informasi di dalam artikel, dan (2) catatan panjalehan nan indak pas kok ditampekan di dalam badan artikel. Bagian ko kadang tabagi ka dalam babarapo bagian.

Judul: nan paliang umum dipakai iolah "Rujuakan"; artikel lain mamakai "Catatan", "Catatan kaki", "Acuan", "Sumber", "Referensi", "Sitasi", atau "Bibliografi" (judul tarakhia ko indak disaranan untuak mailakan karancuan jo bagian tantang karya tulih nan dibuek dek subjek artikel).

Bacoan labiah lanjuik[suntiang sumber]

Isi: Daftar biaso, biasonyo basusun sasuai abjad, mamuek sajumlah publikasi nan indak tampak di tampek lain di artikel dan indak digunoan untuak pamastian isi artikel. Bagian ko buliah digantian jo bagian Pautan lua; kaduo bagian ko buliah digabuangkan kok kaduonyo amaik singkek. Kok kaduo bagian tu ado di dalam artikel, "Pautan lua" biasonyo mamuek situs web jo publikasi dalam jariangan. Publikasi nan ado di bagian "Bacoan labiah lanjuik" ditulihan jo caro panulisan rujuakan lainnyo di artikel tu.

Pautan lua[suntiang sumber]

Isi: Daftar biaso nan mamuek tiok-tiok situs web relevan nan diagiah panjalehan singkek. Pautan-pautan tu umumnyo alun ado di dalam tubuah artikel, dan indak paralu ditampakan di bagian ko kok alah tampak di bagian "Rujuakan" atau "Catatan". Bagian ko buliah digantian jo bagian "Bacoan labiah lanjuik".

Pautan ka proyek Wikimedia lainnyo (kacuali Wiktionary jo Wikisource) sarancaknyo ditampekan di bagian ko.

Gambar[suntiang sumber]

Gambar dalam sabuah artikel sarancaknyo indak talampau banyak ataupun indak talampau acok diganti-ganti. Gambar nan alah ado di artikel sarancaknyo tatok di artikel, kacuali ado gambar lain nan labiah ancak atau labiah sasuai.

Gambar idealnyo dilatakan taseba marato di dalam artikel, dan relevan jo bagian tampek gambar tu dilatakan. Sadoalah gambar musti mampunyoi katarangan gambar nan jaleh. Gambar nan talampau gadang sainggo manyisoan talampau saketek ruangan untuak teks musti dipaketek atau dibuek dalam bantuak panorama. Sarancaknyo ukuran gambar jo templat pado suatu laman saliang disaimbangkan.

Katiko malatakan gambar, jan latakan talalu banyak pado bagian pambukak atau pado salah satu bagian artikel. Sacaro umum, kok ado banyak gambar pado suatu bagian artikel sampai-sampai gambarnyo masuak ka bagian barikuiknyo, bagian tu talalu pendek atau gambar di bagian tu talampau banyak.

Kok sabuah artikel mampunyoi talampau banyak gambar sampai-sampai malabiahi panjang teks artikelnyo (tamasuak kok templat kotak info atau navigasi sarupo {{taxobox}} alah cukuik panjang), gunoan bantuak galeri. Caro pamacahan lain iolah mambuek laman atau kategori nan manggabuangkan sadoalah gambar tu di Wikimedia Commons dan manggunoan templat nan sasuai ({{commons}}, {{commonscat}}, {{commons-inline}} atau {{commonscat-inline}}) sabagai pautan ka sinan.

Pautan[suntiang sumber]

Untuak wikifisasi artikel, duo pasang tando kuruang siku musti dilatakan di sakitar kato atau frasa nan sasuai jo konteks panggunoan kato atau frasa tasabuik partamo kali di dalam suatu bagian; kok kato atau frasa tu indak samo jo judul artikel nan dituju, tambahan tando pautan pipa "|" (tombol tando pipa pado papan takan (keyboard) di Indonesia umumnyo talatak di bagian ateh, yakni di sabalah kiri tombol "BACKSPACE") diikuti jo namo alternatif. Panulisan sarupo ko ka mamuncuakan pautan ka artikel lain di Wikipedia:

Manuruik [[Mitologi Japang|mitologi tradisional]], Japang didirikan dek [[Kaisar Jimmu]].

Kok disimpan, teks tasabuik ka muncua mode ko:

Manuruik mitologi tradisional, Japang didirikan dek Kaisar Jimmu.

Caliak pulo[suntiang sumber]